Сийлбэр бол тэвчээрийн урлаг. Маш их цаг хугацааг зарцуулна гэж сийлбэрч Д.Ганхүлэг хэлсэн. Уран бүтээлчээс шинэ санаа, гарын ур дүй шаардсан сийлбэрийн урлагийн хөгжлийн чиг хандлагыг таниулах зорилгоор “Цой” үзэсгэлэн өчигдөр /2018.11.02/ Blue mon төвийн NORPHEI ART галлирейд нээгдлээ. Монгол сийлбэрийн урлагийн хөгжлийг тод томруунаар харуулж, нүүдлийн соёл ахуйгаа тод томруунаар дүрслэн харуулсан  эл үзэсгэлэнд Г.Батбаяр “Сувд”, Д.Түвшинбаяр “Баян ходоод”, Ц.Батмөнх “Нүүдэл”, Н.Отгонбаяр “Үүлэн” зэрэг мод, чулуугаар урласан 30 гаруй уран бүтээлчийн 45 бүтээл дэлгэгджээ.

Дэлхий даяар эрчимтэй даяаршиж буй техник технологи, мэдээллийн эрин үед монгол ахуйгаа мартаж болохгүйг уран бүтээлчид харуулахыг зорьсон мэт санагдав.