МАН төсөвт тавих Ерөнхийлөгчийн хоригийг хүлээж “авна” | News.MN

МАН төсөвт тавих Ерөнхийлөгчийн хоригийг хүлээж “авна”

Хуучирсан мэдээ: 2018.11.05-нд нийтлэгдсэн

МАН төсөвт тавих Ерөнхийлөгчийн хоригийг хүлээж “авна”

МАН төсөвт тавих Ерөнхийлөгчийн хоригийг хүлээж “авна”

-Албан бус мэдээллээр Монгол Улсын Ерөнхийлөгч энэ долоо хоногт 2019 оны төсөвт хориг тавина гэсэн мэдээлэл байна-

Төсвийн хуульдаа баригдаж, арваннэгдүгээр сарын 15-ны дотор 2019 оны төсвөө батлуулсан МАН-ын бүлгийн гавьяанд Ерөнхийлөгч “тушаа” тавих нь. 65-ын бүлгийнхэн энэ жилийн төсвийг “боломжийн” төсөв гэж баталсан. Жил бүрийн төсөв батлах үеэр яригддаг “миний, чиний тойрогт хөрөнгө оруулалт алга хэмээх” шүүмжлэл төсвийн анхны хэлэлцүүлгээс л эхэлсэн. Энэ зуур Монгол Улсын Ерөнхийлөгч чуулган, МАН-ын бүлгийн хуралдаанд оролцож, “Энэ төсвөө эргүүлэн татах,  зарим хөрөнгө оруулалтуудаа танахгүй бол хориг тавина шүү” хэмээн хэлж байсан. 2019 оны төсвийг зарим гишүүд уншиж ч амжаагүй байхад баталчихлаа. Ингэхдээ гурав, дөрөвдүгээр хэлэлцүүлгийг өнгөрсөн баасан гаригт хийж баталсан юм. Учир нь Засгийн газар энэ долоо хоногийн пүрэв, баасан гаригуудыг бүх нийтийн амралтын өдөр болгон товлосон учраас ирэх жилийн төсвийг батлахаас өөр арга байгаагүй юм.

“УИХ 2018.11.02-ны өдөр 2019 оны төсөв болон түүнийг дагаж өргөн мэдүүлсэн хуулийн төслүүдийг хугацаанд нь батлав”

СОНГУУЛЬЖСАН ТӨСӨВ БУЮУ ОРЛОГО, ЗАРЛАГА НЬ НЭМЭГДЖЭЭ

Монгол Улсын нэгдсэн төсвийн нийт тэнцвэржүүлсэн орлого 9,6 их наяд төгрөг буюу ДНБ-ний 27.4 хувь, нийт зардал 11,5 их наяд төгрөг буюу ДНБ-ний 32.8 хувь болж, нэгдсэн төсвийн нийт тэнцвэржүүлсэн тэнцлийн алдагдал 1,9 их наяд төгрөг буюу Засгийн газрын өргөн мэдүүлсэн түвшинд, өөрөөр хэлбэл ДНБ-ний 5.4 хувьтай тэнцүү байхаар тооцож баталжээ. Жил жилийн төсөв алдагдалтай батлагддаг нь бараг л уламжлал болж. Тэгвэл энэ жилийн төсвийн зарлага 11,5 их наяд. Зардал, алдагдал бага байх тусмаа төсөвт дарамт бага учрах, эдийн засагт тэр хэмжээгээр нөлөө үзүүлнэ. Гэвч сонгуулийн өмнөх жилийн төсөвт л тойргийн гишүүд бүхнээ “чихэж”, багтаах гэсэн хүслийн гор нь жилээс жилд өсөх төсвийн алдагдал, зарлага. Эдийн засагчдын зүгээс  сонгуулийн системээ өөрчилсний дараа бид алдагдалгүй төсөв баталдаг болно гэдгийг онцолдог. Гэвч одоогийн улс төрд голлох үүрэгтэй намууд болон  УИХ-ын гишүүдийн зүгээс өөрсдөдөө ашгитай гэж үзэж,  жижиг тойргоор сонгуулиа явуулах ёстой гэж сонгуулийн системдээ өөрчлөлт оруулдаггүй.

