Туркийн тусламжтайгаар Баян-Өлгий аймгийн Ногооннуур сумын нутаг дэвсгэрт Тавалтайн хавцал гэх газарт усан цахилгаан станц барихаар болжээ. Энэхүү цахилгаан станцын  ТЭЗҮ-г Туркын “ZTM” компани  боловсруулж дуусчээ.

Баруун гурван аймгийн усны эрчим хүчний нөөц бололцоог тодорхойлох, цаашид ашиглах чиглэлээр энэхүү ТЭЗҮ-г боловсруулсан байна. Туркийн тал дэвшилтэт технологи ашиглан 88.7 МВт хүчин чадалтай УЦС байгуулах боломжтой хэмээн үзэж байгаа аж.   “ZTM” компани нь Баян-Өлгийн аймгийн Ховд гол дээр УЦС байгуулах ажлыг Монгол Улсын Концессын тухай хуулийн дагуу “барих ашиглах шилжүүлэх” нөхцөлтэй гүйцэтгэх сонирхолтой байгаагаа уулзалтын үеэр дуулгасан байна.

О.САР