Хөлбөмбөгийн охид нэг хожилтойгоор тэмцээнээ өндөрлүүлэв | News.MN

Хөлбөмбөгийн охид нэг хожилтойгоор тэмцээнээ өндөрлүүлэв

Хуучирсан мэдээ: 2018.10.29-нд нийтлэгдсэн

Хөлбөмбөгийн охид нэг хожилтойгоор тэмцээнээ өндөрлүүлэв

Хөлбөмбөгийн охид нэг хожилтойгоор тэмцээнээ өндөрлүүлэв

Азийн хөлбөмбөгийн холбооноос 19 хүртэлх насны эмэгтэйчүүдийн тивийн аварга шалгаруулах тэмцээний урьдчилсан шатны тоглолтуудыг өнгөрөгч долоо хоногт Тайланд, Вьетнам, Ливан, Киргизстан, Тажикстан болон Мьянмар улсад зохион байгууллаа.

Ливаны Бэйрут хотод Австрали, Хонгконг, Ливан, Монголын баг өрсөлдөж хоёр баг цааш өрсөлдөх эрхийг авлаа.

Урьдчилсан шатны “А” хэсэгт багтсан Монголын охидын баг өчигдөр хэсгийн сүүлийн тоглолтоо Ливаны багтай хийж 4:0-оор хожигдлоо. Манай охид эхний тоглолтод Австралид 18:0-оор хожигдсон ч хоёр дахь тоглолтод Хонгконгийг 1:0-оор хожин түүхэн ялалт байгуулсан юм. Анх удаа Ази тивийн аварга шалгаруулах тэмцээний урьдчилсан шатанд өрсөлдсөн охидын баг нэг хожил, хоёр хожигдолтойгоор тэмцээнээ дуусгалаа.

Монголын охидын шигшээ баг багтсан “А” хэсгээс Австрали, Ливаны багууд 2019 оны дөрөвдүгээр сард Тайландад болох финалын шатанд өрсөлдөх эрхийг авлаа. Мөн Иран, Мьянмар, БНСУ, Узбекстан, Непал, Вьетнамын багууд цааш шалгарсан. Эдгээр багууд дээр Тайланд, Япон, БНАСАУ, БНХАУ-ын багууд нэмэгдэх юм.

Япон дасгалжуулагч Ики Ёүжигээр удирдуулсан Монголын 19 хүртэлх насны охидын шигшээ багийн ихэнх тоглогчид 16 хүртэлх насных бөгөөд тэдний хувьд түүхэн нэг хожилтойгоор Ливаны тэмцээнийг өндөрлүүллээ.

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-29 203.91.116.90

за болж болж.

Avatar

Зочин 2018-10-29 43.228.129.204

Ovoo doo

NewsMN Гар утасны хувилбар Татах
NEWS.mn

Мэдээллийн эх сурвалж