Монголын үндэсний сагсан бөмбөгийн холбооны "Бүх оддын тоглолт" Буянт-Ухаа спортын ордонд хоёр дахь өдрөө үргэлжилж байна. Өнөөдөр болох Бүх оддын тоглолт энэ цагт эхэлж байна.

Бүх оддын тоглолтын гарааны тоглогчдыг танилцуулбал Баруун бүст холбон тоглогч Крис Лоусен (Сентоза арслангууд), хамгаалагч Т.Санчир (Мадимос шонхрууд), довтлогч О.Ууганбаяр (Танан гарьд), хүчний довтлогч С.Өрнүүнбилэг (Эрдэнэдрийлинг Ригс), төвийн тоглогч Ф.Холмс, Зүүн бүст холбон тоглогч О.Сэргэлэн (Хасын хүлгүүд), хамгаалагч Ц.Азбаяр (Танан гарьд), довтлогч Г.Цэнгүүнбаяр (Мадимос шонхрууд), хүчний довтлогч Б.Билгүүн (Хасын хүлгүүд), төвийн тоглогч Т.Акол (Хасын хүлгүүд) нар эхний тавтад багтжээ.

Мөн өнөөдрийн тоглолтын үеэр ур чадвар, баг, холын зайн шидэлт болон спрайт слэйм данк шоу арга хэмжээнүүд болох юм.

Тэмцээний эхний өдөр буюу өчигдөр болсон тоглолтын сонирхолтой бичлэгээс хүргэж байна.

Харин маргааш Монгол Улсын шигшээ баг легионеруудын эсрэг тоглож, "Бүх оддын тоглолт" өндөрлөнө. Энэхүү тоглолтыг MASS.mn сайт, ETV HD телевизээр шууд дамжуулан үзүүлэх юм байна.

Ч.БОЛОР