Баруун хязгаарын хэнэггүй гишүүн | News.MN

Баруун хязгаарын хэнэггүй гишүүн

76:1 - СОЛТАН

Баруун хязгаарын хэнэггүй гишүүн

Баруун хязгаарын хэнэггүй гишүүн

“News” агентлаг 76:1 булангаар дамжуулж парламентын гишүүдийг үсгийн дарааллаар танилцуулж байгаа билээ. Энэ удаад Гомбожайн Солтаныг танилцуулж байна.

Үг дуу цөөнтэй үргэлж мишээж явдаг Г.Солтан гишүүний намтар тунчиг товчхон. Тэрбээр 2010 онд Ерөнхий сайдын зөвлөх, 2012 онд "Монгол шаазан" ХХК-д гүйцэтгэх захирал, 2013 онд Баян-Өлгийн аймгийн МАН-ын хорооны дарга, 2016 онд УИХ-ын гишүүнээр сонгогдсон байна. Дээрх намтраас харахад Г.Солтан нь Ерөнхий сайд Сү.Батболдын Хөдөө аж ахуйн бодлого хариуцсан зөвлөхөөр ажиллаж байсан гэдгээс бусдаар бол улс төрд шинэ хүн юм.

Харин шаазан үйлдвэрийн салбарт бол туршлагатай нэгэн бөгөөд 25 жилийг энэ салбарт ажиллаж өнгөрүүлжээ. Тэрбээр Москва хотын Хими технологийн дээд сургуулийг Шаазангийн инженер, технологич мэргэжлээр төгссөн байна. Ингээд 1985-2010 он хүртэл Шаазангийн үйлдвэрийн ерөнхий технологич, лабораторийн эрхлэгч, ерөнхий инженер, “Монгол шаазан” ХК-ийн Төлөөлөн удирдах зөвлөлийн дарга, үйлдвэрийн даргаар ажиллаж байжээ. Шаазангийн үйлдвэрт ажиллаж байгаад хэсэгхэн хугацаанд Ерөнхий сайд Сү.Батболдын зөвлөхөөр ажиллаад 2012 оноос "Монгол шаазан" үйлдвэрийнхээ гүйцэтгэх захирлаар томилогдсон байна. Тодруулбал, 2010-2012 онд Монгол Улсын Ерөнхий сайд байсан Сү.Батболдын зөвлөх болж, дараахан нь Баян-Өлгий аймгийн МАН-ын хорооны дарга болсон юм билээ. Харин өнгөрсөн 2016 оны сонгуулиар УИХ-ын гишүүн болсон.

Угтаа бол түүний нэр дэвшсэн тойрогт одоогийн Хүнс хөдөө аж ахуй хөнгөн үйлдвэрийн дэд сайд Ж.Сауле дэвшихээр яригдаж байсан ч Г.Солтаныг дэвшүүлсэн гэх мэдээлэл бий. Энэ тойрогт тэрбээр УИХ-ын гишүүн асан А.Бакейтэй өрсөлдөж ялалт байгуулсан юм. Гэвч энэ парламентын хэнэггүй гишүүдийн тоонд зүй ёсоор багтаад байна. Тэрбээр үг дуу цөөнтэй, Төрийн ордны танхимд байхаас илүү дотоод, гадаадын томилолт,  тойрогтоо ажиллахыг илүүд үзсэн болов уу.

УИХ-ын Тамгын газраас гаргасан судалгаанаас харахад маш цөөн асуулт асуусан гурван гишүүний нэг нь Г.Солтан байжээ. Мөн үг дуу цөөтэй гишүүдийн тоонд нутаг нэгтэй ч, намын харьяалал өөр УИХ-ын гишүүн Д.Мурат,  Монгол Улсын Ерөнхий сайд асан Сү.Батболд нар багтсан байна.

МАН-ынхан өөрсдийн байгуулсан Засгийн газраа огцруулж шинэ Засгийн газар байгуулсан. Энэ үед УИХ-ын гишүүн Х.Баделханыг Барилга хот байгуулалтын сайдаар томилох тухай яригдахад Г.Солтан гишүүн хүчтэй эсэргүүцсэн гэдэг “бор шувуу” саарал ордноор нисээд амжсан юм. Мөн Г.Солтан нь Баян-Өлгий аймгийн Засаг даргад Т.Серикжаныг зүтгүүлж, хөшигний ард нэлээн хор найруулсан ч бүтэлгүйтсэн гэх мэдээллийг хэвлэлүүд онцолж байв.

УИХ-ын гишүүдийн 2016 оны хөрөнгө орлогын мэдүүлэг дээрх орон сууц, барилга байгууламжийн жагсаалтад хамгийн олон үл хөдлөх хөрөнгө эзэмшдэг гишүүний тоонд Г.Солтан багтсан юм. Тодруулбал, УИХ-ын гишүүн Г.Солтан таван орон сууцтай гэж мэдүүлэгтээ дурджээ.

Ингээд УИХ-ын гишүүн Г.Солтаны товч намтрыг хүргэж байна.

