Тэр эргэж ирэхгүй ч хэрэг нь үнэн зөв шийдэгдээсэй | News.MN

Тэр эргэж ирэхгүй ч хэрэг нь үнэн зөв шийдэгдээсэй

Тэр эргэж ирэхгүй ч хэрэг нь үнэн зөв шийдэгдээсэй

Өнгөрсөн оны наймдугаар сарын 22-23-нд шилжих шөнө 13 настай охин Нийслэлийн Баянзүрх дүүргийн 21 дүгээр хороонд байрлах “Очир” төв зочид буудалд бусдын гарт харамсалтайгаар амиа алдсан хэрэг гарсан. Дээрх  хэрэг хэрхэн шийдвэрлэгдэх нь өнөөг хүртэл олны анхаарлын төвд байгаа юм. Тэгвэл өнөөдөр /2018.11.07/ гэмт этгээдүүдийг шүүх хурал Баянзүрх дүүргийн Эрүүгийн хэргийн анхан шатны шүүхэд болно.

Хэргийг эргэн сөхөхөд, 13 настай  А охин ээжтэйгээ уулзахаар өнгөрсөн наймдугаар сарын 22-нд гэрээсээ гарч яваад ор сураггүй болж, маргааш нь зочид буудлын өрөөнд амь насаа алдсан байдалтай олдсон. Охиныг гэрээсээ гарч явахад хөрш айлын 19 настай Э.Амарболд гэгч тааралдаж гар утсыг нь шүүрч аван зугтаасаар Дарь-Эх, Ганцхудагийн ойролцоо “Очир” төв  зочид буудал руу дагуулан орж, маргааш нь  охин амь насаа алдсан байдалтайгаар олдсон юм. Хавтаст хэрэгт авагдсан баримтаар Б.Жавхлан, Э.Амарболд  нар хохирогчид архи уулган согтоож, согтуурсны улмаас биеэ хамгаалах чадваргүй байгааг далимдуулан хурьцал үйлдсэн, улмаар хохирогч нь архины цочмог хордлогын улмаас нас барсан болохыг шүүх эмнэлгийн шинжилгээгээр тогтоожээ. Тэд хэргийн ул мөрөө баллахын тулд талийгаачийн  биеийг цэвэрлэх, арчих зэрэг үйлдлийг хийсэн байдаг.

13 НАСТАЙ ОХИН ХОЁР ШИЛ АРХИ УУСАН УУ?

Энэ хэрэгт өмгөөлөл үзүүлж байгаа Р.Булгамаа манай сайтад өгсөн ярилцлагадааШүүх эмнэлгийн дүгнэлтээр талийгаачийн цусанд 5.7 хувийн поромилл спирт гарсан байгаа нь өөрөөр хэлбэл ямар хэмжээний архи өгснийг тогтоох боломжгүй маш их архи өгсөн. Гэтэл хоёр яллагдагч этгээдийг цагдаагийн байгууллага шууд баривчлагдмагц шууд согтолтын зэргийг тогтоох үйл ажиллагаа хийх үүрэгтэй байсан. Мөн нэг этгээд нь хэргийн газраас оргон зугтаасан. Тэр үед хэргийг мөрдөн шалгаж байсан болон жижүүрт гарч байсан хяналтын прокуроруудад ямар хариуцлага тооцсон юм бэ. Гэтэл өнөөдөр согтолтын зэргийг шалгаагүйн улмаас хоёр сэжигтэн этгээд өөрсдөө эв эрүүл болж таарч байна. Тэр охин л ганцаараа хоёр шил архи уусан байж таарах нь. 13 настай охин хоёр шил архи уух уу. Гол нөхцөл байдал архи хэмээх хорыг хэн уулгав, дээрээс нь үүдэн шүд хөдөлсөн хамар уруул мурийлттай, хүзүүний эрээн булчинд хар хөхрөлт үүссэн байсан нь хүн амины гэмт хэргээ халхлах зорилгоор энэ охины амруу их хэмжээний архийг цутгасан байхыг үгүйсгэхгүй. Хоёрын хоёр шил архийг хүүхэд өөрийн хүсэл зоригоор уух бодит боломж байхгүй” гэж байсан юм.

