"Үдийн цай хөтөлбөрийг чанаржуулахад зориулалтын цайны газар чухал" | News.MN

"Үдийн цай хөтөлбөрийг чанаржуулахад зориулалтын цайны газар чухал"

Хуучирсан мэдээ: 2018.10.30-нд нийтлэгдсэн

"Үдийн цай хөтөлбөрийг чанаржуулахад зориулалтын цайны газар чухал"

"Үдийн цай хөтөлбөрийг чанаржуулахад зориулалтын цайны газар чухал"

Нийслэлийн Мэргэжлийн хяналтын газраас сургуулиудын “Үдийн цай” хөтөлбөрт хийсэн шалгалтын талаар өнөөдөр /2018.10.30/ мэдээлэл хийлээ. Шалгалтад ерөнхий боловсролын төрийн өмчийн 120 сургууль, тэдгээрийн дэргэдэх 129 хоолны газрыг хамруулжээ. Шалгалтаар сургуулиудын 64 хувь нь зориулалтын цайны газартай, 35.7 хувь нь зориулалтын бус, өрөө тасалгааг өөрчлөн цайны газар болгон ашиглаж байсан байна. Харин 6.6 хувь нь огт цайны газаргүй байжээ.

Түүнчлэн шалгалтад хамрагдсан сургуульд “Үдийн цай” хөтөлбөрийн хэрэгжилт 76.78 хувтай байгаа аж. Харин 54.6 хувь нь үдийн цайгаар авбал зохих илчлэгтэй хоол хүнсээр үйлчилж байжээ.

Ингээд шалгалтаар эрүүл ахуй, хүнсний чанар, стандартын чиглэлд 847 зөрчил илрүүлсэн байна. Улмаар Зөрчлийн тухай хуулийн дагуу 14 хуулийн этгээдэд 9.4 сая төгрөгийн торгууль ногдуулжээ. Мөн “Шинэ эхлэл” сургуулийн цайны газрыг түрээслэгч “Банни” компанийн үйл ажиллагааг түр хугацаагаар зогсоожээ.

“Үдийн цай” хөтөлбөрийн дагуу нэг хүүхдэд 600 төгрөгийн хоол хүнс өгдөг. Энэ нь арван жилийн өмнө баталсан тооцоолол. Гэвч өнөөдөр энэ мөнгөөр хүүхэд авах ёстой илчлэгийн хэмжээгээ авч чадахгүй байна гэдгийг НМХГ-аас онцолж байлаа. Түүнчлэн энэ үнийн дүнг нэмэгдүүлэхээр санал гаргасан ч халуун хоолоор үйлчлэх зориулалтын хоолны газаргүй сургуулиуд байгаа гэдгийг хэлсэн юм.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-30 202.126.89.71

Зориулалтын бус газар идэж ууж болохгүй

Avatar

Зочин 2018-10-30 110.174.143.35

Udiin tsaig zogsooh heregtei. Gereesee yumaa avchraad iddeg boloh heregtei

NewsMN Гар утасны хувилбар Татах
NEWS.mn

Мэдээллийн эх сурвалж