Улаанбаатар хотын Замын цагдаагийн газарт зам тээврийн ослын 231 дуудлага бүртгэгдсэн байна. Үүнээс хөдөлгөөний аюулгүй байдлыг зөрчсөн хэрэг ес гарч,  14 хүн хүнд, хөнгөн гэмтсэн байна.

Мөн согтууруулах ундааны зүйл хэрэглэсэн үедээ тээврийн хэрэгсэл жолоодсон 69 жолоочийг журамлан гарч болзошгүй осол хэргээс урьдчилан сэргийлж ажиллажээ. Тухайлбал, Баянгол дүүрэгт "Орхон" худалдааны төвийн гарцан дээр марк дугаар нь тодорхойгүй  авто машинд явган зорчигчийг мөргөж гэмтээгээд ослын газрыг  орхиж зугтсан байна. Жолооч нар зам тээврийн ослын газрыг орхих, гэмтсэн хүнд эмнэлгийн тусламж үзүүлээгүй явснаараа өөрийгөө хүндрүүлэх нөхцөлд хүргэж эрүүгийн хариуцлага хүлээдэг. Мөн осол гаргасан жолооч нь хэргийн газрыг орхиж явсан жолооч өөрийн сайн дураараа цагдаагийн байгууллагад ирсэн тохиолдолд тухайн ослыг хөнгөрүүлж авч үздэг тул жолоочийн болон иргэний үүргээ биелүүлэхийг  Замын цагдаагийн газраас анхааруулж байна.

Д.ЖАРГАЛ