Автомашинаас төлбөр авах асуудлыг судалж байна | News.MN

Автомашинаас төлбөр авах асуудлыг судалж байна

Автомашинаас төлбөр авах асуудлыг судалж байна

Автомашинаас төлбөр авах асуудлыг судалж байна

УИХ-ын Эдийн засгийн байнгын хороо өнөөдөр /2018.10.23/ хуралдлаа. Хуралдаанаар Монгол Улсын 2019 оны төсвийн тухай, Нийгмийн даатгалын сангийн 2019 оны төсвийн тухай, Эрүүл мэндийн даатгалын сангийн 2019 оны төсвийн тухай хуулийн төслүүдийн хоёр дахь хэлэлцүүлгийг хийв.


Хэлэлцэх асуудалтай холбогдуулан Хөдөлмөр нийгмийн хамгааллын сайд С.Чинзориг танилцуулга хийв. Тэрбээр “Засгийн газар ирэх онд эдийн засгийн өсөлтийг эрчимжүүлэхээр цахим, ил тод, үр ашигтай төсвийг хэрэгжүүлэхээр төлөвлөөд байна. Энэ бодлогын хүрээнд эдийн засгийн өсөлтийг дэмжиж, төсвийн сахилга батыг тууштай үргэлжлүүлэх замаар төсвийн алдагдлыг бууруулж, өрийн дарамтыг багасгах, экспортод гарч буй эрдэс баялгийн бүтээгдэхүүнийг цогцоор нь шийдвэрлэж, төсвийн орлогыг нэмэгдүүлэх, бизнесийн орчныг дэмжсэн татварын орчныг бий болгох зэрэг үйл ажиллагааг хэрэгжүүлнэ. Үүний үр дүнд Монгол Улсын нэгдсэн төсвийн тэнцвэржүүлсэн орлого 9.6 их наяд, зарлага 11.5 их наяд байхаар тооцоолсон” гэсэн юм.

Ийнхүү танилцуулга хийсний дараа төсөвтэй холбоотой асуудлаар гишүүд асуулт асууж, байр сууриа илэрхийлэв.

УИХ-ын гишүүн Л.ЭНХ-АМГАЛАН:

-Засгийн газраас төсвийн төсөл дээр өгч байгаа хариултууд хариуцлагатай баймаар байна. Буруу мэдээлэл өгсөн төрийн албан хаагчтай хариуцлага тооцох шинэ дэг үйлчилж эхэлсэн. Төсвийн асуудал хэлэлцэхэд тойрог тойрсон төсөв, тулга тойрсон мөнгөний бодлого ярихаа болимоор байна. Эдийн засгийн өсөлт 8 хувь, 43 сая тонн нүүрс экспортолно гэсэн байгаа. Энэ нүүрсийг хаагуур яаж тээвэрлэх гээд байгаа юм. Боомтын хүчин чадал чинь хэрээсээ хэтрээд байна. Нүүрс тээвэрлэж байгаа цуваа нь 100 гаруй км болсон. Ингэж нүүрс экспортолдог орон байдаг юм уу. Эдийн засгийн асуудалд бодитой ярих хэрэгтэй. Алт, зэсийн үнийг хэрхэн тогтоосон бэ. Төмөр зам ирэх онд баригдах нь уу?

Сангийн сайд Ч.Хүрэлбаатар:

-Зэс, алтны үнийг ОУВС-гийн гаргадаг тоогоор төсөвлөдөг. Төсвийн хүрээний мэдэгдлийг хийж байхад зэсийн үнийг 7250 ам.доллар орчмоор оруулсан. Гэтэл төсөв өргөн барих үед 1000 ам.доллараар буулгаж, 6270 ам.доллараар тооцсон.

Нүүрсний экспорт 2018 оны эхний дөрвөн сард маш муу гарсан. Учир нь Ерөнхийлөгчийн сонгуулийн үеэр урд хөршийн талаар таагүй яриа үүссэн, мөн далай ламын айлчлалтай холбоотой таагүй асуудал үүссэнээс нүүрс тэнд олигтой гараагүй. Дараагаар нь Ерөнхий сайд У.Хүрэлсүхийн БНХАУ-д хийсэн айлчлалын үр дүнд нүүрсний хэмжээ эрс нэмэгдсэн.

