3,376.74
Башёгийн эхний өдөр комүсүби Точиношинг уватэнагэ мэхээр давсан их аварга Хакухо М.Даваажаргал өнөөдөр зүүн жигүүрийн маэгаширагийн тэргүүн бөх Точиозантай барилдаж, ёрикири мэхээр давсан бол озэки Харумафүжи Д.Бямбадорж комүсүби Точиношинг мөн ёрикири мэхээр давж, башёгийн анхны даваагаа авсан байна. Тэрбээр өчигдрийн барилдаанд Точиозанд өвдөг шороодсон юм.
Макүүчи буюу дээд зиндаанд зодоглож буй манай бусад бөхчүүдийн тухайд комүсүби Хакуба А.Өнөржаргал озэки Котоошюд сукуинагэ мэхээр, баруун жигүүрийн маэгаширагийн тэргүүн бөх Асасэкирюү Б.Дашням озэки Кайод ёрикири мэхээр тус тус өвдөг шорооджээ. Түүнчлэн Кёкүтэнхо Н.Цэвэгням ёрикири мэхээр сэкиваки Кисэносатод унасан бол зүүн жигүүрийн маэгаширагийн 10-т эрэмбэлэгдсэн Моконами Г.Базарсад Ёшиказэтай учраа тааран барилдаж, хикиотоши мэхээр өрсөлдөгчөө давжээ. Мөн өнөөдрийн барилдаанд хоорондоо учраа тааран барилдсан Какурюү М.Ананд, Токитэнкү А.Хүчитбаатар нарын барилдаанд Какурюү ёрикири мэхээр ялалт байгуулсан байна. Түүнчлэн Тамаваши Б.Мөнх-Оргил /М14/, Шотэнро Д.Нямсүрэн /М16/ нар өвдөг шорооджээ.
Нагоя башёгийн хоёр дахь өдрийн барилдааны дүн:
Давсан Унасан
Хакухо /Ё/ 2-0 Точиозан /М1/ 1-1
Харумафүжи /О/ 1-1 Точиношин /К/ 0-2
Котоошю /О/ 2-0 Хакуба /К/ 0-2
Кайо /О/ 2-0 Асасэкирюү /М1/ 0-2
Аран /М2/ 1-1 Баруто /О/ 1-1
Аминишики /М2/ 1-1 Котошогикү /С/ 0-2
Кисэносато /С/ 2-0 Кёкүтэнхо /М3/ 1-1
Какурюү /М6/ 2-0 Токитэнкү /М3/ 1-1
Ваканосато /М7/ 1-1 Китатайки /М4/ 0-2
Шимотори /М9/ 2-0 Токүсэгава /М7/ 1-1
Моконами /М10/ 2-0 Ёшиказэ /М8/ 0-2
Такэказэ /М11/ 1-1 Какизоэ /М9/ 0-2
Тосаюүтака /М10/ 1-1 Гагамару /М12/ 0-2
Хомашо /М13/ 2-0 Такамисакари /М11/ 1-1
Коккай /М12/ 2-0 Тамаваши /М14/ 1-1
Бушуяма /М15/ 1-1 Кимураяма /М13/ 0-2
Хокуторики /М16/ 2-0 Шотэнро /М16/ 0-2
Тамаасүка /М16/ 1-1 Сагацүкаса /Ж1/ 0-2
Холбоотой мэдээ