Мобикомын сар шинийн бэлэгний карт худалдан авсан хэрэглэгчдийн дундаас 99 iPhone, 99 Led TV-ийн нийт 198 ялагч тодрох бөгөөд өнөөдрийн байдлаар Улаанбаатар, Эрдэнэт, Ховд, Хэнтий, Завхан, Хөтөлөөс 17 хэрэглэгч /10 iPhone, 7 Led tv/ Мобикомын сар шинийн урамшууллын эзэд болоод байна. Өчигдөр /2015.02.05/ бэлэгний картын алт мөнгөн зоосны эздийн төлөөлөл iPhone утас, Led TV–ээ гардан авлаа.

ХААИС-ийн 3-р курсын оюутан Б.Очирпүрэв 2/4-ны өдөр Хайлаастын хүнсний дэлгүүрийн гэрээт борлуулагчаас 1000 нэгж авч утсаа цэнэглээд Led TV-ийн эзэн болжээ. Тэрээр Говь-Алтай аймгийн Тайхар сумын харьяат бөгөөд азын бэлгээ аваад нутаг явах гэж байгаагаа ярьсан. Сар шинийн үндэсний бөхийн барилдааныг сумандаа аав ээжтэйгээ хамт шинэхэн телевизээрээ үзэх болсондоо баяртай байлаа.

Сонгинохайрхан дүүрэгт хувиараа бизнес эрхэлдэг Ж.Эрдэнэчимэг Баянхошууны хүнсний дэлгүүрээс 1/31-нд 5000-ын картаар дансаа цэнэглээд LED TV-тэй болоод байна. Түүний ээж, хүүхдүүд нь хамтдаа хүрэлцэн ирж сар шинийн бэлгийг нь гардан авсан юм.

2/2-нд Хайлаастын хүнсний дэлгүүрээс 1000 нэгж авч iPhone утасны эзэн болсон И.Буурал “Би Мобикомын дугаараа 5 жил барьж байна. Анх удаа ялагчаар тодорч iPhone утсыг албан ёсны борлуулагчаас нь авч байгаадаа маш их баяртай байна. Азын утсаа эхнэртээ төрсөн өдрөөр нь бэлэглэнэ” гэв.

МҮИС-ийн 1-р курсын оюутан Т.Золбоо өөрт нь iPhone авчирсан азын картаа 2/5-ны өдөр Цэргийн хотхоны хүнсний дэлгүүрээс авчээ.  Ийнхүү бэлэгний картын урамшууллын эзэд эхнээсээ тодорсоор байна.

Мобиком Корпораци энэ жилээс эхлэн бэлэгний картаа дараа төлбөрт хэрэглэгчид цэнэглэх боломжтойгоор гаргаснаар хэрэглэгчдийнхээ талархлыг хүлээгээд байгаа. Дараа төлбөрт хэрэглэгч бэлэгний картын нууц дугаарыг 510 тусгай дугаарт мессэжээр явуулахад картын үнийн дүн тухайн сарын ярианы төлбөрөөс суутгагдах юм. 

Сар шинээр аав ээж, ах дүү, хамаатан саднаараа зочилж, бэлэгний карт бэлгэнд авах хэрэглэгчдээсээ iPhone утас, LED TV-ийн эздээ 3-р сарын 31-нийг дуустал тодруулах болно.

Хонин жилийн сар шинийн хамгийн эрэлттэй бэлэг 1000₮, 2500₮, 5000₮, 10,000₮-ийн азын бэлэгний картуудыг Мобикомын бүх салбар, гэрээт борлуулагчид, мөн www.mobicom.mn сайтаар онлайнаар  худалдаалж байна.

Өргөө гэрт тань зочилсон ах дүү, найз нөхөд тань iPhone утас, LED TV-ийн эзэн болох болтугай!

САР ШИНЭДЭЭ САЙХАН ШИНЭЛЭЭРЭЙ!