Нийслэлийн газрын албанаас явган хүний замыг хааж, нийтийн эзэмшлийн талбайд барьсан зөвшөөрөлгүй барилгуудыг чөлөөлөх, албадан буулгах ажлыг хийж байгаа билээ. Энэ удаад бидний нэрлэж заншсанаар Төв шуудангийн хойд тал буюу Монтел орчмын барилгыг цэгцлэхээр болж, Монголын цахилгаан холбоо ХК-д мэдэгдэл хүргүүлжээ.

Тус мэдэгдэлд "Чингэлтэй дүүргийн нэгдүгээр хороо, Жигжиджавын гудамж, “Монголын цахилгаан Холбоо” ХК-ний барилгын зөвшөөрөлгүй өргөтгөлүүдийг буулгаж нийтийн эзэмшлийн гудамж талбай явган зам гаргах талаар хугацаатай мэдэгдэх хуудсыг хүргүүлж байгааг дурдаад зөрчлөө арилгаж, газраа чөлөөлөөгүй тохиолдолд албадан буулгах арга хэмжээ авах"талаар дурджээ.

Э.БУРАМ