У.Хүрэлсүх: Усны асуудал хариуцсан агентлаг байгуулна | News.MN

У.Хүрэлсүх: Усны асуудал хариуцсан агентлаг байгуулна

Хуучирсан мэдээ: 2018.10.26-нд нийтлэгдсэн

У.Хүрэлсүх: Усны асуудал хариуцсан агентлаг байгуулна

У.Хүрэлсүх: Усны асуудал хариуцсан агентлаг байгуулна

Монгол Улсад усны салбар үүсэж хөгжсөний 80 жилийн ой тохиож байна. Тус салбарын баярын хуралд Монгол Улсын Ерөнхий сайд У.Хүрэлсүх оролцон, амьдралын эх булаг усаа хайрлан хамгаалах, зүй зохистой ашиглах их үйлсэд сэтгэл зүрх, хүч хөдөлмөрөө зориулж ирсэн усны салбарын үе үеийн эрдэмтэн судлаачид, нийт ажилтан, алба хаагчдад түүхт 80 жилийн ойн халуун мэндийг өргөн дэвшүүллээ.

Монгол Улс түүхэндээ хоёр удаа Усны аж ахуйн яамтай байсан. Усны салбарын төрийн захиргааны төв байгууллагатай байх үед усны салбарт баримтлах бодлогын томоохон баримт бичгүүдийг гаргасан. Тухайлбал, 1965 онд Ардын Их Хурлын Тэргүүлэгчдийн 69 дүгээр зарлигаар Бүгд Найрамдах Монгол Ард Улсын “Ус ашиглалтын хууль”-ийг анх тусгайлан баталж байсан.  Мөн 1971-1975 онд “Бүгд Найрамдах Монгол Ард Улсын усны нөөцийг нэгдмэлээр ашиглах ба хамгаалах ерөнхий схем” гэсэн дөрвөн боть ном гаргаж байжээ.

1990 оноос хойш усны салбар эзэнгүйдэж байсан бол 2004 онд батлагдсан Усны тухай хуулиар усны асуудлыг Байгаль орчны асуудал эрхэлсэн Төрийн захиргааны төв байгууллагад хамааруулж, улмаар 2004 онд тухайн үеийн Байгаль орчны яамны харьяа Усны хэрэг эрхлэх газрыг байгуулж байсан түүхтэй.

Харамсалтай нь, Монгол орны усны салбарын бодлогыг нэгтгэн зангидаж байсан Усны агентлагийг 2012 онд татан буулгаснаар Монгол орны усны бодлогын асуудал нь Байгаль орчин, аялал жуулчлалын яамны газрын түвшинд зохион байгуулагдаж, үйл ажиллагаагаа явуулж байна гэдгийг Ерөнхий сайд тэмдэглэлээ.

Монгол орны усны салбарын өмнө тулгарч буй томоохон асуудлууд, цаашид хэрэгжүүлэх ёстой төрийн бодлого зорилтуудын цар хэмжээтэй усны байгууллагын одоогийн бүтэц, зохион байгуулалт нь дүйцэхгүй байна гэж манай нэр хүнд бүхий эрдэмтэн судлаачид дүгнэж байна.  Иймд усны асуудал эрхэлсэн бие даасан агентлаг байгуулж ажиллуулах ёстой гэсэн эрдэмтэн судлаачид, тус салбарын мэргэжлийн хүмүүсийн саналыг Монгол Улсын Ерөнхий сайдын хувьд би бүрэн дэмжиж байна гэж хэлээд агентлаг байгуулах асуудлыг судалж, Засгийн газрын хуралдаанаар хэлэлцүүлэхийг Байгаль орчин, аялал жуулчлалын сайд Н.Цэрэнбатад үүрэг болголоо.

Монгол Улсын Засгийн газар цаашид Усны бодлогын асуудлыг тэргүүлэх чиглэлээ болгон ажиллахыг зорьж байна.

Өнгөрсөн есдүгээр сард Монгол Улсын Засгийн газар, АНУ-ын Мянганы сорилын сантай Улаанбаатар хотын усан хангамжийн эх үүсвэрийг сайжруулах зорилт бүхий 350,0 сая ам.долларын томоохон үнийн дүн бүхий гэрээг байгууллаа.

Энэхүү төслийг амжилттай хэрэгжүүлснээр Монгол Улсын хүн амын 50 гаруй хувь нь оршин сууж байгаа Улаанбаатар хотын цэвэр усан хангамжийн эх үүсвэр нэмэгдэхийн зэрэгцээ, саарал усыг дахин ашиглах нөхцөлийг бүрдүүлэх болно гэж Ерөнхий сайд У.Хүрэлсүх хэллээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Эх сурвалж: ZASAG.MN

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-26 182.160.2.28

хжил хий гэхээр орон тоо нэм гээд байх юм. Ер нь манай ЕС ямар ажил хийгээд байга. Усны газар хэрэгтэй юм бол эхлээд Байгаль орчны яамаа эхлээд татан буулгаад усны газар төдийгүй яам ч байгуулсан яадаг юм. БОЯ усаа, ой мод хөрс шороо, ан амьтан газар усаа хамгаалахгүй юм бол ямар хэрэгтэй юу хийдэг яам бэ?

Avatar

xy/ni 2018-10-26 67.176.25.220

chadgyi xyneep i bapitsaalj bn shdee.

Avatar

Зочин 2018-10-26 67.176.25.220

yab/xy/yc bolioochee

Avatar

yagaad gadnii xamaapald opood baidag yum bee,ycaa mllj chadgyi bainyy,yaj xelyyl oilgox um bee,2,3 daxin yneep zapj bna 2018-10-26 67.176.25.220

Өнгөрсөн есдүгээр сард Монгол Улсын Засгийн газар, АНУ-ын Мянганы сорилын сантай Улаанбаатар хотын усан хангамжийн эх үүсвэрийг сайжруулах зорилт бүхий 350,0 сая ам.долларын томоохон үнийн дүн бүхий гэрээг байгууллаа.

Avatar

Зочин 2018-10-26 67.176.25.220

ycnii bodlogod anxaapal tabix tsag boljee,xamaapalgyi tyc tycdaa baixya gebch

Avatar

Айгүй л бол өөрөө ч шaacaн байх өө 2018-10-26 120.16.125.207

Хэрэггүйдээ топор минь тэр ЖДҮ ЭЭС ЗЭЭЛ АВСАН УЛС ТӨРЧИД ӨӨ ЗАЙЛУУЛ… МОНГОЛЫН АРД ТҮМНИЙГ ШУЛЖ ХАНАХГҮЙ БАЙНА УУ? ТАТВАР ТӨЛӨГЧДИЙН МӨНГИЙГ 1 ХУВИЙН ЗЭЭЛ АВААД ЭРГҮҮЛЭЭД АРДУУДДАА 30-40 ХУВИЙН ЗЭЭЛ БОЛГОЖ БОГТЛОХ ЧИНЬ МӨНГӨ УГААХ ГЭМТ ХЭРЭГ МӨН БИЗ ДЭЭ???

NewsMN Гар утасны хувилбар Татах
NEWS.mn

Мэдээллийн эх сурвалж