Beatbox Ray буюу Н.Нарангэрэл "Авьяаслаг монголчууд" шоунд оролцож, Rokitbay шүүгчийн алтан баззерын эзэн болсон. Түүний үзүүлбэр үзэгч, шүүгчдэд таалагдаж, тухайн хэдэн өдөртөө ярианы гол сэдэв болж байсан.

Тэгвэл өөрөө зохиосон гэж түүний тайлбарлаж байсан үзүүлбэр нь /зохиомж/ бусдыг хуулбарласан гэх мэдээлэл цахим ертөнцөд таржээ.  Түүнийг битбокс, хөөмий, исгэрээ болон язгуур урлагийн хөгжмийн зэмсгүүдийг ашиглан Монгол ардын аялгууг орчин үеийн хөгжим рүү хөрвүүлэн уран бүтээл туурвидаг "Ата боргужин"-ы бүтээл буюу зохиомжийг хуулбарлаж, эвлүүлсэн хэмээж байгаа юм. "Ата боргужин" нь 2017 оны наймдугаар сард зохиогдсон "TEDx Ulaanbaatar"-ийн үеэр энэхүү зохиомжоо танилцуулж байсан бөгөөд мөн 2018 оны гуравдугаар сард "Saridag live performance"-д танилцуулсан зохиомжийн хэсгээс нь ч Beatbox Ray эвлүүлж тоглосон гэх яриа мөн гараад байгаа юм. Ингээд тэдний бичлэгийг хүргэе.

Э.БУРАМ