ШҮҮХЭЭС  ХЭРГИЙГ МӨРДӨН ШАЛГАХ АЖИЛЛАГАА ХИЙЛГЭХЭЭР ПРОКУРОРТ ХОЁР УДАА БУЦААЖЭЭ

Дээрх хэрэгтэй холбоотой анхан шатны шүүхийн урьдчилсан хэлэлцүүлэг 2018 оны нэгдүгээр сард болжээ. Тухайн  үед нотлох баримт дутуу гэсэн шалтгаанаар хэргийг прокурор руу буцаасан байна. Ингээд гэмт этгээдүүдийг шүүх Эрүүгийн хэргийн анхан шатны шүүх хурал зургадугаар сарын 29-ний өдөр  Баянзүрх дүүргийн шүүхэд болсон. Энэ үеэр  мөн л талийгаач охины хэргийг “Эрүүгийн хэргийн анхан шатны шүүх Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1.2-д “Шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэх” гэх үндэслэлээр Б.Жавхлан, М.Амарболд нарт холбогдох эрүүгийн хэргийг мөрдөн шалгах ажиллагаа хийлгэхээр прокурорт буцаасан байна. Талийгаачийн гэр бүлийн зүгээс гэмт хэрэгтнүүдэд хуулийн дээд хэмжээ болох бүх насаар нь хорих ял оногдуулаасай гэж хүсч буй.

ОХИНЫ АМИНД ХҮРСЭН ГЭМТ ХЭРЭГТНҮҮД ХЭН БЭ?

Онц ноцтой хэрэгт холбогдон шалгагдаж буй Д.Жавхлан нь 2011 онд хоёр найзын хамт дээрмийн хэрэгт холбогдон шалгагдаж, шүүхээс хорих ялаар шийтгүүлж байжээ. Хэргийн талаар сануулахад Д. Жавхлан нар нь иргэн Ш.Энхбаярыг дээрэмдсэн хэргээр Эрүүгийн хуулийн тусгай ангийн 181 дүгээр зүйлийн 181.2.1-д зааснаар 2.9 жилийн хорих ял сонссон байна. Ингэхдээ Б.Жавхланг бусдыг илтэд үл хүндэтгэн, хүч хэрэглэхээр заналхийлж, нийгмийн хэв журмыг ноцтой зөрчин танхайрсан гэмт хэрэг үйлдсэн гэж үзэн дөрвөн сарын баривчлах ялыг нэмэгдүүлж, 3.3 жилийн хорих ял сонсгож байжээ. Өөрөөр хэлбэл түүнтэй хамт хэрэгт буруутгагдсан хоёр залууд зөвхөн дээрмийн хэргээр ял оноосон бол Д.Жавхланг дээрмийн хэрэг үйлдсэн, танхайрсан гэдэг хоёр зүйл ангиар ял оноосон байна. Шүүхээс Д.Жавхланг гэмт хэрэг үйлдэх үедээ насанд хүрээгүй байсан тул шүүхээс оногдуулсан ял эдлэх, шийтгэх тогтоол биелүүлэхийг 1. 6 жилийн хугацаагаар хойшлуулсан байна. Гэмт хэрэгт холбогдоод буй Э.Амарболдтой нийлж байнга архи дарс уудаг, зодоон хийдэг байсныг ойр тойрны хүмүүс цагдаа нарт мэдүүлжээ. Мөн Д.Жавхлангийн аав Даваа нь шоронд олон жил ял эдэлж, хорих ангид нас барсан гэх мэдээлэл ч байгаа юм. Д.Жавхлан Монтел төв дээр гар утас засдаг байжээ. Харин Э.Амарболдын хувьд эрхэлсэн тодорхой ажилгүй. Мэргэжил, боловсролгүй нэгэн гэнэ. Өнгөрсөн жил гэртээ хүн хутгалж гэмтээсэн байна.