Эрчим хүчний сайд Ц.Даваасүрэн:

-Бид УЦС-ыг хоёр гараа өргөөд дэмжиж байгаа. Нар, салхины станцын хувьд асуудал байна. Оройн цагаар нар салхины станц зогсдог. Бидний өөрсдийн эх үүсвэрийн тогтвортой байдлыг хангаж байгаа нь ОХУ-аас авч байгаа 240 мвт-ын эрчим хүч. Манай систем эх үүсвэрийн тодорхой хэмжээний дутагдалтай байгаа. Бусад орны хувьд хурдан горимд шилждэг хийн, усан цахилгаан станц байдаг. Манайх трубинээр 5-6 цаг болж байж эрчим хүчээ авдаг. Сүүлийн үед бусад улс орнууд батериа хуримтлал руу шилжиж байгаа. 100 мвт-ын батарей хуримтлалтай бол манай систем найдвартай болно.

“2018 онд баригдсан төмөр зам  байхгүй. Суурь бүтцийн асуудлаар нефть боловсруулах үйлдвэрийн чиглэлд  Сайншанд-Алтанширээгийн чиглэлд хийгдэж байгаа. Уул уурхайн экспортын чиглэлээр   Нарийнсухайт-Шивээхүрэнгийн чиглэлд 46.2 км төмөр зам баригдах бичиг баримт бүрэн болсон. Маргааш Засгийн газрын хуралдаанд төмөр замын царигийн асуудал оруулна гэж ЗТХЯ-ны ажлын хэсэг мэдээллээ.

УИХ-ын гишүүн Б.БАТТӨМӨР:

-Төсвийг төлөвлөхөд зөвлөгөө өгдөг хоёр ч байгууллага байдаг юм байна. Энэ байгууллага дэлхийн 100 гаруй оронтой хамтарч ажилладаг юм байна лээ. Бид ч бас хамтарч ажиллавал ямар вэ.

Ирэх онд 43 сая тонн нүүрс гаргана гэж тооцжээ. Баялгаа үнэ хүргэж худалдаалах тал дээр ямар арга хэмжээ авах вэ. Хоёрт, нийслэл хотод хүн амын 30 хувь нь оршин сууж байна. Гэтэл Улаанбаатар хот хуучин машины цуглуулга боллоо, түгжрэл хэрээс хэтэрч байна. Иймд дагуул хот байгуулах ажил хэр ахицтай байна вэ?

Сангийн сайд Ч.Хүрэлбаатар:

-Засгийн газраас Гашуунсухайт боомтоор гарч байгаа нүүрсэн дээр шалгалт хийсэн. Энд хулгай байгаа. Хоёрт, Монгол Улсын баялаг ямар нэгэн хяналтгүйгээр гарч байгаа. Тиймээс ямар сорьцтой, хэр хэмжээний байгалийн баялаг гарч байна вэ гэдгээ мэддэг болохын тулд Монгол Улсын зургаан боомтод бүрэн шинэчлэл хийх хөрөнгийг ирэх оны төсөвт суулгасан.  Дээрх зургаан боомтод рентген аппарат суулгаж, дөрвөн боомтод нефть бүтээгдэхүүнийг шинжлэх лаборатори байгуулахаар төлөвлөж байна.

Хотын түгжрэлийг бууруулахын тулд эдийн засгийн аргаар тэмцэхээс өөр арга байхгүй. Ингэхдээ татварын бодлого, татаасын бодлогыг уялдуулж байж түгжрэл шийднэ гэж тооцож байна. Хотын төв хэсгээр зорчиж байгаа автомашинаас төлбөр, татвар авдаг байхаар судалж байна. Үүнээс гадна хотоос гарсан их дээд сургуульд улсын төсвөөс татаас олгодог байхаар төлөвлөж байна.

УИХ-ын гишүүн М.ОЮУНЧИМЭГ:

-Утаанаас болоод өвчлөл, нас баралт их боллоо. Тиймээс ипотекийн зээлтэй уялдуулаад яндангүй, зуугүй болгох, цахилгааны хөнгөлөлтийг урт цагаар олгох ямар арга байна вэ?

