Цагдаа робот биш | News.MN

Цагдаа робот биш

Цагдаа робот биш

Эрийн муу цагдаа, цагдаа цагийн найз гэх үг хэзээ, хэн гаргасан юм бүү мэд. Ямартай ч цагдаа бол бидний адил хүн. Тэд үүргээ биелүүлж яваа төрийн ажилтан. Тэдэнд ч гэсэн өвдөх сэтгэл, шаналах зүрх гэж байдаг. Үүнийг бичих болсон учир нь сүүлийн жилүүдэд цагдаагийн албан хаагчид бусдын дарамт, сэтгэл санааны хүчирхийлэлд өртөж, амиа хорлох болсон тухай.

 ЦАГДААГИЙН АЛБАНД 22 ЖИЛ ЗҮТГЭЖЭЭ

Ажил үүргээ гүйцэтгэж яваад харамсалтайгаар амиа алдсан цагдаагийн алба хаагч Д.Батсайханы хэрэг олон хүний сэтгэлийг шархлуулсан. Талийгаач албан үүргээ гүйцэтгэж байхдаа эрэн сурвалжлагдаж байсан этгээдийг саатуулахаар яваад машинаас нь чирэгдэж, эмнэлэгт хүргэгдсэн юм. Эмчийн хэлснээр гавлын яс цуурч, тархи бяцарсан, тархинд цус харвасан гэсэн оноштойгоор ГССҮТ-д хүргэгдэж, хагалгаанд орсон ч хагалгааны дараах хүндрэлээ даалгүй таалал төгссөн билээ. Тэрбээр 41 настай ч цагдаагийн байгууллагад аравдугаар ангиа төгсөөд л тасралтгүй 22 жил зүтгэсээр иржээ.

Энэ хугацаанд түүнийг эх орныхоо төлөө, ард түмнийхээ төлөө тасралтгүй ажилласан гэдгийг гэрчлэх олон цол түүнд бий. Тэрбээр нийт 22 жил цагдаагийн байгууллагад алба хаажээ. Талийгаач гурван хүү нэг охин, эхнэр 80 гарч буй ээжийн хамтаар хамт амьдардаг басхүү авьяаслаг алба хаагч байжээ. Хань үр хүүхдүүддээ халуунд халж, хүйтэнд хөрлөө гэж хэлэлгүй явсан түүний халуун сэтгэл төр түмнийхээ төлөө оршин байж. Эхнэр нь цэцэрлэгийн багш, харин тэр өөрөө цагдаа. Бусад төрийн албан хаагчийн адилаар хоёул цалингийн зээлтэй жирийн нэг гэр бүл. Талийгаач ирэх жил тэтгэвэртээ гарна, сардаа сая төгрөгийн тэтгэвэр авчхаад, гадаадад суугаа дүү рүүгээ очиж ажиллана хэмээн эхнэртээ ярьдаг байжээ. Харамсалтай нь өглөө нь ажилдаа яваад орой нь гэртээ ирээгүй түүний хайрыг хэн ч  орлож чадахгүй.

АЛБА ҮҮРГЭЭ ГҮЙЦЭТГЭЖ ЯВСАН 70 АЛБА ХААГЧ АМЬ ЭРСЭДЖЭЭ

Цагдаагийн байгууллагад 1961 оноос хойш албан үүргээ гүйцэтгэж яваад амь насаа алдсан 18-35 насны 70 орчим алба хаагчид байдаг. Бас нэгэн жишээ дурдахад албан үүргээ гүйцэтгэж яваад согтуу хүнд шаардлага тавьсныхаа төлөө 13 удаа хутгалуулж амиа алдсан гээд олон харамсалтай тохиолдол цагдаагийн байгууллагын түүхийн хуудсанд байна. Хэргийг сануулахад, одоогоос 16 жилийн өмнө Хан-Уул дүүргийн байнгын постонд үүрэг гүйцэтгэж байгаад бусдын гарт амиа алдсан н.Ганбатын амь насыг бүрэлгэсэн этгээдийг одоог хүртэл олоогүй байна. Түүний гэр бүлийнхэн өнөөдрийг хүртэл гомдол тээж, сэтгэл зовсон гэргий нь найман хүүхдийнхээ хамт гэмт хэрэгтнийг битүүхэн хайсаар байгаагаа гунигтайгаар ярьж байсан. Энэ мэтчилэн эх орныхоо төлөө тангараг өргөсөн олон сайхан залуус золгүйгээр амь эрсэдсэн харамсалтай тохиолдол бий.

