Дуучин болох мөрөөдөлдөө хөтлөгдөн, ковер дуулдаг залуус олон байдаг. Тэгвэл хүсэл мөрөөдөлдөө үнэнч ковер дуучдыг “Син энтертайнмэнт”-ийн хамт олон нэгтгэж байгаа ажээ. Тус энтертайментийнхэн одоогийн байдлаар 20 гаруй ковер дуучдыг эгнээндээ элсүүлээд байгаа бөгөөд олны танил дуучид хүртэл багтсан гэнэ.

Залуу уран бүтээлчдийг дэмжих зорилготой тус студийн хамт олон 2014 оны арванхоёрдугаар сарын 25-нд “Brauhaus” нэртэй ковер жазз тоглолтоо хийсэн бол тэдний дараагийн тоглолт нэгдүгээр сарын 28-нд “The embassy” ресторанд болно.

“Син энтетаймент”-ийнхэн цаашдаа залуу уран бүтээлчдийг түлхүү дэмжин ажиллах бөгөөд жазз ковер үдшийг хөгжим сонирхогчиддоо тасралтгүй хүргэсээр байх болно гэдгээ хэлж байсан юм.

Э.ТЭКҮ