Монгол Улс хүнсний бүтээгдэхүүнийхээ 80 гаруй хувийг гаднаас импортолдог гэсэн судалгаа бий. Тухайлбал, 66 орчим сая толгой малтай ч жилд 56 тэрбум төгрөгийн сүү сүүн бүтээгдэхүүн импортоор авч хэрэглэдэг. Сүү гэлтгүй мах импортлон авч байна.  Энэ асуудлыг шийдэхийн тулд Засгийн газар ирэх онд дөрвөн аймагт махны үйлдвэр барихаар төлөвлөжээ. Тодруулбал, Баянхонгор, Сүхбаатар, Ховд, Архангай аймагт БНХАУ-ын зээлээр махны үйлдвэр барих юм байна. Нийт 48 тэрбум төгрөгийн төсөвт өртөгтэй аж.

Үйлдвэр байгуулахтай холбогдуулж Архангай аймаг мал нядалгааны үйлдвэр байгуулахаар судалгааг хийсэн байна. Уг үйлдвэр ашиглалтад орсноор өдөрт 1000 бог, 150-200 бод нядалж, бэлэн бүтээгдэхүүн болгох хүчин чадалтай мал нядалгааны үйлдвэр баригдана гэсэн тооцооллыг гаргажээ.

Г.ХОРОЛ