Монгол гэр бүлийн талаас илүү нь харилцааны маргаантай | News.MN

Монгол гэр бүлийн талаас илүү нь харилцааны маргаантай

Монгол гэр бүлийн талаас илүү нь харилцааны маргаантай

Монгол гэр бүлийн талаас илүү нь харилцааны маргаантай

Одоогоор Монгол Улсад 885.6 мянган өрх бий. Судалгаагаар нийт гэр бүлийн 68.4 хувь нь харилцааны маргаантай байдаг байна. Гэр бүл салалтад хүргэдэг олон шалтгааны нэг нь гэр бүлийн маргаан. Сонирхуулахад, Монголд гэр бүл салалт 1970 оныхоос дөрөв дахин нэмэгджээ. Тухайлбал, 2017 онд 20470 хос гэрлэлтээ бүртгүүлж 3945 хос гэрлэлтээ цуцлуулсан байна. Сонирхолтой нь салсан гэр бүлийн 51.6 хувь нь гэрлээд 10-аас дээш жил, 26.5 хувь нь 7-9 жил болсон байх юм. Ингээд салалтаас шалтгаалан өрх толгойлсон аав, ээж нарын тоо нэмэгддэг. Өнгөрсөн жилийн байдлаар Монголд 97499 хүн өрх толгойлон амьдарч байна. Үүний 78.9 хувь нь эмэгтэй, 21.1 хувь нь эрэгтэй аж. Түүнчлэн өрх толгойлсон гэр бүлийн 42 хувь нь хоёроос дээш хүүхэдтэй байгаа нь эрсдэлт нөхцөлд амьдарч байгаа хүүхдийн тоог нэмж байна.

Холбогдох байгууллагууд Монголын гэр бүлийн өнөөгийн байдал, тулгамдаж буй асуудалд судалгаа явуулжээ. Судалгаанд 21 аймаг, есөн дүүргийн 42970 өрхийг хамруулсан байна. Судалгаагаар гэр бүл салалтад нийгэм, эдийн засгийн байдал, сэтгэл гутрал, стресс зэрэг сэтгэл зүйн байдал, хүчирхийлэл, архидалт, эрүүл мэнд буюу хөгжлийн бэрхшээлтэй хүнийг гэр бүлийн гишүүн нь насан туршдаа асрах шаардлага тулгадаг зэрэг нь нөлөөлж байна. Тухайлбал, судалгаагаар нийт өрхийн 29.6 хувь нь ядууралд өртсөн байна. Стандартын дагуу монгол хүн хоол тэжээлээс өдөрт 2900 ккал авах ёстой байтал ядуу өрхийн гишүүд 1784 ккал авдаг аж.

Түүнчлэн гэрлэлт цуцлалтын улмаас хүүхдийн тэтгэлэг төлөгчдийн 89.1 хувь нь тэтгэлгээ төлдөггүй ажээ.

Мөн судалгаагаар гэр бүлийн харилцаанд анхаарах шаардлагатай гэж үзжээ. Харилцаа хөндийрснөөр хүүхдэдээ тавих анхаарал багасч, гэр бүлийн маргаан, хүчирхийлэл, салалт бий болох үндэс тавигддаг ажээ.

Монголын гэр бүлийн өнөөгийн байдал ийм байгаа тул гэр бүлийн боловсрол олгох, зөвлөгөө өгөх үйлчилгээ зайлшгүй шаардлагатай байгаа юм. Өөрөөр хэлбэл, гэр бүлд чиглэсэн үйлчилгээний дэд бүтцийг буюу гэр бүлд мэргэжлийн үйлчилгээ үзүүлэх төвүүд бий болгох, үүнд төрийн бус байгууллагуудыг татан оролцуулах шаардлага тулгараад байгаа юм. Тиймээс энэ үйлчилгээг хөгжүүлэхэд анхаарч, Гэр бүлийн тухай хуулийн шинэчилсэн найруулгад тусгахаар Гэр бүл,  хүүхэд, залуучуудын хөгжлийн газар ажиллаж байгаа ажээ.

"Болор дуран"-аар шалгав.
Энэ мэдээнд өгөх таны сэтгэгдэл?
5
ХарамсалтайХарамсалтай
2
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-24 66.181.176.141

Таарах таарахгүй 2 хүн нийлж сайхан амьдрана гэж хийсвэрлэж мөрөөдөөд л хүүхэд төрүүлчихдэг. Тэгээд таарахгүй болохоор хүүхэд хохирогч болох гээд бдаг. энэ хоёрхон хүний хариуцлаггүй шийдвэрээс хүүхэд гэх хүмүүсийн хүн болох төлөвшил, ирээдүй амьдрал хамаарах нь зөв үү? Ихэнхдээ амьдралын туршлаггүй хоёр хүн нийлж аз таарсан тун цөөн нь гайгүй тохирч, ихэнхи нь зовлонгоо нууж түүндээ дасан зохицож амьдардаг. Бүгд л ингэж амьдардаг гэж өөрсдийгөө тайвшруулж тэвчиж амьдарсаар насыг барах.гэр бүл

Avatar

Зочин 2018-10-24 66.181.176.141

Туршлагагүй 2 залуугын хуумгай шийдвэрээр бий болж, сарниж бутарч байдаг гэр бүл гээч тоглоомын бүтцыг өөрчилж арай хариуцлагатай, хоёрхон залуугаас хамаарч
Сарниж бутраад байдаггүй арай томхон бүтэцтэй болгомоор. Ер нь дангаараа бгаа хос залуусыг эхэлж бүртгүүлж жирэмслэхээс нь сэргийлж хэсэг байлгаад том гэр бүлтэй болж хэсэг байсных нь дараа хүүхэд өсгөх чадамжтай болчод гэр бүлээрэ төлөвлөж төрүүлсэн хүүхэд эрсдэлээс өнчрөлөөс хол/олон хүнээс 1 холдоход тийм хүнд тусахгүй гм

Avatar

Нэргүй 2018-10-24 122.201.17.100

Монгол хүний сэтгэлгээнд өөрчлөлт хийх шаардлагатай. 1990 оноос хойш төрсөн хүүхдүүдэд гэр бүлийн хүмүүжил гэж огт байхгүй. Энэ үеээс хүмүүжил доголдож ирсэн хүүхдүүд одоо гэр бүл болж, хүүхэдтэй болж байна. Ямарч хүмүүжил, хүн чанар, ёс суртахуун байхгүй аав ээжээс бас л тийм хүмүүжилтэй хүүхдүүд төрнө шүү дээ.

Монголын нийгэм, бага боловсролын системийг үндсээр нь өөрчлөхгүй бол багаасаа болохгүй бүтэхгүй зүйл харж өссөн хүн тийм л болно шүү дээ.

Avatar

Zochin 2018-10-24 202.9.41.102

Erchuudiig n zorchiliin huuliar bugdiig n barij horiod bgaa yum chin salalgui yahav

Avatar

хммм 2018-10-24 203.91.114.244

үндэсний гамшиг болж байна даа. Улс орон гэр бүлээс эхтэй шүү дээ. Тал нь гэрлэлтээ цуцлуулна гэж юу гэсэн үг вээ.

Avatar

Ардчилсан холбоо 2018-10-24 2.136.17.240

АРДЧИЛАЛ гэдэг чинь энэ шүү дээ

NewsMN Гар утасны хувилбар Татах
NEWS.mn

Мэдээллийн эх сурвалж