Хятад, Японы харилцаа шинэ шатанд гарна

Хуучирсан мэдээ: 2018.10.24-нд нийтлэгдсэн

Хятад, Японы харилцаа шинэ шатанд гарна

Хятад, Японы харилцаа шинэ шатанд гарна

Японы ерөнхий сайд Шинзо Абэ аравдугаар сарын 25-аас 27-ны өдрүүдэд БНХАУ-д албан ёсны айлчлал хийх гэж байна. Одоогоос 40 жилийн өмнөх аравдугаар сард Хятад-Японы энх тайван, найрамдлын гэрээ хүчин төгөлдөр болж байсан билээ. Японы ерөнхий сайд сүүлийн долоон жил Хятадад айлчлаагүй бөгөөд энэ удаагийн айлчлалын үр дүнд хоёр талын тогтвортой харилцааг хөгжүүлэх тухай ярилцаж, хоёр орны харилцааг шинэ түвшинд гаргана хэмээн шинжээчид үзэж байна.

Айлчлалын үеэр сард Хятад-Японы энх тайван, найрамдлын гэрээ байгуулагдсаны 40 жилийн ойд зориулагдсан арга хэмжээг зохион байгуулах юм байна. Хоёр улсын харилцааг цаашид гүнзгийрүүлж, тогтвортой, харилцан ашигтай харилцааг цаашид хадгалах нь хоёр улсын нийгэм, эдийн засгийн хөгжилд төдийгүй ард түмэнд тустай үйл хэрэг болох юм.

Хөгжлийн шинэ шатанд гарч буй Хятад, Япон улсуудын аль аль нь сорилт, боломжуудтай тулгарч байгаа бөгөөд хоёр улсын эдийн засаг нь бие биеэ нөхөхүйц, хамтын ажиллагааны асар том боломжийг тээж байгаа билээ.

2017 онд хоёр улсын худалдааны эргэлт 300 тэрбум ам.долларт хүрсэн нь хоёр талын харилцан ашигтай хамтын ажиллагааны үр дүн юм. Тэдний хувьд цаашид байгаль хамгаалал, шинжлэх ухаан, технологи инноваци болон хүн амын хөгшрөлтийн асуудалд хамтран ажиллах нийтлэх сонирхол байгаа билээ.

Японы “Ниппон экспресс” болон тээвэр логистикийн томоохон компаниуд Хятадын “нэг бүс нэг зам” санаачилгын хүрээнд хамтын ажиллагааны гэрээ байгуулаад байгаа билээ.

“Уулзалтын үеэр өнгөрсөн 40 жилийн харилцаанд гарсан ололт амжилт, алдаа дутагдлуудаа үнэлэн үзэж, хоёр орны харилцааг шинэ шатанд гаргана” хэмээн Хятадын Синьхуа агентлаг мэдээлсэн байна.

Эх сурвалж: Синьхуа агентлаг

Ө.ПҮРЭВХҮҮ

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж