Солонгост амиа алдсан эмэгтэйн үхлийн шалтгаан тодорхойгүй байна | News.MN

Солонгост амиа алдсан эмэгтэйн үхлийн шалтгаан тодорхойгүй байна

Солонгост амиа алдсан эмэгтэйн үхлийн шалтгаан тодорхойгүй байна

Солонгост амиа алдсан эмэгтэйн үхлийн шалтгаан тодорхойгүй байна

Бага ангийн багшаар ажилладаг Э.Хишигбаяр гэх эмэгтэй гурван сарын аяллын визээр БНСУ-д ажил хийж, амьдралаа сайжруулахаар яваад 2018 оны аравдугаар сарын 10-ны өдөр амь насаа алдсан харамсалтай хэрэг гарсан. Талийгаач нь ЕБС-ийн 51-р сургуульд зургаа дах жилдээ багшилж байсан бөгөөд хамт олондоо нэр хүндтэй, хөдөлмөрч бүсгүй байсан гэдгийг хамт олон нь онцолж байлаа. Мөн таван настай хүүтэй байжээ. Иймээс өнчирч хоцорсон хүүгийнх нь ирээдүйд зориулан талийгаачийн найз нөхөд "Хамтдаа тусалъя" хандивын аяныг өрнүүлээд байгаа аж.

БНСУ-ын цагдаагийн газраас ар гэрийнхэнд нь энэ сарын 10-ний өдрийн үүрээр “Танай энэ хүн нас барсан байна” хэмээн мэдэгдсэнээр ах, эгч нь шарилыг нь чандарлан авч явахаар Солонгост очоод байгаа юм. БНСУ-д чандарлах зардал, орчуулагч, хуулийн зөвлөгөө авах тал дээр манайхыг бодвол өндөр өртөгтэй байдаг аж. Өнөөдрийн байдлаар Монгол дахь 5032416700 Б.Болор-Эрдэнэ дансанд гурван сая төгрөг, Солонгос дахь 14491054134907 С.Батцэнгэл дансанд 315000 вон цуглараад байгаа аж. Энэ талаар талийгаачийн найз С.Батцэнгэл дараах мэдээллийг өглөө.

“ХАМТДАА ТУСАЛЪЯ” ХАНДИВЫН АЯНЫГ ӨРНҮҮЛЖ БАЙНА

Тэрбээр “БНСУ-д нэгэн багш нас барсан гэх мэдээллийг та бүхэн мэдсэн байх. Бид нар талийгаачийн ажил явдалд зориулж энэхүү хандивын аяныг зохион байгуулж байна. Талийгаач Э.Хишигбаяр  манай эхнэрийн дотны найз байсан. Түүнийг амиа алдсан талаарх харамсалтай мэдээг энэ сарын 10-ны өдөр эхнэрээсээ сонсоод БНСУ-д ажиллаж амьдардаг найзуудтайгаа нэгдэн “Хамтдаа тусалъя” хандивын аяныг өрнүүлж байна. Энэхүү аянд олон сайхан сэтгэлтэй хүмүүс оролцож, тус нэмрээ оруулж байгаа.

Бид нар өнгөрөгч Бямба гаригт хандивын аяныг эхлүүлж БНСУ, АНУ, Монгол гэсэн гурван газар өрнүүлж байгаа юм. Талийгаачийн эгч БНСУ-ын Сөүл хотод ахын хамтаар ирсэн. Хандивын аян маргааш буюу баасан гариг хүртэл үргэлжлээд өндөрлөнө. Энэхүү аяныг хамт эхлүүлсэн бүх хүмүүст баярлалаа. Талийгаач нь хүнлэг, хүний хайр хүндэтгэлийг татаж чадсан мундаг бүсгүй байсан. Тийм учраас талийгаачийн хандивын аян өргөнөөр явагдлаа” гэж ярилаа.