Аль хэзээнээс хойш цагдаа бол хүн биш гэсэн ойлголт хүн бүхний сэтгэхүйд шингэчихжээ. Үгүй дээ эд чинь хүн. Бидний л ижил амьдралтай амьдралаа авч явахын тулд ажиллаж яваа энх цагийн баатрууд.  Өвлийн хүйтнээр хэн нэгнийг гудамжинд ухаан алдаад уначихсан байхад “Архи уучихсан балиар юм” гээд хэн ч ойртдоггүй. Архи уусан ч  бай үгүй ч тэр хүнийг ганцхан цагдаа л хөлдөж үхэх аюулаас аварна. Золгүй осол ч бай гэмт хэрэг ч бай хамгийн эхний эгнээнд цагдаа л явна. Өөрийн тань төлөө “үхэж чадна” гэсэн тангаргийг нь, үнэнч байсан зоригийг нь битгий мохоо. Гагцхүү тэд амласан тангарагтаа үнэнчээр зүтгэж эх орныхоо төлөө нугарахгүй төмөр мэт сэтгэлээр зүтгэдэг юм аа.

"Болор дуран"-аар шалгав.
Энэ мэдээнд өгөх таны сэтгэгдэл?
8
ЗөвЗөв
3
ХарамсалтайХарамсалтай
2
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Муухай 2018-10-19 66.181.164.171

Ойрдоо ийм нийтлэл хэвлэлийн сайтаас олж харсангүй. Зөв сэдвээ хөндсөн сайн сэтгүүлч байна. Бие биенийгээ яагаад хайрлах ёстой талаар ийм сайхан нийтлэл дахин дахин бичээрэй гэж хүсье. Цагдаа, эмч, багш гээд л цаад төрийн албан хаагчдад чинь бас сайн сайхан тал, бахармаар үйлс байдаг юм шүү дээ.

Avatar

zochin 2018-10-19 202.126.89.168

ih zuw sedew hundjee . tm shudee bd chn ene muu hdn tsagdasga eldwer helj goochilj bdag bolohoos ard tumen ch ter zasag tur n ch uneldeggui shde . bodmoor l ym bn shuu .

Avatar

Зочин 2018-10-19 202.9.42.63

Цагдаагийн ажил хэцүү. Олон шударга хүмүүс тэднийг дэмждэг. Би ч бас дэмждэг.

Avatar

Иргэн 2018-10-19 202.21.124.131

Цагдаа хэдий олон нийтийн амар амгалан, аюулгүй байдлын төлөө шаардлагатай бол амь насаа ч зориулах тангарагтай ч цагдаа бол хүн, өрх гэрийн эзэн, эзэгтэй, ирээдүй болсон хүүхдүүдийн аав ээж. Тиймээс цагдаагийн албан хаагчдыг юу юуны түрүүнд ".. чи шаардлага гарвал амиа өгөх тангарагтай ..." гээд зүтгүүлээд байхгүй албан үүргээ гүйцэтгэхдээ амь нас эрүүл мэндээ аюул эрсдэлд оруулахгүй байх мэдлэг, ур чадварыг байнга дээшлүүлэх, техник хэрэгслээр хангах ажлыг сайжруулах хэрэгтэй.

Avatar

zochin 2018-10-19 43.242.243.220

frantsiin buh salbaraas turshlaga sudalj mongold nutagshuul nomer neg ardchilaltai uls

Avatar

зочин 2018-10-19 203.91.118.180

цагдааг хүний хэмжээнд үзэж, төрийн хэмжээнд харж үзэх цаг хэдийн болсон..................

Avatar

Зочин 2018-10-19 103.206.195.166

Сэтгүүлч зөв сэдвийг сайхан бичжээ.

NewsMN Гар утасны хувилбар Татах
NEWS.mn

Мэдээллийн эх сурвалж