“ОЧИР” ТӨВ  ЗОЧИД БУУДАЛ НЭРЭЭ ӨӨРЧИЛЖ "ЭЛИТ" БОЛГОЖЭЭ

Үйлчлүүлэгчдийн бичиг баримтыг шалгаж, хяналт тавилгүй ажилдаа хайнга хандсан, насанд хүрээгүй хүүхдийг авч яваа талаар холбогдох газруудад мэдэгдээгүйгээс онц ноцтой гэмт хэрэг гарах нөхцлийг бүрдүүлсэн, “Очир”төв зочид буудлынхан өнөө хүртэл үйл ажиллагаа явуулсан хэвээр байна. Тэднийг Зөрчлийн хуулиар 250 мянган төгрөгөөр торгоод өнгөрчээ. Ойр хавийн иргэдийн мэдээлснээр тус буудал нь нэр хаягаа авчихсан үйл ажиллагаа явуулж буй хэвээрээ байгаа гэнэ. Мөн доод давхарт нь баар цэнгээний газар, караоке шинээр нээгджээ.

Амьдралын өнгийг бүрэн таниагүй, болох болохгүйгээ ч гүйцэд ухаараагүй нялх үрсийнхээ хайран амийг цурхирсан ээж, цөхөрсөн аав хаанаас хайж, хэнээс нэхэх вэ ?

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
27
ХарамсалтайХарамсалтай
8
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

шудрага ёс 2018-11-07 121.163.253.189

Тэр жаахан охин юу гэж л тийм их архи уухав дээ, 2 насанд хүрсэн үс сахалдаа баригдсан 2 ахтай...

Avatar

Зочин 2018-11-07 103.26.195.208

Энэ бузар нийгмийн золиос болждээ хайран сайхан охин.Манай шүүх цагдаа ийм болтлоо дампуурах гэждээ.Хэрэв шүүх яллаж чадахгүй бол ийм лаларнуудыг хувиараа яллах хэрэгиэйшдээ...Зүгээр яваа хүн алаад бдг новшнууд энэ аьилгачдыг нэгийг нь ч атугай нухаад шоронд орох хэрэгтэйшдээ.

Avatar

eej 2018-11-07 182.160.32.198

hun alaad elit aluurchin boljee

Avatar

Зочин 2018-11-07 66.181.160.64

энэ газрыг нурааж тэгшлэх хэрэгтэй

Avatar

Zochin 2018-11-07 185.22.224.96

Алуурчин, хүчиндэгч, нартай эцсээ хүртэл тэмцэх хэрэгтэй. Гэмт хэрэгтнүүдэд гишгэх газар бүү өг.Хэргийг яагаад шийдэхгүй удааагаад байгаа юм бэ? гэж өдөр бүр асууцгаая

Avatar

Зочин 2018-11-07 202.21.106.105

Наад зочид буудлаа арга хэмжээ авч их хэмжээний мөнгөн торгууль төлүүлөх хэрэгтэй ш дээ. Аягүй төрд ажилладаг нэг хулгайчийн буудал л байгаа ш дээ.

Avatar

Зочин 2018-11-07 66.181.161.53

Бузар газраар буй ор

Avatar

Зочин 2018-11-07 66.181.161.53

Шоронд нух сдаа нарыг эхлээд бандй болгоол дараан архи зутгаж алл хоёр ллаларыг дахиж гарч ирээд л наад ажиллаа хийн донтонгууд

Avatar

Иргэн 2018-11-07 202.131.245.58

Алуурчин, хүчиндэгч, нартай эцсээ хүртэл тэмцэх хэрэгтэй. Гэмт хэрэгтнүүдэд гишгэх газар бүү өг.

Avatar

Зочин 2018-11-07 103.26.194.234

Хэргийг яагаад шийдэхгүй удааагаад байгаа юм бэ? Хуулийнханд итгэхэд хэцүү болсон. Аягүй бол хэргийг хэрэгсэхгүй болгох асуудал сэдээд байна уу?

