Монголын үндэсний сагсан бөмбөгийн холбооны “Супер лиг”-ийн II тойргийн тоглолтууд Спортын төв ордонд үргэлжилж байна. Өчигдөр буюу хоёрдугаар сарын 2-ны өдөр болсон тоглолтын мэдээллийг хүргэж байна.

ДУНДГОВЬ АЛЬЯНС ТЕХ ХАРЦАГА vs СБЛ ХАСЫН ХҮЛЭГҮҮД – 83:96

МАДИМОС ШОНХОРУУД vs ТӨВ УРГАЦ – 99:78

Өчигдөр Үндэсний супер лигийн гурван тоглолт боллоо. Эхний тоглолт эмэгтэй супер лигт дөрөв болон гуравдугаар байруудад бичигдэж байгаа ШУТИС ШАРКС, МУИС ИРВЭСҮҮД багуудын хооронд болсон юм. Тоглолтын эхнээс 2 баг тэнцүүхэн өрсөлдөж байсан ч 4-р үед Шарксууд илүү байж  60-45-аар өрсөлдөгчөө буулган авсан юм. Шарксуудаас дөрвөн тоглогч 10-аас дээш оноо авсан бөгөөд М.Майжаргал 17 оноо 5 оновчтой дамжуулалтаар тэргүүлсэн бол А.Уянга 16 оноо 10 самбар М.Цэрэнлхам 11 оноо 13 самбар Б.Болортуяа 10 оноо 5 самбарыг тус тус авсан байна. Харин улирлын дөрөв дэх хожигдлоо амсаж байгаа МУИС Ирвэсүүдээс төвийн тоглогч Б.Болор-эрдэнэ 18 оноо 15 самбар авсан бол Ш.Өнөрмаа 14 оноо 7 самбар бусад нь тийм ч хангалтгүй байснаар 15 онооны зөрүүтэй хожигдол хүлээлээ.

Энэ өдрийн эрэгтэй “Үндэсний супер лиг”-ийн эхний тоглолт найм болон долоон хожил байгуулаад байгаа Төв аймгийн “Төв ургац” “Мадимос Шонхорууд” багуудын хороонд болсон. Төв ургацуудын хувьд хамгийн сүүлийн тоглолтондоо “SBL Хасын Хүлэгүүд” багт, “Шонхорууд” “Эрдэнэдрийлинг Ригс” багт тус тус хожигдоод байсан юм. Мөн уг тоглолтод Шонхоруудын бүрэлдэхүүнд хүрэлцэн ирээд удаагүй байгаа Smush Parker хоёр дахь тоглолтоо хийсэн. Улмаар тэрээр өөрийгөө Монголын лигт аль хэдийн дассан зохицож буйгаа харуулж 24 оноо 6 бөмбөг таслалт 7 самбар 7 оновчтой дамжуулалтыг гүйцэтгэж багаа 8 дахь хожилд хөтөлсөн бол түүний багийн нөхдөөс төвийн тоглогч Quincy 19 оноо 16 самбар, Т.Санчир 19 оноо 7 самбар, Г.Цэнгүүнбаяр 16 оноо 8 самбарыг тус тус авсан юм. Харин тоглолтын төгсгөлийг дахин нэг удаа тун тааруу хийсэн “Төв ургац”-аас сэлгээнээс гарч тоглосон Д.Мөнхтөр 19 оноо авч багаа тэргүүлсэн бол төвийн тоглогч Franlin Holmes 12 оноо 17 самбар Д.Дэлгэрням 11 оноо 8 самбарыг тус тус авсан юм. Ингэснээр “Мадимос Шонхорууд”  8 хожил 6 хожигдолтой болж, хүснэгтийн 4-р байранд бичигдэж байгаа бол “Төв ургац” 8 хожил 5 хожигдолтой хүснэгтийг тэргүүлсээр үлдлээ.

Энэ өдрийн сүүлийн тоглолт плей-оффийн VIII байранд зургаан хожил, долоон хожигдолтой бичигдэж байгаа Мөнхболор сан “Дундговь Альянс тех харцага” V байранд бичигдэж байсан “SBL Хасын Хүлэгүүд” багуудын хооронд боллоо. Харцагууд энэ өдөр хамгаалагчийн байрлалдаа сүүлчийн гурав дахь легионер тамирчин болох Steve Pledger-ыг багтаасан бөгөөд тэрээр эхний тоглолтодоо оролцож, 20 оноо 3 самбараас бөмбөг авалтыг хийсэн бол Domanic Rambo 23 оноо 5 самбар Б.Одбаяр 21 оноо 16 самбар авсан хэдий ч найм дахь хожигдлоо Харцагууд хүлээлээ. Харин өнгөрсөн улирлын аваргуудаас таван тоглогч 10-аас дээш оноо авсан бөгөөд тэднээс Б.Билгүүн 23 оноо 3 хаалт, М.Отгонмөнх 17 оноо, Phil Jones Ray George 16 оноо О.Сэргэлэн 13 оноо 6 оновчтой дамжуулалтыг тус тус хийсэн байна. Ингэснээр “SBL хасын хүлэгүүд” 8 хожил 5 хожигдолтой хүснэгтийн 2-р бичигдэж эхэлсэн бол “Дундговь Харцагууд” зургаан хожил, найман хожигдолтой VIII байранд бичигдсэн хэвээр үлдсэн юм.

Үндэсний супер лигийн маргаашийн буюу хоёрдугаар сарын 4-ний Лхагва гарагийн тоглолтын хуваарийг танилцуулж байна. Энэ өдөр эмэгтэй нэг, эрэгтэй хоёр тоглолт болох юм.

1. 16:00 SBL ХАСЫН ХҮЛЭГҮҮД – БАЯНГОЛ ФАЛКОНС /эмэгтэй/

2.18:00 ХЭНТИЙ ЧИНГИС СИТИ – ИХ ӨРГӨӨ АРАВТ

3. 20:00 СЕНТОЗА АРСЛАНГУУД – ГЭГЭЭН ХАНГАЙ ЛИДЕР

02 САРЫН 02-НЫ БАЙДЛААР ҮНДЭСНИЙ СУПЕР ЛИГИЙН САМБАРЫН ЛИДЕРҮҮД

02 САРЫН 02-НЫ БАЙДЛААР ҮНДЭСНИЙ СУПЕР ЛИГИЙН ОНООНЫ ЛИДЕРҮҮД

Эх сурвалж: Монголын үндэсний сагсан бөмбөгийн холбоо