АНУ-ын Сангийн яамнаас ОХУ-ын хэд хэдэн компанийн эсрэг хориг арга хэмжээ авахаа дөрвөн долоо хоногийн хугацаатай хойшлуулснаа мэдэгджээ. АНУ-ын хоригт эрчим хүчний EN+ групп , хөнгөн цагаан үйлдвэрлэлийн Русал компани, ГАЗ (Горькийн автомашины үйлдвэр) багтжээ. АНУ-ын сангийн яамнаас тэрбумтан Олег Депираскаг дээрх гурван компанид эзэмшиж буй хувьцаагаа багасгахыг шаардан ирэх арванхоёрдугаар сарын 12-ыг хүртэл хугацаа өгчээ. Хэрэв энэ хугацаанд АНУ-ын шаардлагыг биелүүлэхгүй бол ирэх оны нэгдүгээр сараас дээрх гурван компанийн эсрэг хориг үйлчилж эхлэх аж.

Крым хойг Украинаас салж, Кремлийн харьяанд шилжсэний дараа АНУ-аас ОХУ-ын хөндлөнгийн оролцоог буруутган Москвагийн эсрэг эдийн засгийн хориг тавьсан юм. Энэ хориг Оросын хэд хэдэн компани, өндөр албан тушаалтнууд, бизнесменүүд багтжээ.   Тэдний дунд Олег Депираска багтаж байна.

Эх сурвалж: Reuters