 ТАЛИЙГААЧИЙН ЗАДЛАН ШИНЖИЛГЭЭНИЙ ХАРИУ 30 ХОНОГИЙН ДОТОР ГАРНА

Талийгаачийн эгч н.Хишигжаргалтай холбогдоход, тэрбээр “Би том ахтайгаа БНСУ-ийн Сөүл хотод энэ мягмар гаригт /2018.10.16/ ирсэн. Цагдаа нараас талийгаачийн үхлийн шалтгааныг тодруулахад гадны нөлөө байхгүй, биед нь халдсан шинж тэмдэг илрээгүй гэсэн. Одоогийн байдлаар үхлийн шалтгаан нь тодорхой болоогүй байна. Урьдчилсан байдлаар зүрхний үйл ажиллагаанаас болоод амьсгал хураасан гэсэн. Гэхдээ энэ бол нотолгоогүй. Задлан шинжилгээний хариу 14-30 хоногийн дотор гардаг юм билээ. Ах бид хоёр энд удаан байж чадахгүй учраас задлан шинжилгээний хариуг Элчин сайдын яаманд хүргүүлэхээр болсон.

Талийгаачийг өчигдөр /2018.10.17/  чандарлаж, салах ёс гүйцэтгэсэн. Манай дүү нэг хүүтэй, нөхөр нь бас бий. Явахаасаа өмнө хүүгээ надад итгээд хариуцуулж үлдээсэн. Хүү нь манай гэрт надтай хамт амьдарч байгаа. Талийгаач маань хүүгээ надад захисан болохоор тайван ажлаа хийсэн байх гэж боддог. Миний дүүгийн буяны ажилд тусалсан найз нөхөд, хамт олон Элчин сайдын яамныханд баярлалаа. Нэг зүйлийг онцлоход БНСУ-д ажиллаж буй монголчууддаа хамгийн гол нь эрүүл мэнд чухал шүү гэдгийг хэлье. Бид нарт чин сэтгэлээсээ тусалсан бүх хүмүүстээ маш их баярлалаа” гэж хоолой зангируулан ярилаа.

"Болор дуран"-аар шалгав.
Энэ мэдээнд өгөх таны сэтгэгдэл?
16
ХарамсалтайХарамсалтай
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-18 66.181.161.3

Ум сайн амгалан болтугай! Гэвч эх орны өмнөөс үүрэг гүйцэтгэхээр яваагүй, эгэл түмний үрсийн л нэгэн адил амь амьжиргаагаа хөөж явсан гэдэг нь хатуу ч гэсэн үнэн. Улс гүрэнд амь бүхэн үнэтэй ч тохиолдол болгонд талцаж шаагиад байвал мөхөхийн цондон бишүү?!

Avatar

Ghgdd 2018-10-18 66.181.161.44

Mongol yalnaa

Avatar

Ghgdd 2018-10-18 66.181.161.44

Mongol yalnaa

Avatar

Зочин 2018-10-18 103.14.36.6

Ум маани бад ми хум. Нэгэн багш эмэгтэйн үхлийг улс төржүүлж, сенсацлах шаардлага байсан ч юмуу, үгүй юмуу. Бөөн хэл ам үүсгээд, талийгаачийн сүнсийг нь амирлуулах хэрэгтэй л баймаар юм. Багш нар үнэхээр бүх талаараа доголдолтой улсууд юмөө.

Avatar

Зочин 2018-10-18 64.119.26.135

Um ma ni bad mi hum. 3han saya huntei ulsad neg hunii tsag busiin uhel bol mash tom emgenel garz shuu.

Avatar

Зочин 2018-10-18 84.78.17.227

Цаг бусын гэж бүү хэл.цаг нь болоод л явахгүй юу

Avatar

BB 2018-10-18 66.181.168.220

eh orondoo hun shi amidarch chdaaddag san bol, tsalin ni yadaj l hool hunsendee hangalttai hurdeg bsan bol mongolchuud setgeliin tevcheer, hat, huliin chadal sorin sorin hariig zorihgui baih baisan daa. UM MA NI BAD MI HUM.

Avatar

Зочин 2018-10-18 103.10.20.34

Zailuul gej amidrahiin tuluu uursdiiguu zolichloo. Ene bagsh, ter tsagdaa 2

Avatar

dd 2018-10-18 49.0.140.68

Bagsh nariin tsaling ni nemehgui bol iim mayagaar yavaad amia aldaad baival hetstu yumaa. ma ni bad mi hum

NewsMN Гар утасны хувилбар Татах
NEWS.mn

Мэдээллийн эх сурвалж