Израиль Газын зурвастай хиллэдэг хилийн шалган нэвтрүүлэх цэгийн үйл ажиллагааг сэргээхээр болжээ. Энэ нь бүс нутгийн хурцадмал байдлыг намжаана гэж үзэж байгаа юм байна. Энэ тухай Газын зурвасын иргэний хэрэг хариуцсан хорооны мэдээлэлд дурджээ.

Мэдээлэлд дурдсанаар, шалган нэвтрүүлэх цэгүүд нь арилжааны болон хүмүүнлэгийн ачаа тээвэр мөн иргэдийг нэвтрүүлэхэд зориулагдсан байх аж.

Өмнө нь, Израилийн Батлан хамгаалахын сайд Авигдор Либерман Газын зурваст шатахуун нийлүүлэх ажлыг хилийн зурваст мөргөлдөөн зогссон цагт сэргээнэ гэж мэдэгдэж байв.

А.АНИР