Японы хотуудад мэргэжлийн сүмо бөхийн тойргийн барилдаан болон үзүүлэх тоглолтууд үргэлжлэн явагдаж байна. Арваннэгдүгээр сарын тэмцээний өмнөх тойргийн барилдаанд сүмочид идэвхтэй оролцож байна. Энэхүү барилдааныг их аварга Хакүхо М.Даваажаргал бэртлийн улмаас өнжөөд байгаа билээ.

Тойргийн барилдааны үеэр сүмочид иргэдтэй уулзаж, мөн дурсгалын зургаа татуулдаг. Энэхүү уламжлал болсон арга хэмжээний үеэр сүмочид иргэдтэй илүү ойр байдаг юм. Тэд алиа хошин зан, уян хатан байдлаараа олны анхаарлыг татдаг.

Намрын тойргийн барилдаан энэ сарын 3-ны өдрөөс эхэлсэн бөгөөд 28-ны өдөр Ямагүчий мужийн Шюнан хотод өндөрлөх юм байна.

Ингээд тэдний хөгжилтэй үзүүлбэрээс сонирхоё.

Ч.ШАРХҮҮ