Гэгээн хайрын өдөр болоход цөөхөн хоног үлджээ. Хайрын өдөр Дуурийн театрын уран бүтээлчид П.И.Чайковскийн “Хунт нуур” балетыг хосууддаа зориулах нь ээ. Гурван бүлэг дөрвөн үзэгдэл бүхий энэхүү балетыг анх 1877 оны хоёрдугаар сарын 20-нд Москвагийн Их театрт тоглож байжээ. “Хунт нуур” балет нь хөгжмийн зохиолч П.И.Чайковскийн балетын анхны бүтээл бөгөөд манай тайзнаа анх 1975 оны зургадугаар сарын 28-нд тоглож байсан билээ.

Харин 2014 онд “Хунт нуур” балетын үзэсгэлэнт Одетта гүнжийн дүрд, хар хунд мөн дурлалт залуу ханхүү Зигфридэд Монголын ямар чадварлаг бүжигчид тоглохыг сонгодог урлагийн хорхойтнууд маань хүрэлцэн ирж үзээрэй.

“Хунт нуур балет” хоёрдугаар сарын 14-нд Дуурийн театрын тайзнаа үзэгчдийн хүртээл болно.

Э.ТЭКҮ