Хар тамхи хууль бусаар нэвтрүүлэхийг завдах нь ихэсчээ | News.MN - Мэдээллийн эх сурвалж

Хар тамхи хууль бусаар нэвтрүүлэхийг завдах нь ихэсчээ

Хар тамхи хууль бусаар нэвтрүүлэхийг завдах нь ихэсчээ

Монгол Улсын хилээр хууль бусаар нэвтрүүлэхийг завдсан хар тамхи, мансууруулах бодисын хувь хэмжээнээс харахад л цагаан тахлын сүүдэр залуу үеийнхнийг нөмөрсөн болох нь батлагддаг. Энэ төрлийн гэмт хэргийн эзэн холбогдогчдын арга нарийсаж, хүний санаанд багтамгүй байдлаар хар тамхи, мансууруулах бодисыг өөрчилөн хил, гаалиар нэвтрүүлэхийг завдсан тохиолдол нэмэгдэх болжээ. Үүнийг гаалийн байгууллага, эрэлч нохой, цагдаагийн байгууллагын тандалт судалгааны үр дүнд илрүүлж ажилладаг болохыг ЦЕГ-ын Тээврийн цагдаагийн албаны Иргэний агаарын тээвэр дэх цагдаагийн хэлтсийн дарга, хурандаа Л.Ганбаатар хэлж байв.

Тэрбээр хэвлэлд өгсөн ярилцлагадаа “Хар тамхи, мансууруулах бодисыг санаатай үйлдлээр хэрэглэж заншсан, дамлан худалдаалах, ашиг орлого олох зорилгоор олон сар, жил судалж, дахин давтан үйлддэг этгээд судалгаа, тооцоон дээр үндэслэж, оруулж ирэхийг завдах тохиолдол гардаг. Улаанбаатар хотын нутаг дэвсгэр дээр 1-2 удаа зарж, борлуулсан бүлэг бөөгнөрлүүд илрэх тохиолдол ч бий. Ихэвчлэн 22-35 насныхан нууж оруулж ирэхийг завддаг. Ер нь энэ төрлийн бодист хэт залуугаараа уруу татагдаж, хэрэглэх тохиолдол ихсэх хандлагатай байна” хэмээжээ.

Төрийн бус байгууллагын албан бус судалгаагаар, Монголд хар тамхи, сэтгэцэд нөлөөлөх эм бэлдмэл тогтмол хэрэглэдэг 60 орчим мянган хэрэглэгч байдаг юм байна. Судлаачид  хууль, эрхзүйн орчноо улам чангатгаж, хар тамхи, сэтгэцэд нөлөөт эм бэлдмэлээс ангид байх мэдлэг, мэдээллийг олон нийтэд шат дараалж хүргэхгүй бол энэ тоо таван жилийн дараа хэд дахин өсөх эрсдэлтэй хэмээн үзэж, анхааруулсаар буй.

Цагдаагийн байгууллага, хил гаалийн ажилтнууд энэ төрлийн гэмт хэргээс урьдчилан сэргийлэх, таслан зогсоох чиглэлээр үзлэг шалгалтыг өндөр түвшинд хийж, камерын шалгалтыг тогтмол хяналттай байлгаж, сургалт семинарыг зохион байгуулж, алба хаагчдаа илүү мэргэшүүлэн сургах, хэвлэл мэдээллээр нийтэд тараах гэх зэрэг ажлыг хийж  байгаа юм.

"Болор дуран"-аар шалгав.
Энэ мэдээнд өгөх таны сэтгэгдэл?
2
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2018-11-09 66.181.160.110

энэ төрлийн бодист хэт залуугаараа уруу татагдаж, хэрэглэх тохиолдол ихсэх хандлагатай байна” хэмээжээ. Энэ бас юу гэсэн үг вэ. Хэт залуу биш бол болно гэсэн ойлголтыг нийгэмд өгөөд байгаа юм уу. Нөгөө муу хэлээд байгаа 76 чинь ард иргэдээ бодоод хар тамхи гээч хорыг хуулиар хориглосон. Гэтэл ямар замаар яаж хил нэвтрээд байнаа. ГААЛИЙН БУЯНЫГ БҮҮ ГАРГА, БУЗРЫГ БҮҮ ОРУУЛ гэсэн сайхан үг хаана хэрэгжээд байна вэ.

Зочин 2018-11-09 66.181.160.110

Хар тамхи хууль ёсоор нэвтрүүлнэ гэж ямар ойлголт байнаа. Наад гарчигаа зөв өгч байгаачээ.

зочин 2018-11-09 59.153.114.114

Тээврийн цагдаа ажлын тайлангаа бичээд байгаамуу ер нь л ойлгомжгүй бичжээ

Зочин 2018-11-09 66.181.168.199

hyanalt, shalgaltiig ulam saijruulah heregtei, hariutslaga, shiitgeliin togtoltsoog saijruulah heregtei bna. shiitgel ni het sul uchir luivarchid davraad baina.

хар тамхичин 2018-11-09 66.181.161.92

тээврийн цагдаа элийгээ яриад бгаан. согтуу жолоочоо баривал л болов шдээ

Зочин 2018-11-09 103.229.122.204

НИЙТИЙН өргөн хэрэглээ болох вий дээ

Энэ асуудлыг маш сайн шалгаж, үндэслэлтэй мэдээлэл ард олонд хүргэнэ үү 2018-11-09 120.16.183.165

Haaд чинь ххр тамхитай тэмцэх нэрийдлээр мөнгө цохиж унагад мэт хардлага төрүүлэх боллоо! Баримттай үйлдэлтэй жишээ тавиач ээ? Тухайлбал энэ жил хэдэн хүнийг илрүүлж баривчилсан бэ?! Цагдаагийхны хоосон газар мөнгө цохьдог арга барил юм биш үү? Бодит тоон мэдээлэл өгнө үү! Цуу маягийн яриагаар хэвлэлийн мэдээ бэлдсэн байна...

Dulmaa 2018-11-09 158.174.122.218

Yana da

Bat 2018-11-09 202.126.89.148

Hm