Avatar

Зочин 2018-11-07 66.181.164.60

iim l huuhduud usj tornij bn ene niigemd. eh n heer alag bol gedeg shig. haramsaad barahgui. huurhun duu daraa nasandaa jargaliin deediig edleerei

Avatar

Зочин 2018-11-07 66.181.167.253

Элит ч гээд бичсэн байх шиг. Өдөр бүр цэнгээнт бүжигтэй гэчихсэн. Бас хэдэн хүний толгой залгих болдоо

Avatar

Зочин 2018-11-07 66.181.167.253

Хүний үнэргүй хогийн новшнууд. нялх амьтан яаж архи ууж чадах вээ, шууд хордоно шүүдээ

Avatar

бүлгэм 2018-11-07 202.21.126.118

нөгөө сүртэй сүртэй монгол улс иргэний төлөө гээд хуцаад байдаг бүлгэм намууд хаана байна? \nмөнгө өгөхгүй л бол хөдлөхгүй гарууд гэдэг нь харагдаж байна,

Avatar

zocnin 2018-11-07 69.76.229.35

dambaocnir saidiin buudal ucniraas buh eh uusver ni damba ocniriig gishuunees ni erguulen tatah heregtei ene gishuun cnimeegui ongorooh sanaatai shuu buzar oromj beldej nohtsol baidal bii bolgoson dambaocnirtoi toots

Avatar

Зочин 2018-11-07 103.14.36.6

Хүмүүсийг Очир төвөөр үйлчлүүлэхгүй байхыг уриалж байна.

Avatar

Зочин 2018-11-07 66.181.191.104

Бузар газраар үйлчлүүлбэл хамгийн муу хар энерги шингэж ажил үйлс бүхэн тань үл бүтэх нигууртай.

Avatar

Зочин 2018-11-07 185.22.224.96

Энэ охины хэргийг үнэн зөв шийдэхийг чих тавин хүлээж байна. Бүх зүйл тодорхой тул хэрэв энэ хэргийг үйлдсэн 2 новшийн этгээдэд зөөлөн ял оноовол бид зүгээр байхгүй, бид хэзээ ч мартахгүй.Хөөрхий ямар их тарчлуулсан бол?

Avatar

Зочин 2018-11-07 103.11.194.180

Охины нэр М шүү дээ

Avatar

Зочин 2018-11-07 72.218.74.201

250 000 tugruguur torgood:(:(: aimshigtai

Avatar

Зочин 2018-11-07 103.57.94.26

Ойлгомжтой хэргийг яагаад өдий хүртэл шийдэхгүй байгаа юм бэ???????

Avatar

Zochin 2018-11-07 103.57.92.173

ter muu hoyor novshiig amidaar ni shataakh heregtei.

Avatar

иргэн 2018-11-07 202.179.25.165

ийм тодорхой зүйлийг хуулийхан яагаад үнэнээр нь шийдчхэж чадах сэтгэлгүй бнааа Энэ л эмгэнэл

Avatar

зочин 2018-11-07 202.131.228.10

хэргийн талаар олон нийтэд мэдээллэхээ зогсоож болохгүй шүүү сэтгүүлчидээ

Avatar

Зочин 2018-11-07 202.21.96.18

БҮХ НАСААР НЬ ШОРОНГИЙН БАНДИ БОЛГОСУГАЙ

Avatar

Zochin 2018-11-07 103.26.193.42

Үнэн зөв шийджгдээсэй

Avatar

Зочин 2018-11-07 103.10.21.77

Дарь-Эхэд үйл ажиллагаа явуулсаар л байгаа шүү дээ. Нэрээ сольсон.

Avatar

Мо 2018-11-07 112.72.11.112

Ерөнхийлөгч энэ буудлыг хаалгана гээд байсан хаалгаагүй байгаа юм уу

NewsMN Гар утасны хувилбар Татах
NEWS.mn

Мэдээллийн эх сурвалж