Сэлэнгэ аймгийн Алтанбулаг суманд сургалтын үеэр ашиглаж байсан ОХУ-ын байлдааны  СУ-27 онгоц унасан гэх албан бус мэдээлэл цахим хуудаснаа өнөөдөр /2018.10.25/цацагдсан юм.

Гэхдээ энэхүү мэдээлэл нь албан эх сурвалжаар батлагдсангүй. Учир нь дээрх хэргийг тодруулахаар  Онцгой байдлын ерөнхий газартай холбогдож тодруулахад “Онгоц унасан гэх дуудлага ирээгүй” гэх мэдээлэл өглөө. Харин Сэлэнгэ аймгийн цагдаагийн газар “Сумын төвийн дэргэдэх хогийн цэг дээр дугуйны хар хаймар шатаасан гэсэн. Тэр нь маш их дүрэлзэж гал гарсан юм билээ. Бодвол тэрийг тэгж ойлгосон юм болов уу даа” гэх хариулт өгсөн юм.

Э.БУРАМ