Дэлхий дахинд гар утас хэрэглэгчдийн тоо таван тэрбумд хүрлээ гэж BBC агентлаг мэдээлжээ. Анх 2008 оны эцсээр дэлхийд дөрвөн тэрбум гар утас хэрэглэгч байдаг гэсэн судалгаа гарч байсан бол сүүлийн хоёр жилийн хугацаанд энэ тоо ийнхүү нэг тэрбумаар нэмэгджээ.

Энэхүү тоо нь компьютерийн тооноос даруй гурав дахин их байгаа бөгөөд сүүлийн үеийн гар утасны загварууд компьютерийг орлох чадвар бүхий хүчин чадалтай болж байгаатай холбоотой хэмээн мэргэжилтнүүд тайлбарлаж байна.

Мөн 1994 оноос хойш нийтдээ 10 тэрбум гар утас дэлхийн зах зээл дээр худалдаалагдсан ба үүний 3,4 тэрбумыг Nokia компани дангаараа нийлүүлсэн гэсэн тооцоо гарсан байна.

Н.Наран