Англид 100 настай Нора, 75 настай Малколм Яатес нар гэрлэж, хуримаа хийжээ. Тэд өчигдөр /2018.10.16/  Лондон дахь гэрийнхээ ойролцоох зочид буудалд найз нөхөд, гэр бүлийнхээ хүрээнд 30 хүн оролцсон цомхон хурим хийсэн байна.

Нора эмээ өмнө нь хоёр удаа гэрлэж байсан, Яатестайгаа 1980-аад онд нэгэн бүжгийн цэнгүүний үеэр танилцаж, 30 жилийн турш хамтдаа амьдарч байгаа ажээ.

Хуримын өдөр Нора эмээ ABBA хамтлагийн Dancing Queen дуу эгшиглэх агшинд гэрлэх ёслолын танхимд орж ирсэн бөгөөд тэдний хурим 30 орчим минут үргэлжилсэн байна.

Яатес өвөө “Сүйт бүсгүй минь үнэхээр үзэсгэлэнтэй байна” гэж хэлсэн бол Нора, эмээ“Тэр бол миний төлөө бүхнээ зориулдаг, үнэхээр онцгой хүн” гэжээ.

Эх сурвалж: BBC

Ө.ПҮРЭВХҮҮ