НБА-гийн талбайд өнөөдөр есөн тоглолт боллоо. "Лос Анжелес Лейкэрс" баг "Клевлэнд Кавалерс" багийн талбайд зочлон тоглолоо. Тус тоглолт эхний үед дөрвөн онооны зөрүүтэй дууссан бол түүнээс цааш Кавалерс онооны зөрүүг холдуулсаар байгаад 105-120 харьцаагаар ялалт байгуулсан байна. Тус тоглолтод Кэвин Лов энэ улирлын хамгийн их 32 оноо, 10 самбараас бөмбөг авч багаа тэргүүлсэн бол Кари Ирвинг 28 оноо, 10 оновчтой дамжуулалт, Леброн Жеймс 22 оноо, 10 самбараас бөмбөг авч, 8 оновчтой дамжуулалтыг үзүүлжээ. Харин эсрэг багаас Жордон Кларксон 20 оноог авч багаа тэргүүлжээ.

Өнөөдрийн эхний тоглолт "Оклахома Сити Тандер" талбай дээрээ "Лос Анжелес" нөгөө баг болох Клиппэрсийг хүлээн авч тогложээ. Тоглолтын эхний үед хоёр оноогоор хожигдсон Клипперс оноог дөхүүлж чадалгүй 108-131 харьцаагаар ялагдал хүлээсэн байна. Тус тоглолтод Кэвин Дурант 29 оноо, 5 самбараас бөмбөг авч, 6 оновчтой дамжуулалт өгч багаа тэргүүлсэн бол Рассиал Уэйстбрук 19 оноо, 11 самбараас бөмбөг авч, МакГрэй 19 оноо, 10 самбараас бөмбөг авч, Дион Уэйтэрс 16 оноогоор тусалжээ. Харин эсрэг багаас Жамал Грофорд 21 оноог авчээ.

Бусад тоглолтууд
Лос Анжелес Клиппэрс 108-131 Оклахома Сити Тандер
Лос Анжелес Лейкэрс 105-120 Клевлэнд Кавалерс
Атланта Хаукс 88-94 Мемфис Гриззлис
Индиана Пэйсэрс 103-102 Шарлот Хорнетс
Минносато Тэмбэруолвз 112-101 Детройт Пистонс
Чикаго Буллз 98-97 Орлондо Мэжик
Портлэнд Трэйл Блэйзэрс 109-98 Хьюстон Рокетс
Сан Антони Спөрс 82-87 Торонто Репторс
Финикс Санс 83–85 Сакермэнто Кингс