Энэ жилийн хувьд төсвийн орлогыг 9,6 их наядаар тооцсон. Зарим гишүүдийн зүгээс татварын шинэчлэлээ хийгээгүй, уул уурхайн бүтээгдэхүүний үнийн өсөлтөд хэт найдсан, өндөр орлогыг төлөвлөсөн байна гэж шүүмжилж байсан.  Уул уурхайн хамгийн гол бүтээгдэхүүн болох нүүрсийг 42 сая тонныг экспортолно гэж тооцсон нь ч хэтэрхий өөдрөг төсөөлөлттэй байна гэж шүүмжилж байсан. Гэвч Засгийн газрын зүгээс энэ бол маш бодитой төсөвлөсөн орлого гэж буй. Засгийн газрын зүгээс энэ бол маш бодитой төсөвлөсөн орлого гэж буй. Сангийн сайд, Уул уурхай, хүнд үйлдвэрийн сайд нарын 42 сая тонн нүүрс борлуулна гэдэгтээ итгэлтэй байгаагаа ч хэлэлцүүлгийн үеэр дурдаж байсан юм.

ЕРӨНХИЙЛӨГЧИЙН ХОРИГ ЖДҮХС-ИЙН 48 ТЭРБУМЫГ “ОНИЛНО”

Төсөв хэлэлцэхтэй зэрэгцэн хамгийн их шуугиан тарьсан нэг асуудал бол Жижиг, дунд үйлдвэрлэлийг хөгжүүлэх сангийн зээл байсан. Үүнтэй холбоотойгоор Засгийн газар нэг сайддаа хариуцлага тооцохоор болж, Ерөнхий сайд У.Хүрэлсүх зээл авсан гишүүдийг мөнгөө эргүүлэн төлөхийг сануулсан.

“Монгол Улсын Ерөнхийлөгч өмнө нь гурван удаа төсөв, төсвийн тодотгол болон Сангийн сайдын томилгоонд хориг тавьж байсан ч УИХ хүлээж аваагүй юм”

Энэ асуудалтай зэрэгцэн 2019 оны төсөвт тусгагдсан 48 тэрбум төгрөгийг яах вэ гэх маргаан МАН, Засгийн газар дотор өрнөсөн. Ирэх жилийн төсвийг эргүүлэн задлах асуудал ч яригдсанаар эцэст нь 48 тэрбумыг хэвээр баталсан.  Нэгэнт сан нь өөрөө асуудал үүсгэсэн учраас нэмж мөнгө төсөвлөж байгаа нь шүүмжлэл дагуулж, Ерөнхийлөгч үүн дээр нь хориг тавих болов уу. Мөн Ерөнхийлөгчийн зүгээс ирэх оны төсвийн хөрөнгө оруулалтуудыг 15 хувиар танах “анхааруулга” ч өгсөн.  Хэрэв энэ удаад Ерөнхийлөгч хориг тавибал түүний дөрөв дэхь хориг болох юм.  Гэхдээ МАН энэ удаад Ерөнхийлөгчийн хоригийг хүлээж авах болов уу. Нийгэмд бухимдал, шүүмжлэл дагуулсан ЖДҮХС-нд төсөвлөсөн 48 тэрбум болон зарим нэг зүйлст засвар хийхийн тулд Ерөнхийлөгчийн хоригийг хүлээж авах болов уу гэсэн яриа улс төрийн хүрээндболон МАН-ын гишүүдийн дунд гарна лээ. Сангаас хөнгөлөлттэй зээл авсан гишүүддээ нам нь өөрсдөө хариуцлага тооцож, цаашид Засгийн газрын 12 сан шалгалтад оруулж, асуудалд өөрөөр хандаж байгаа ийм үед Ерөнхийлөгчийн хоригийг хүлээж авах нь оновчтой сонголт байхыг ч үгүйсгэхгүй юм.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
2
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Уншигч 2018-11-05 66.181.179.161

