Монгол Улсын Ерөнхийлөгчийн  Байгаль орчин, хот, хөдөөгийн хөгжлийн бодлого, агаарын бохирдлын асуудал хариуцсан зөвлөх Д.Пүрэвдавааг Ардчилсан намаас хөөх шийдвэрийг С.Эрдэнэ гаргасан байна. Өөрөөр хэлбэл, Д.Пүрэвдаваад сахилгын шийтгэл оногдуулах тушаалыг АН-ын дарга гаргажээ. Уг тушаалд "Намын гишүүний үүргээ удаа дараа зөрчсөн нь тогтоогдсон Д.Пүрэвдавааг намын гишүүнээс дөрвөн жилийн хугацаатай хассугай" гэжээ.

Мөн энэ шийдвэрийн биелэлтэд хяналт тавихыг АН-ын Ерөнхий нарийн бичгийн дарга Ц.Туваанд даалгасан байна. Ийнхүү С.Эрдэнэ даргын гарын үсэгтэйгээр хөөгдөж буй хоёр дахь хүн нь Д.Пүрэвдаваа болж байгаа бөгөөд үүний өмнө "Ройтерс"-ийн мэдээний араас С.Баярцогтыг хөөх шийдвэр гаргаснаараа С.Эрдэнэ дарга АН-ын гишүүнд, дэмжигчдээс багагүй шүүмжлэл хүртэж байсан юм. С.Эрдэнэ даргын шийдвэрээс харахад Ерөнхийлөгч АН-ын дарга хоёрын дунд хагарал үүссэн бололтой.

 Б.БАТ