  • 1985-2012 он хүртэл “Монгол шаазан” ХК-ийн ерөнхий технологичоос гүйцэтгэх захирал хүртэл дэвшин ажилласан.
  • 2010 онд – Ерөнхий сайдын зөвлөх
  • 2012 онд – “Монгол шаазан” ХК-ийн гүйцэтгэх захирал
  • 2013 онд – Баян-Өлгий аймгийн МАН-ын хорооны дарга
  • 2016 онд – УИХ-ын гишүүн

Т.НОМИН

"Болор дуран"-аар шалгав.
Энэ мэдээнд өгөх таны сэтгэгдэл?
5
ТэнэглэлТэнэглэл
3
ЗөвЗөв
1
ХарамсалтайХарамсалтай
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2018-10-23 202.9.43.92

Дуугүй хүний доодох…. шаазан баарныхаа үйлдвэрийн байрнуудыг түрээслээд л…

Avatar

Зочин 2018-10-23 202.21.106.111

Энэ нөхөр Монголын шаазангийн үйлдвэрийн амыг барьсан байна

Avatar

Зочин 2018-10-23 67.162.117.222

Ийм бор халзан хонь бас байсан юм уу?

Avatar

СОНГОГЧ 2018-10-23 103.57.92.124

Өнөөх л жаран тэрбумын замаар алхагсадын нэг л биз,гайхах юу билээ

Avatar

Зочин 2018-10-23 66.181.167.213

ийм гишүүн байдаг юм уу

Avatar

Зочин 2018-10-23 202.21.100.202

iim gishuun bdiimu

Avatar

Зөв 2018-10-23 202.21.116.2

Соке сiздiкi өте дүрыс. Худалаа мэдэмхийрсэнээс дуугүй байсан нь дээр.

Avatar

Zochin 2018-10-23 66.181.161.11

Hurliin tanhimd hudlaa heruul hiij suusnaas duugrahgui suuj bsan ni deer dee taniig demjdeg shuu

Avatar

Zochin 2018-10-23 66.181.161.11

Gishuundee amjilt husie toirogtoo sain ajillaj bgaad ni

Avatar

Zochin 2018-10-23 66.181.161.11

Ta nar hamgiin muu idej uudag gishuudee tanidag baih l daa

Avatar

зочин 2018-10-23 66.181.183.137

хэлгүй дүлий мөртлөө Эрдэнбатын засгийг огцруулахад гарын үсэг зураад л явж байсан

Avatar

Зочин 2018-10-23 66.181.187.65

юу вээ ийм гишүүн байдгиймуу

Avatar

Зочин 2018-10-23 119.40.98.26

tanihguim bn

Avatar

мгл 2018-10-23 66.181.186.121

мах шарах жигнэх угсардаг шавар зуухнууд хииж зах зээлд гаргавал энэ хунии хэрэг гарна,казахстанд бараг айл болгон иим зуухтай болж хоол ундаа жигнэж шарж утаж бага тулш ашигладаг болж.Манангын гал тогоонд дулии хэлгии,шавар арслан шиг сууж байхаар мэргэжлиинхээ ажлаа хиигээч

Avatar

Зочин 2018-10-23 66.181.161.33

Uuriin garsan toirogtoo ih olon zvil hiij ugch bgaa sain gishvvn ug duu tsuuteuch hiisen ajil bvteesen ni ih shvv gishvvndee ajild ni amidrald ni hamgiin sain saihnig hvsie

Avatar

zochin 2018-10-23 202.55.183.178

Андуурсан байхаа ийм гишүүн байхгүй байхаа

Avatar

Zochi 2018-10-23 202.21.106.164

Haraagui yum bn iim hun baidag yum uu. Sonin yum bn

Avatar

Зочин 2018-10-23 202.72.245.209

ПЭЭ ИЙМ ГИШҮҮН БАЙДАГ АА

Avatar

бага 2018-10-23 122.201.31.59

Ийм хүн гишүүн гэж үү. Огт сонсоогүй хараагүй хүн байхчив. Сонин юм даа.

Avatar

Зочин 2018-10-23 202.170.70.70

Уран донгодог төрөөс төрсөн тэрбумнуудаас л өөр юм байна. Харин ч үйлдвэрлэл, бизнесийн туршлагатай боломжийн гишүүн байна. Амжилт хүсье.

Avatar

Зочин 2018-10-23 103.212.116.105

Энэ эндүүрэл болсон байхаа, БаянӨлгийгээс Мурат, Бадилхаан хоёр сонгогдоогүй билүү ??????

Avatar

Танихгүй хүн байна 2018-10-23 103.212.119.58

Мэдэхгүй юм байна

Avatar

Гишүүн 2018-10-23 202.70.34.70

ИЙМ ГИШҮҮН БАЙДАГ ЮМ УУ? АНХ УДААГАА ХАРЖ БАЙНА.

Avatar

Zochin 2018-10-23 66.181.161.11

Zochin ta nar muu idej uudag gishuudee l tanidag bolson baihaa tegeed iim sain gegeeleg humuusiig tanihgui bgaa

NewsMN Гар утасны хувилбар Татах
NEWS.mn

Мэдээллийн эх сурвалж