Барилга хот байгуулалтын сайд Х.Баделхан:

-Азийн хөгжлийн банк, Европын сэргээн босголт хөгжлийн банкны санхүүжилтээр хэрэгжиж байгаа дэд төв байгуулах төслийг нийслэл хариуцаж байна. Энэ төсөл зогсоогүй. Хоёрт, инженерийн шугам сүлжээг сайжруулахад 2018 оны төсөвт 35 тэрбум төгрөг суулгасан. Тендер зарлагдаад, ажлууд эхэлсэн. Ирэх оны төсөвт 23 тэрбум төгрөгийг инженерийн шугам сүлжээ сайжруулахаар суулгаж өгсөн. Ипотекийн зээлийн тухайд орон сууцны хөнгөлөлттэй зээлийн журам боловсруулаад Сангийн яамнаас санал авахаар хүргүүлсэн. Ипотекийн зээлд нийт 115 тэрбум төгрөг суулгаад байна.

 

 

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-23 202.21.100.210

МАН-н улс төрч намын дарга У.Хүрэлсүхэд машинтай Монголын иргэн бүрээс татвар авах эрх байгаа үнэ шүү дээ гэхдээ 2020 оны сонгуульд та нартай машинтай иргэд уулзаж дүнгээ тавих өдөр ирнэ. Татвар нэмэх эрх МАН д байгаа ард түмэн сонгох эрх байгаа энэ бол үндсэн хуулийн гайхамшиг сайхан тоглоом тоглоод үз л дээ

Avatar

irgen 2018-10-23 64.119.21.105

torguulia tolohgui yavaad bolood baigaa yum chin ter tatvariig tolohgui yavah bailgui, ehleed torguulia tolohgui baigaa humuusiig yavuulahgui baihad l 50% tugjrelgui bolno

Avatar

Зочин 2018-10-23 66.181.187.65

Зөвөө зөв. Дэмжиж байна. Татвараар нь л зохицуулах хэрэгтэй. Хүн болгон морь унаж явах дуртай монгол сэтгэхүй үхэрнүүдийн цусанд шингээстэй. Тиймээс нийтийн тээврээр зорчдог болох хэрэгтэй. Төлбөрийн чадвартай нэг нь машинаа унагв

Avatar

atuusnii jolooch guai 2018-10-23 122.201.28.8

olon ulsiin baiguullagiin sudalgaagaar UB hotod 2500 avtobus niited vilchleh yostoi gej gargasan, getel odoo 1000 hvrehgvi Bus vilchilgeend yavj bna, ted ni park shinechlel hiigeedgvi udsanaas huuchirch muudsan, iiim bdalaar UB hotiin tvgjreliig yaaj shiideh ve?\n bolson boloogvi yumand $ zarlagadaj bhaar school bus, ajilchdiin unaa geed shiidlvvd bgaa, ene bvr deer tootsoo hiigeech, bolson boloogvi yum yarij loozongnohoo zogsoo

Avatar

Зочин 2018-10-23 202.9.43.108

Киргиз Казакстан Орос гээд бүх улсууд буруу талдаа жолоотой машин оруулахыг хориглож чадсан бна. Манай засаг юу ч хийж чадаргүй юм

Avatar

Zochin 2018-10-23 209.89.142.82

BURUU CH BAI ZUV CH BAI RULITEI MASHINIIG UNAHDAA L HUMUUS UNANA SHUU DEE. MASHIN GEDEG CHIN HEREGLEE BOLCHIHOOD BNA GEDGIIG YAGAAD OILGODOGGUI ULS VE. NEG HONHORT SHAVARALDUULJ BAISHIN BARIULAH ZUVSHUURUL UGDGUU L BOLICHIH L DOO. HOTIIN TUVUUS ZAH HUDALDAANII TUVUUDEE GARGACHIH DA. UDUR BUR HUDALDAANII TUV RUU ULAANBAATAR DAYARAA YAVAHGUI SHUDE. HEREGTEI ZUILEE AVAH SHAARDLAGA GARAHAARAA HUN YAVAAD L OCHNO. \nbURUU RULITEI HORIGLOYO GEHEER 1000$ NEMJ UGUUD RULIINH NI BAIRHSLIIG SOLIULAAD UNANA

Avatar

Батхуяг 2018-10-23 202.131.243.190

Автомашины татварыг 10 дахин нэмж Нийтийн тээвэрт, явган хүний зам, дугуйн замд хөрөнгө оруулалт хийх хэрэгтэй байна. Манайхан айл бүр 1-2 машинтай болохоор дэмжих хүн бага гарах байх. НИЙТИЙН ТЭЭВЭР хөгжүүлэх хэрэгтэй байна. Эхний ээлжинд Автобус цагтаа явмаар байна.

