Хотын дарга аа, одоо гэр хорооллыг цэгцэл | News.MN

Хотын дарга аа, одоо гэр хорооллыг цэгцэл

Хотын дарга аа, одоо гэр хорооллыг цэгцэл

Хотын дарга аа, одоо гэр хорооллыг цэгцэл

Хууль зөрчин  явган хүний зам булааж, хашаа хатгасан, өргөтгөл барьсан аж ахуйн нэгжээс газрыг нийтийн эзэмшилд буцаан авах ажил Улаанбаатар хотын төв хэсэгт эрчтэй үргэлжилж байна. Хамгийн сүүлд буюу өчигдөр /2018.10.25/ Шүүхийн шийдвэр гүйцэтгэх ерөнхий газрын харьяа "Сүлд" спорт хорооны үүдэн хэсэгт барьсан байсан өргөтгөлийг албадан буулгажээ. Нэг үеэ бодвол нийслэлийн төв хэсэг эмх цэгцтэй болж, явган хүний зам талбай ч овоо нэмэгдлээ. Одоо хотын дарга аа, гэр хорооллыг цэгцлэхэд анхаарлаа хандуулж ажиллаач…

Замбараагүй газар олголт, мөн дур мэдэн хашаа хатгасан, хашааны газраа өргөтгөсөн зэргээс үүдэлтэйгээр иргэдэд цаг алдалгүй хүрэх ёстой төрийн шуурхай үйлчилгээ мухар гудамжнаас болж, саатаж байна. Хэчнээн иргэн мухар гудамжнаас болж, амиа алдаж, эрэмдэг зэрэмдэг болсныг өнөөдөр хэлэхэд бэрхтэй ч хамгийн сүүлд таван алтан амь галд үрэгдлээ. Тодруулбал, энэ сарын 24-ний үүрээр нийслэлийн Сонгинохайрхан дүүргийн V хороо, Баянголын 14 дүгээр гудамж буюу Ханын материалын хуучин эцсийн автобусны буудлаас ердөө 100 хүрэхгүй метрийн зайд айлын хашаа түрээсэлж амьдардаг байсан нэгэн гэр бүл галд амиа алдав. Болсон явдлыг харсан гэрчүүдийн хэлж буйгаар гудамжны орц, гарц хэтэрхий нарийн байсан тул галын машин орох гэж цөөнгүй минут авч, тэр хооронд гэр юу ч үгүй шатжээ. Хэрэв галын машин саадгүй нэвтэрсэн бол тэднийг аварсан ч байж мэднэ. Галд шаталгүй үлдсэн зарим тавилга тэднийг аврах байжээ гэсэн харууслыг төрүүлсээр…

Оршин суугчийн яриагаар энэ хавийн айлууд бүгд дур мэдэн хашаагаа сунгаснаас орц гарцуудыг хаажээ. Хэдэн жилийн өмнө уг хорооны нэгэн гудамжинд төслийн зуух дэлбэрч онцгой байдлын албаныханд дуудлага өгөхөд айл руу машинтайгаа нэвтрэх гээд чадаагүй. Арга буюу авто зам дээр гал унтраах машинаа зогсоогоод шаланкаа сунгаж, галыг унтрааж байжээ. Уг нь анх хороо байгуулагдахад гудамж бүр өргөн, хаанаас нь л бол хаанаас том машинтай нэвтрэх бүрэн бололцоотой байсан аж. Арван жилийн өмнө ч цэлийсэн гудамжтай байсныг оршин суугчид нь санууллаа. Харин нийслэлийн Сонгинохайрхан дүүргийн Газрын албанаас өгсөн мэдээллээр төв замаасаа шууд орох боломжтой хэсгийг “Эверест” хүнсний дэлгүүр хашаалснаас болж, машин нэвтрэх боломжгүй болжээ.

Хашаа хороогоо дур мэдэн зөвшөөрсөн хэмжээнээс хэтрүүлж сунгадаг, өөрсдөө л болж байвал өрөөл бусад нь хамаагүй гэсэн хандлагаар ханддаг энэ мэт зөрчлөөс болж, онцгой байдлын албаныхан зарим тохиолдолд хашааг буулгаж, гал унтраахаас аргагүй тохиолдлуудтай ч олонтаа тулдаг байх юм.

Мөн 103-ын түргэн тусламжийн эмч нар ч мухар гудамжийг тойрч явсаар цаг алдсан жишээнүүд олон байдаг. Үүнээс гадна өөрсдийнхөө амь насыг үл хайрлан эрчим хүчний шугам сүлжээний доор, үер, жалгын ам, мөн хориглосон зай талбайг хэтрүүлэн хашаа хатган амьдардаг иргэд Улаанбаатар хотод олон бий.

