Өлгийн улаан омгийн ямааны үржлийн ажлын ололтыг хянан магадлав | News.MN

Өлгийн улаан омгийн ямааны үржлийн ажлын ололтыг хянан магадлав

Хуучирсан мэдээ: 2018.10.18-нд нийтлэгдсэн

Өлгийн улаан омгийн ямааны үржлийн ажлын ололтыг хянан магадлав

Өлгийн улаан омгийн ямааны үржлийн ажлын ололтыг хянан магадлав

Малын тоог чанарт шилжүүлж, ашиг шим хүртээмжийг сайжруулах, генетик нөөцийг хамгаалах, үржил селекцийн ажлыг шинжлэх ухааны үндэслэлтэй явуулах, шинэ үүлдэр, омгийг бий болгох ажлын хүрээнд Увс аймгийн Өлгий суманд үржүүлж буй ноолуур, мах, сүүний хосолмол ашиг шимт Өлгийн улаан омгийн ямааны үржлийн ажлын ололтыг хянан магадлах ажлыг Хүнс, хөдөө аж ахуй, хөнгөн үйлдвэрийн сайдын 2018 оны А-95 дугаар тушаалаар томилогдсон ажлын хэсэг хийж гүйцэтгэв.

Ажлын хэсэг удирдамжийн дагуу хавар, намрын технологит хугацаанд Увс аймгийн Өлгий, Наранбулаг сумдад ажиллаж, Өлгийн улаан ямааны үүлдэрлэг байдал, ашиг шимийн түвшинд хянан магадлагаа хийж, малчид, мал аж ахуй эрхлэгчидтэй уулзаж, санал бодлоо солилцлоо. Өлгийн улаан ямааг бие даасан үүлдрээр баталгаажуулах асуудлыг Хүнс, хөдөө аж ахуй, хөнгөн үйлдвэрийн Сайдын зөвлөлийн хурлаар оруулж, шийдвэрлүүлнэ.

“Өлгийн улаан” омгийн ямаа нь Их нууруудын хотгор, Хархираа, Түргэний уулсын байгаль, цаг уурын хатуу ширүүн нөхцөлд дасан зохицсон, амьдрах чадвар сайтай, холын замд туувар даах чадамж өндөртэй, ноолуурын гарц сайн, нарийн микронтой, бие томтой байдгаараа Монгол үүлдрийн ямаанаас ялгаатай. Баруун бүсийн ямаан сүргийн ашиг шимийн гарц, чанарыг сайжруулах зорилгоор үндсэн сайжруулагчаар ашиглаж ирсэн энэхүү ямааг үүлдрээр баталгаажуулахаар 2003 оноос эхлэн судалгааны ажил хийж эхэлсэн юм.

Тус ямааг Хөдөө аж ахуй, хөнгөн, хүнсний үйлдвэрийн Сайдын 1996 оны А/70 дугаар тушаалаар бие даасан омог болгон баталсан байдаг.

Эх сурвалж: ХХААХҮЯ

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2018-10-18 43.242.243.20

Энэ улаан ямааны үүлдрийг буй болгосон нэг зоотехникч Гавъяат цолоор шагнуулсан санагдана

NewsMN Гар утасны хувилбар Татах
NEWS.mn

Мэдээллийн эх сурвалж