Английн Холбооны цомын дөрөвдүгээр шатны сүүлчийн тоглолт болох "Рочдейл", "Сток Сити" клубийн тулаан "Рочдейл"-ийн "Спотлэнд" цэнгэлдэхэд явагдаж, талбайн зочид 4-1 харьцаатайгаар өрсөлдөгчөө буулгаж авсанаар Холбооны цомын тавдугаар шатанд шалгарлаа.

Тоглолтын нэгдүгээр үеийн дөрөв дэх минутад "Сток" хагас хамгаалагч Кркич гоолын салхийг хагалсан. Улмаар тоглолтын хоёрдугаар үеийн 52 дахь минутад Айрленд нэгийг нэмсэн бол 61 дэх минутад Мозес тооны харьцааг 3-0 болгосон.

Харин эзэн багийн нэр төрийн ганц гоолыг 78 дахь минутад Беннетт оруулсан бол тоглолтын эцсийн цэгийг 90 дэх минутад Уолтерс тавьснаар багийнхаа хожлыг баталгаажуулсан юм.

Одоогийн байдлаар "Блэкберн", "Лестер", "Мидлсбро", "Вест Бромвич", "Дерби Каунти", "Кристал Пэлас", "Брэдфорд", "Рединг", "Вест Хэм", "Астон Вилла", "Арсенал", "Сток Сити" багууд тавдугаар шатанд шалгараад байгаа бол энэ тойрогт тэнцсэн багууд нэмэлт тоглолт хийж, аль хожсон нь тавдугаар шатанд шалгарах эрхээ олж авах юм. Дашрамд дурьдахад,  нэмэлт тоглолтууд ирэх сарын 03, 04-ний өдрүүдэд үргэлжилнэ.

Эх сурвалж: www.mminfo.mn