ХОНЬ

Ажил хөдөлмөртөө шамдаж, биеэ дайчлах хэрэгтэй. Гэр сууцаа засч тохижуулах, дархан мужааны үйлд сайн. Бусдыг анхаарч сонс, өөрөө аль болох бага ярих хэрэгтэй. Хэрэв та шинэ ажил алба эхлэхийг хүсвэл бүтэмжтэй байна. Эрч хүчээ нэмж, сэтгэл санаагаа өөдрөг байлгахыг хүсвэл спортоор хичээллэх хэрэгтэй. Санхүүгийн байдал сайжирна. Орлого өсөхийн хэрээр санхүүгийн байдал тогтворжино.

ҮХЭР

Ажил хэрэг бүтэмжтэй байх тул олон зүйлийг амжуулж чадна.  Таны амьдралд ямар нэгэн чухал үйл явдал тохиох бололтой. Энэ нь таны ажил, бизнестэй холбоотой байх болно. Мөнгө санхүүтэй холбоотой асуудлаар хэн нэгэнтэй наймаалцах эсвэл гэрээ хэлцэл байгуулах бол сайтар хянаж үзэхийг анхааруулж байна. Эрүүл мэндэд бага зэргийн өөрчлөлт мэдрэгдэнэ. Урьдчилан сэргийлэх үзлэгт хамрагдахыг хичээгээрэй.

ХАМТАТГАХ

Идэвхтэй долоо хоног. Шийдээгүй асуудлуудаа цэгцэлж, ажлаа шинээр эхлэхэд таатай. Бусадтай харилцахад хүндрэлтэй байх учраас аль болох маргаан, үл ойлголцлоос сэргийлээрэй. Зардлаа хянаж, тооцоотой байх хэрэгтэй. Эрүүл мэндэд асуудал үүсч магадгүй. Долоо хоногийн сүүлээр дуртай зүйлдээ цаг гаргаж, өөрийгөө эрхлүүлэхэд гэмгүй. Гэхдээ та эдгээр өдрүүдэд согтууруулах ундаанаас хол байх хэрэгтэй.

МЭЛХИЙ

Ажлын төлөвлөгөөнд өөрчлөлт орж болно. Амбицаа багасгахгүй бол бусдад олзлогдож, нэр хүндээ унагаж мэднэ. Фитнесс, спорт тоглоомоор хичээллэж биеэ чийрэгжүүлэх хэрэгтэй. Хайрт тань юу хүсээд байгааг ойлгоход амаргүй байна. Та түүнийг тоолгүй орхисноор асуудлыг улам хүндрүүлнэ. Тйимээс сайтар ярилцаж ойлголцохыг хичээгээрэй. Хэрэгцээгүй зарлагаа хянаж чадахгүй бол санхүүгийн байдал улам дордсоор байна.

АРСЛАН

Аливаад хөнгөн хуумгай хандах хэрэггүй. Ямар нэгэн үйл хэрэг, хэн нэгний нөлөөнд хэт автахгүй байхыг хичээгээрэй. Долоо хоногийн турш сонирхолтой үйл явдлаар дүүрэн байна. Ажилдаа амжилт гаргаж, урмын үг сонсох бололтой. Санхүүгийн нөхцөл байдал сайнгүй байх боловч ашигтай худалдан авалт хийж чадна. Гэр бүлдээ хайр халамж, цаг заваа зориулаарай.

ОХИН

Бусад хүмүүсийн зүгээс дарамт их ирнэ. Гэвч тэвчээртэй байж, нөхцөл байдлыг бодитоор дүгнэх хэрэгтэй. Хэн нэгний сунгасан тусламжийн гараас атгаж, ирээдүйгээ өөрчилж болно. Ажил хэрэг бүтэмжтэй байх боловч ашиг нь тийм ч их биш байна. Эрүүл мэнддээ анхаарч, дархлаагаа дэмжээрэй. Өнгөрсөн алдаанаас суралцаж, дахин давтахгүй байхад анхаараарай. Гэр бүлд таны хүлээх үүрэг хариуцлага нэмэгдэх болно.

