БНСУ-аас ОХУ-д суугаа элчин сайд У Юн Гын "Хойд Солонгосын удирдагч Ким Жон Уны ОХУ-д хийх айлчлал арваннэгдүгээр сард болж магадгүй" хэмээн даваа гаригт /2018.11.05/ мэдэгджээ. Тэрбээр цааш нь “ОХУ-ын зүгээс Ким Жон Уны айлчлалыг энэ ондоо багтаан хэрэгжүүлэх хүсэлтэй байгаа. Хойд Солонгосын хувьд ч айлчлал болох хугацаа, газар болон хэлэлцэх асуудалд анхаарал хандуулж байгаа байх" гэв. Өнгөрсөн аравдугаар сарын 8-ны өдөр ОХУ-ын ерөнхийлөгчийн хэвлэлийн төлөөлөгч Дмитрий Песков Хойд Солонгосын удирдагчийн айлчлалд бэлтгэж байгаа талаар мэдээлж байсан билээ.

Дашрамд дурдахад, ОХУ-ын Ерөнхийлөгч В.Путин 2019 оны эхний хагаст Сөүлд айлчлахаар төвлөсөн байна. Сөүл Москва хоёр чөлөөт худалдааны хэлэлцээнд гарын үсэг зурахаар бэлтгэж байгаа бөгөөд энэхүү хэлэлцээг байгуулснаар, Өмнөд Солонгос улс ОХУ-аар дамжуулан Евроази руу гарах сонирхолтой байгаа гэнэ.

Эх сурвалж: TASS