Харилцаа холбооны зохицуулах хороо, Цагдаагийн ерөнхий газраас зохион байгуулсан “Unfriend” аяны дараагийн давалгаа “Цахим орчныг зөв болгоё” аяныг эхлүүлээд байгаа билээ. Уг аянд  “Хурд” хамтлагийн гитарчин, ая зохиогч, гавьяат жүжигчин Д.Отгонбаяр нэгдлээ. Мөн тэрбээр уг аянд “Хурд” хамтлагийн дуучин, гавьяат жүжигчин Д.Төмөрцог,  “On’n off” продакшны хамт олон, хөгжмийн зохиолч Б.Чинбат, соёлын тэргүүний ажилтан, поп дива С.Наран, соёлын тэргүүний ажилтан С.Сэрчмаа нарыг урилаа. Мөн тэднийг 24 цагийн дотор энэхүү давалгаанд нэгдэн бичлэг хийж, найз нөхдөдөө түгээж, таван найзаа урихыг хүсэв.