Мах, ногооны үнэ нэмэгджээ | News.MN

Мах, ногооны үнэ нэмэгджээ

Хуучирсан мэдээ: 2018.10.28-нд нийтлэгдсэн

Мах, ногооны үнэ нэмэгджээ

Мах, ногооны үнэ нэмэгджээ

Нийслэлийн статистикийн газар долоо хоног бүр мах, хүнсний ногооны үнэд ажиглалт хийдэг. Энэ долоо хоногийн хувьд, мах, хүнсний ногооны үнэ нэмэгдэж, гурилан бүтээгдэхүүний үнэ тогтвортой байна.

Тухайлбал, 2018 оны аравдугаар сарын дөрөвдүгээр долоо хоногт хонины ястай мах нэг килограмм нь дунджаар 6580 төгрөг, үхрийн ястай мах нэг килограмм нь дунджаар 7980 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 170 төгрөгөөр өссөн бол, харин үхрийн цул махны үнэ тогтвортой байлаа.

Энэ долоо хоногт  үхрийн мах “Хар хорин” хүнсний захад хамгийн хямд буюу 7200 төгрөг, Харин “Меркури” хүнсний захад хамгийн өндөр үнэтэй буюу 8500 төгрөг байна. Өмнөх долоо хоногтой харьцуулахад хонины ястай махны үнэ 210 төгрөгөөр хонины цул махны үнэ 50 төгрөгөөр тус тус өссөн байна. Мөн хонины мах “Хархорин” хүнсний захад хамгийн хямд буюу 5800 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна.

Харин гурилан бүтээгдэхүүний үнэ тогтворжсон байна. Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1250-1500 төгрөг, 1-р зэргийнх 950-1200 төгрөг, 2-р зэргийнх 800-1000 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1250-1400 төгрөгийн үнэ ханштай байна.

Хүнсний ногоо өмнөх долоо хоногтой харьцуулахад монгол төмс 3.2 хувиар өсөж 795 төгрөгөөр, лууван 0.9 хувиар өсөж 1085 төгрөгөөр, байцаа 3.5 хувиар өсөж 1170 төгрөгөөр тус тус худалдаалагдаж байна.

Э.АРИУН 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Үнээ судлаад бич 2018-10-28 202.170.68.20

Худлаа мэдээлэл байна. Хархорин дээр хонины ястай мах 5000-5200, үхрийн ястай мах 5800 байсан.

Avatar

иргэн 2018-10-28 202.9.42.215

Энэ сэтгүүлчид гэж амны бузар болсон хүмүүс байнаа,Би 26 нд хүчит шонхор захаас хонинй ястай мах авсан 5200 л байна лээ,

Avatar

иргэд 2018-10-28 103.57.92.124

Ийм юм бичээд хэрэггүйдээ,ямар үнэн буурна гэж байх биш,үнийн бууралт гэдэг үг монголчуудын ярианы үгийн сангаас хасагдаад мартагдаад удаж байгаа шүүдээ.

NewsMN Гар утасны хувилбар Татах
NEWS.mn

Мэдээллийн эх сурвалж