АВСАН ЗЭЭЛЭЭ ТӨЛӨӨД Л БЛОО ЮУ. ИНГЭЖ АСУУДЛАА АМАРХАН ШИЙДЭЖ БОЛОХГҮЙ .ТӨЛӨӨД, БАС ХАРИУЦЛАГАА ХҮЛЭЭЖ АЖЛААСАА ОГЦРОХ ХЭРЭГТЭЙ .ЭНЭ ЧИНЬ ТАТВАР ТӨЛӨГЧДИЙН МӨНГӨ ШҮҮ ЭРХЭМ ГИШҮҮНЭЭ .ЦААНА ЧИНЬ МЯНГА МЯНГАН ЗАЛУУЧУУД ҮҮНИЙГ ЧИНЬ ХАРААД ЯАЖ ҮЛГЭР ҮЗҮҮЛЭХИЙГ ЧИНЬ ХҮЛЭЭЖ БАЙНА .

Avatar

Зочин 2018-11-05 66.181.186.36

TATVAR TULUGCHDIN MUNGOR SUMTAIBAYRIN KAMPANI KONTSESIG BOLIOCHEE HEREGGUI BARILGA BAIGULAMJA BOLIO MANIHAN

Avatar

Зочин 2018-11-05 202.9.42.59

Хориг тавина гэж мэдээд 5 тэрбумаа 8 болгож баталсан юм биш үү? Тэгээд еөкийг хориг тавингуут нь хассан болж жүжиг тавиад анх төлөвлөснөөрөө баталчихна. Эд нар бүр хүмүүсийг тэнэг гэж бодсоор байгаад өөрсдөө хоцрогдож гйүцжээ.

Avatar

zochin 2018-11-05 122.201.23.158

2019 оны төсвийг ирц хүрэхгүй байхад батлаа биздээ. баталсан нь хүчингүй гэсэн үг биздэ

Avatar

Жанхуу Ухна Миеэ бүгд адил 2018-11-05 66.181.167.194

Одоо Я.Содбаатарыг сайдаас нь огцруулж чадахгүй бол жанхуугийн шивэртэй оймсонд мансуурсан ухна хүрэлсүх өөрөө огцор! Дээрээс нь оркуудын бөөс жанхуу амлалтаа мурисан тул огцор! Үхсэн баасных нь өлсгөлөн зарлах! Өлсгөлөн зарлах гээд байгаа б

Avatar

ТЫ ПОСЛВ ДУРАК 2018-11-05 46.101.197.229

ТЫ ПОСЛЕДНИЙ ДУРАК

Avatar

Зочин 2018-11-05 202.21.119.186

Hurungu oruulaltaa has geed baih um.Ymar imniih ni hurungu oruulalt baih ve dee.Heden surguuli tsetserlegiin barilga l bgaa sh dee tsaana. ni.Teriig hasuulaad Jenco neg tusul nereer husah ni l dee.

Avatar

Torgyyd 2018-11-05 202.179.31.190

horigig hvleej awah n tuilin zowoo Jenko n zow

Avatar

зочин 2018-11-05 103.57.93.167

зөв хориг тавих хэрэгтэй.ард түмэн ууртай байгаа шүү

Avatar

Зочин 2018-11-05 183.177.97.14

Хоригийг хүлээж авах шаардлагагүй, энэ бол зүгээр ажил зогсоох, гацаах гэсэн ЖЕНКОгийн ганц чаддаг ажил нь

Avatar

Зочин 2018-11-05 202.9.43.96

Ийм толгой нь хамуурчихсан нөхдүүд байгаа учраас л ард түмэн доромжлуулаад явж байгаа юм даа

Avatar

Гарц. 2018-11-05 103.57.93.140

Хоригийг хүлээж авах хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж