С.Батболд Бээжин хотод ажиллаж байна | News.MN

С.Батболд Бээжин хотод ажиллаж байна

С.Батболд Бээжин хотод ажиллаж байна

С.Батболд Бээжин хотод ажиллаж байна

Нийслэлийн Засаг дарга бөгөөд Улаанбаатар хотын захирагч С.Батболд тэргүүтэй төлөөлөгчид 10 дугаар сарын 22-25-нд Бээжин хотод ажиллаж байна. Айлчлалын анхны өдөр буюу 10 дугаар сарын 22-нд Нийслэлийн Засаг дарга бөгөөд Улаанбаатар хотын захирагч С.Батболд олон улсын хэмжээнд зөвлөх үйл ажиллагаа явуулдаг Deloite компанийн үйл ажиллагаатай танилцлаа.

Тус компани нь 1845 онд Англид байгуулагдсан бөгөөд дэлхийн олон орон дахь 700 гаруй салбараараа150 гаруй төрлийн үйлчилгээ үзүүлдэг, Хятад дахь салбар нь л гэхэд өнгөрсөн жил 100 жилийн ойгоо тэмдэглэжээ. Эдүгээ БНХАУ-д 21 салбар ажиллаж байгаагаас Бээжин, Шанхай, Хонконгод хамгийн гол том гурван оффис үйл ажиллагаагаа явуулдаг ажээ.

Deloite компани нь 2018 оны санхүүгийн жилд 43 тэрбум ам.доллар хол давсан орлого олжээ.

Нийслэлийн Засаг дарга бөгөөд Улаанбаатар хотын захирагч С.Батболдын зочилсон Бээжин дэх салбар нь 3300 ажилтантай бөгөөд хууль, аудит, татвар зэрэг салбарт зөвлөх үйлчилгээ үзүүлдэг юм байна.

Deloite компанийн Улаанбаатар дахь салбар төв нь удирдлагын менежмент, хууль, санхүүгийн чиглэлээр ажилладаг аж.

Тус компанийн ажлын гол чиглэлийн нэг нь ухаалаг хотын менежмент юм. Дэлхийн том хотууд хотоо хэрхэн иргэддээ нийцтэй, ухаалаг болгох чиглэлээр зөвлөгөө авч ажилладаг болжээ. Хот төлөвлөлтийг мэргэжлийн өндөр түвшинд хийдэг ухаалаг хотын мэргэжилтнүүд 25 оронд энэ талын үйлчилгээ үзүүлж байгаа юм.

Ухаалаг хотын чиглэлийн RODAT төсөл л гэхэд замын хөдөлгөөнийг хянаж, замд яваа машинуудын датаг мэдэрч, ослоос сэргийлж, урсгал, чиглэлийг зохицуулах ажил хийдэг байна.

Ухаалаг хотоос гадна ухаалаг боловсрол, ухаалаг барилга, хиймэл оюун ухаан зэрэг олон салбар хөгжиж байгааг компанийн удирдлагууд танилцууллаа.

Монголд өнөөдөр тус компанийн цомхон баг ажиллаж байгаа ч Улаанбаатар хотыг ухаалаг болгох чиглэлд хамтран ажиллах боломжтойг мөн дурдаж байлаа.

Эх сурвалж: ULAANBAATAR.MN

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-23 139.5.216.85

Arzaitlaa tomiloltooor ywah ch shan shuuu temanaihaan

Avatar

зочин 2018-10-23 66.181.166.196

Ээ энэ малын эмч одоо урьд нь энэ тэрүүгээр зөндөө л явж туршлага судалсан биз дээ, тэрнийгээ юм болгож чадаагүй байж одоо юу судалж ажил болгоно гэж явна вэ, эртхэн тэтгэвэртээ гарч зайгаа тавьж өгмөөр юм

NewsMN Гар утасны хувилбар Татах
NEWS.mn

Мэдээллийн эх сурвалж