Эцсийн дүндээ болзошгүй эрсдэлээс хамгаалахын тулд нүүх шаардлага тавихаар хүлээж авалгүй 10, 20 хэдэн жил амьдарч байгаа хэсэг бүлэг арми ч бий болжээ. Хожмын өдөр харуусаж суухгүйн тулд төр эдгээр асуудлыг цэгцлэх цаг нь иржээ. Ингэхийн тулд “Явган хүний замыг чөлөөлье” аяныг гэр хороолол рүү чиглүүл… Ганц нийслэлийн Газрын алба энэ ажил руу орж ажиллах бус онцгой, эрчим хүчний салбар, дүүрэг, хороо гээд энэ бүгдийн оролцоотойгоор эрсдэлтэй нөхцөлд амьдарч байгаа өрх айлуудын судалгааг дахин шинэчлэн гаргаж, иргэдийг оролцуулаад далайцтай нэг ажиллаад үзээч… Эцсийн дүндээ хүний алтан амь газраас үнэтэй шүү дээ.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
1
ХахаХаха
1
ХарамсалтайХарамсалтай
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-26 66.181.177.232

Хуучин хичнээн замбраатай байлаа. \n цэгцтэй том гудамжтай дээрээс авсан зураг байдаг даа.

Avatar

Зочин 2018-10-26 66.181.161.85

Гэр хороолол арай дэндлээ. Одоо арга хэмжээ авахад оройтоогүй. Муухай нарийн гудмууд нь өвөл угаадсаар битүү хөлдөөд коток болоод гээд ярьвал их юм бий

Avatar

Khan uul 2018-10-26 103.26.193.96

Khan uul duurgiin 1 r horoonii 120 myangatiin tsever usnii shugamaa solij shinechleechee. Munkhiin zebtei, zev unetsen us hereglej bn. Aldarjavkhlan dargaa anhaaraldaa avch hurungu oruulaltiin tuluvluguunduu tusgaache?

Avatar

Irgen 2018-10-26 202.131.225.150

Hot iin darga ogtsorvol taarah yum aa

Avatar

ok 2018-10-26 64.119.26.161

хөөрхийдээ, бид ч арчаагүй байнадаа, тэнгэр заяат монголчууд бид төрийн толгойдоо авилгалчид, тэдний үр удмыг залаад байхаар чинь энгээд эхнээсээ авахуулаад чадраад байнаа, зөвхөн энэ айлын асуудал биш, бүх монголчуудын хэн нэгэн дараагийн ээлжинд ингэхгүй гэсэн баталгаа алга байнадаа, тэр төсөв дандаа хамаатан садандаа мөнгө зээлүүлсэн , юу гэж хэлэхэв, бид яагаад , ой гутамаар хүмүүсээ бид толгой дээрээ залаад байна, бүгдийн устгуул таарна

Avatar

Зочин 2018-10-26 158.208.192.248

Ум сайн амагалан болтугай. М.Энхболд тэргүүтэй үеийн үеийн хотын дарга нарын хүн алсан нүгэл зузаарсаал байна даа.

Avatar

Зочин 2018-10-26 182.160.32.72

эхлээд ТҮЦ хотын төмөр хашаа зам талбайг цэгцэл. байшин болгон төмөр сараалжин хашаатай ийм тэнэг хот өөр улсад байхгүй… дараа жил гэр хорооллыг

Avatar

zochin 2018-10-26 202.179.27.156

gertee chataj ucheed baichuu ?? chotiin dargaaaa?,

Avatar

цул 2018-10-26 202.179.27.95

Гэр хорооллоос дор орчихсон Баянмонгол хорооллын орчмын олон хорооллыг цэгцэлж ганц нарийн замын түгжирлийг бууруулах арга хэмжээ аваачээ. Мээрээ. Хүннүгийн нарийн гудамжнаас Цэцэрлэгт хүрээлэнгийн арын гудамжтай холбох хөндлөн хэд хэдэн машины зам гаргахад анхаарахгүй бол хэдэн зуун хүний амь сүйдэх аюул ирж болзошгүй байгаа шүү УИХын гишүүн Э гуай.

Avatar

Зочин 2018-10-26 66.181.164.171

Монголчууд нэг нэгнээ эрээ цээргүй доромжлодог болж хуулийн хариуцлага гэж байна уу Энэ Улсад

Avatar

Зочин 2018-10-26 202.70.47.134

Маш зөв санал. Олон нуурын хотгор шиг шалбааган гудамжуудад хайрга асгаад тэгшээд өгөөчдээ

Avatar

Зочин 2018-10-26 103.87.255.42

санал хүсэлтийг ub1200.mn сайтад гаргаж болно

Avatar

Зочин 2018-10-26 202.131.245.243

Г.ХОРОЛ Хотын даргад шууд тушаал буулгаад л, айн? ккккккккккк

Avatar

ZOCHIN 2018-10-26 46.223.38.243

g*** gesen uu ene darga n

Avatar

Зочин 2018-10-26 183.81.171.2

Хуцна биз. 3 сайхан хүүтэй, ач охинтой хүн шүү.

Avatar

ZOCHIN 2018-10-26 202.21.96.212

odoo g*** bolsoon

Avatar

Зочин 2018-10-26 202.126.89.74

г*** байсанч яадын, харинч бараг г*** учраас сайн ажиллаад нарийн ширийн ажил хийгээд байгаам бишүү? Хэн ингэж явган зам гАргаж өгч байсан юм өмнөх хэдэн засаг даргын?! Сайн байгаа, гэр хороолол руу өнгийх нь ч бас зөв

NewsMN Гар утасны хувилбар Татах
NEWS.mn

Мэдээллийн эх сурвалж