ЖИНЛҮҮР

Таны гаргасан шийдвэр бусдаас ихээхэн шүүмжлэл дагуулах бололтой. Гэвч энэ таны амьдрал, таны шийдвэр гэдгийг битгий мартаарай. Хэцүү мөч тулгарсан ч хэтэрхий сэтгэл хөдлөлөөр хандах хэрэггүй. Ажил хэргээ хэвийн үргэлжлүүлэхэд хүнд байх боловч та хичээвэл амжилт гаргаж чадна. Санхүүгийн нөхцөл байдал илт сайжирч, хүссэн худалдан авалтаа хийх боломжийг олгоно. Гэр бүлээс гадуур харилцаа үүсэх нөхцөл байдал бүрдэх бололтой.

ХИЛЭНЦЭТ

Шинэ оноо угтах эдгээр өдрүүдэд таны сэтгэл санаа өөдрөг байна. Хэцүү бэрх асуудлуудыг шийдвэрлэж чадна. Бусдад сайхан сэтгэлээр тусалж, урмын үгээ харамлах хэрэггүй. Ажилдаа шаргуу зүтгэхдээ таныг үргэлж дэмжин тусалдаг гэр бүлээ орхигдуулах магадлалтай. Хайртдаа романтик гэнэтийн бэлэг бариарай. Сэтгэл санааны тогтворгүй байдал ажиглагдаж болно. Санхүүгийн нөхцөл байдал сайнгүй байна.

НУМ

Хайр дурлал болон романтик үйл явдал давамгайлна. Таны өмнө олон гайхалтай боломжууд гарч ирнэ. Ажлын стресс тайлагдаж, зан ааш зөөлөрнө. Урлаг, соёлын ажил эрхэлдэг хүмүүс завгүй байх бололтой. Согтууруулах ундаа хэтрүүлэн хэрэглэх хандлагатай байгааг анхаараарай. Эдгээр өдрүүдэд танд гэр бүлийн нэгдмэл байдал дутагдаж байх шиг санагдана. Зарлага орлогоос давж таны халаас хоосорно.

МАТАР

Ажил хэрэг ихтэй завгүй долоо хоног байх бололтой. Гэр бүлийн хэрэгцээ шаардлагаар танд нэлээдгүй дарамт ирэх болно. Таны тойрон хүрээлэлд ирээдүйд чинь сайнаар нөлөөлөх хүмүүс олон байна. Ажил хэрэгт жижиг асуудлыг дэвэргэж бухимдах хэрэггүй. Долоо хоногийн дундуур өрхийн санхүүг дэмжих том боломж гарч ирнэ. Нойргүйдэх, дархлаа сулрах байдал илэрч магадгүй.

ХУМХ

Шинэ долоо хоногт таны тархи урьд өмнөхөөсөө ч илүү гайхалтай ажиллах бололтой. Оюун санааны хүчээ бусдыг татах чадвар болгон ашиглана. Үүнийхээ ачаар та ажил, бизнест санасан хэргээ бүтээж, хайр дурлалд өөрийгөө зөвөөр ойлгуулж чадна. Долоо хоногийн сүүлээр хотоос гарч алхах зэрэг тайтгарал өгөх зүйлс хийхэд тохиромжтой. Амралтын өдрүүдээр юуг ч амжуулах их эрч хүчтэй байх болно.

ЗАГАС

Шинэ хүмүүстэй танилцах, шинэ зүйлийг анх удаагаа туршиж үзэх зэрэг адал явдлаар дүүрэн байна. Ажил хэрэг бүтэмжтэй байх бөгөөд орлого нэлээд нэмэгдэнэ. Долоо хоногийн дундаас ажлын ачааллаа багасгах нь зүйтэй. Бүх зүйлийг амжуулах гэж өөрийгөө ядраахаас зайлсхийгээрэй. Амралтын өдрүүдэд сэтгэл санаагаа гэр бүлтэйгээ хамт цагийг өнгөрөөж, залхаад байсан зүйлүүдээсээ сэтгэл санаагаа чөлөөлөөрэй.