Х.Баттулга: Энхийн цагт зэвсэгт хүчний гол үүрэг нь цэргийн сургалт бэлтгэл юм | News.MN

Х.Баттулга: Энхийн цагт зэвсэгт хүчний гол үүрэг нь цэргийн сургалт бэлтгэл юм

Хуучирсан мэдээ: 2018.11.02-нд нийтлэгдсэн

Х.Баттулга: Энхийн цагт зэвсэгт хүчний гол үүрэг нь цэргийн сургалт бэлтгэл юм

Х.Баттулга: Энхийн цагт зэвсэгт хүчний гол үүрэг нь цэргийн сургалт бэлтгэл юм

Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга Зэвсэгт хүчний 016 дугаар бригадын Байлдааны буудлагатай тактикийн хээрийн сургуулийг үзэж сонирхлоо. Түүнийг дагалдан Монгол Улсын Ерөнхийлөгчийн Тамгын газрын дарга З.Энхболд, УИХ, Засгийн газрын гишүүн, Батлан хамгаалахын сайд Н.Энхболд, ЗХЖШ-ын дарга, дэслэгч генерал Д.Даваа, ЗХЖШ-ын нэгдүгээр орлогч дарга, хошууч генерал Р.Сүхбат, ЗХЖШ-ын орлогч дарга, хошууч генерал Ж.Бадамбазар, Зэвсэгт хүчний Хуурай замын цэргийн командлагч, бригадын генерал Б.Амгаланбаатар, Агаарын цэргийн командлагч, бригадын генерал Д.Энхбаяр, ХЗЦК-ын штабын дарга, хурандаа С.Дашзэвэг болон БХЯ, ЗХЖШ-ын зарим удирдлага ажилласан юм.

Тэд хурандаа Т.Лодойдамба захирагчтай Зэвсэгт хүчний 016 дугаар бригадын үйл ажиллагаатай танилцан, зарим зэвсэглэл, техникийг үзэж сонирхсоны дараа тус бригадын хээрийн сургалтын төвийг зорьсон юм. Байлдааны буудлагатай тактикийн хээрийн сургууль төлөвлөгөөний дагуу, товлосон цагт явагдаж дууссаны дараа хурандаа Б.Хаш-Эрдэнэ захирагчтай Зэвсэгт хүчний 084 дүгээр ангийн тусгай томилгоот бүлэг шүхрийн буулт, буудлагын төрлүүдийг багтаасан үзүүлэх сургуулийг сонирхууллаа. Цэргийн мэргэжлийн өндөр түвшинд явагдсан энэхүү байлдааны буудлагатай тактикийн хээрийн сургууль нь зэвсэг, техниктэй цэргийн ёслолын жагсаалаар өндөрлөв.

Энэ үеэр Монгол Улсын Ерөнхийлөгч, Зэвсэгт хүчний Ерөнхий командлагч Х.Баттулга байлдааны буудлагатай тактикийн хээрийн сургуульд амжилттай оролцсон бүрэлдэхүүнд хандаж хэлсэн үгэндээ: “Энэхүү сургуулийг зохион байгуулсан Зэвсэгт хүчний ХЗЦК, Зэвсэгт хүчний 016 дугаар бригадын бие бүрэлдэхүүн Та бүхэнд Зэвсэгт хүчний Ерөнхий командлагчийн хувьд баяр хүргэж, амжилт хүсье. Энхийн цагт Зэвсэгт хүчний гол үүрэг нь цэргийн сургалт бэлтгэл юм. Тэр дундаа байлдааны буудлагатай тактикийн хээрийн сургууль нь цэргийн сургалтын хамгийн үр дүнтэй, дээд хэлбэрт тооцогддог. Энэ удаагийн сургуулиар манай цэргийн алба хаагчид цэргийн хэргийн мэдлэг, дадлага, мэргэжлийн ур чадвараа ахиулсан нь өндөр ач холбогдолтой боллоо. Монгол Улсын Батлан хамгаалах салбар, Зэвсэгт хүчин нь шинэчлэлийн бодлогыг богино хугацаанд үр дүнтэй хэрэгжүүлж байгаагаараа үлгэр жишээ болж байна. Монгол Улсын Зэвсэгт хүчний бие бүрэлдэхүүн олон улсын энхийг дэмжих ажиллагаанд бие даан үүрэг гүйцэтгэж, олон улсын болон 2 талын хамтарсан сургуулиудад амжилттай оролцож, мэргэжлийн ур чадвараа гадаад, дотоодод илтгэн харуулсаар байгаа нь бахдал төрүүлсэн амжилт юм.

Эртнээс цуутай монгол цэргийн алдар, дайчин уламжлалыг нэр төртэйгөөр залгамжлан, эх орноо батлан хамгаалах эрхэм үүргээ чадварлагаар биелүүлж байгаа Та бүхний эр зориг, тэсвэр хатуужил, мэргэжлийн ур чадварыг энэхүү хээрийн сургууль дахин нотлон харууллаа. Хээрийн сургуулиар тавигдсан үүргийг нэр төртэй биелүүлсэн нийт цэргийн алба хаагчдад дахин баяр хүргэе” гэлээ. Мөн тэрбээр сургуульд амжилттай оролцсон зарим цэргийн алба хаагчдад гарын бэлэг гардуулсан юм.

Эх сурвалж: ЗЭВСЭГТ ХҮЧНИЙ ЖАНЖИН ШТАБ

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2018-11-02 122.201.22.7

өвөл хүйтэн болдог зун халуун болдог

Avatar

Зочин 2018-11-02 83.37.208.189

Монгол цэргүүдийн хэрэг байхгүй. Одоо тэгэж эргүүтэхээ БОЛЬ.

Avatar

зочин 2018-11-02 66.181.160.123

хэрэгтэй болоод байлгаж бна Цэрэг зэвсэггүй нэг ч улс бгүй.чам мэтийн толгойгоороо б**с хийсэн амьтад энэ тухай ойлгохгүй .чам мэтийн ийм бодолтой п…….нууд дээр дооргүй улс оронд гай болж байгаагаа мэдэж ав.хэрэггүй гэвэл чи төрлүүдтэйгээ нийлээд зайлаа муу ү****ц бодолтой бойдий

Avatar

МОНГОЛЫГ ЯЛСАН ЖАНХУУГ ОГЦРУУЛЬЯ ! 2018-11-02 66.181.167.194

Жанхуу бол үймээн самуун дэгдээж байгаад Ерөнхийлөгчийн засаглал тогтоох ганцхан хүсэлтэй. Шоронд орохгүй байх цорын ганц зам нь ердөө энэ .Түүнд өөр сонголт үгүй. Самарч байж л шоронгоос зугтана.

NewsMN Гар утасны хувилбар Татах
NEWS.mn

Мэдээллийн эх сурвалж