Avatar

ЗӨВ 2018-10-23 202.21.112.37

ЗӨВӨӨ ЗӨВ, ШУУД ХИЙ, ХИЙХЭЭР ШҮҮМЖЛЭНЭ, ХИЙХГҮЙ БОЛОХООР ТҮГЖРЭЛД МӨНХӨРЛӨӨ ГЭЭД ХУЦААД УЛИЛДААД ЭХЛЭХИЙН. ТЭГ ЗОГСОЛТ ХИЙЖ БАЙСНЫ ОРОНД ИХ ТОЙРУУ РУУ ОРВОЛ МӨНГӨ ТӨЛДӨГ Л БОЛГОЧИХ.

Avatar

Зочин 2018-10-23 202.21.111.98

Больж үз, бичих муу үг олдохгүй бна, татвараа өгөөд ард түмэн явж байгаа, татвар төлөгчдийн мөнгөөр хэдэн зуун жип унаж хотын гудамжаар хөлхөлдгөө л больчих.

Avatar

оо 2018-10-23 202.179.27.126

Тэгээд хотын захаар түгжрэл үүсэх нь эдэнд хамаагүй юм биз дээ. Зам ашигласны төлбөр гэж хангалттай татвар авч байгаа биз дээ. Тэр их мөнгө хаашаа ороод байна. Маш их хэмжээний зээл авч түүнийхээ хүүг дарахын тулд ард түмний халаасын сэгсрэхээ одоо боливол яасын.Нийтийн тээврийг дээд зэргээр хөгжүүлэх хэрэгтэй тэр цагт аяндаа ард түмэн машинаас татгалзана. Одоо бол тоос шороо хир даагиндаа баригдсан явдаг амбаар байгаа биз дээ тэгээд дээр нь хүрэлцээ муутай.

Avatar

Зочин 2018-10-23 202.21.106.111

:Дугаарын хязгаарлалтаа болиод Их Тойруу руу орох машинаас 10,000 төгрөгийн хураамж авдаг болое

Avatar

ZOCHIN 2018-10-23 209.89.142.82

TEND AMIDARDAG HUMUUS NI YAH VE

Avatar

Зочин 2018-10-23 64.119.20.113

Дэлхийн улс орнууд ард түмэн нь ядуу учраас татвар авахгүй гэсэн хууль байхгүй ш дээ. Хүн төрсөн нь үнэн татвар төлөх нь үнэн гэсэн ганц хуулиар л амьдардаг.

Avatar

Зочин 2018-10-23 64.119.20.113

Дэлхийн аль ч улс оронд хотын төвөөр явах машин татвар төлдөг юм байна лээ. Замд суурилуулсан камераар зураг аавд мэдрэгч нь уншаад зөрчилтэй бол торгуулийн хуудас илгээдэг. Бид замбраагүй улс учраас энэ асуудлаа шийдэж чадахгүй байна. Буруу жолоодлоготой машиныг 2020 оноос шууд оруулахыг хаах ёстой. Аль ч гарын машин явж болдог ийм улс байдаг юмуу манайхаас өөр? Дүрэм нь зүүн. Тэгээд яаж хөдөлгөөнийг журамлах юм. Машин унасан хүнийг ядуу хүн гэж үзэхүү чинээлэг хүн гэж үзэх үү?

Avatar

Зочин 2018-10-23 122.201.31.76

япон шиг зүүн гарын дүрэмтэй болчихвол дээр.Монгол ядуу байна.ийм байгаа үед хуучин ч гэсэн япон машин л монголын зам цаг уурыг дааж байна.бусад солонгос орос хужааа тэрэг шинэ байсан ч хэдхэн жилийн ая даахгүй сэг.

Avatar

хотын уугуул иргэн 2018-10-23 203.169.49.124

УБ хот автомашины өндөр татвартай болж л байж түгжрэл буурна. Дэлхийн том хотууд үүнээс өөр үр дүнтэй арга бодож олоогүй.\nҮүнд хотын төвийнбүх авто зогсоол төлбөртөй, зөвшөөрөөгүй газар машин зогсохыг тас хориглох хэрэгтэй.

NewsMN Гар утасны хувилбар Татах
NEWS.mn

Мэдээллийн эх сурвалж