Microsoft компани Lumia 435, 532 нэртэй шинэ загварын ухаалаг гар утаснуудаа танилцууллаа. Lumia 435 загвар нь 1,2GHz процессор, 1GB RAM, 8GB-ын санах ойтой, Lumia 532 загвар дөрвөн цөмт процессортой гэдгээрээ онцлог юм.

Эдгээр загварууд нь Windows Phone 8.1 үйлдлийн системтэй, 4 инчийн, 800 харьцах нь 480 пиксел нягтрал бүхий дэлгэцтэй бол 435 загвар нь хоёрхон мегапиксел камертай. Харин 532 нь 5 мегапиксел камертай, хоёулаа хоёр симний оролттой.

Үнийн хувьд Lumia 435 загвар 69 евро, 532 загвар нь 79 еврогийн үнэтэйгээр, ирэх хоёрдугаар сараас Европ, Ази Номхон далай, Энэтхэг, Ойрхи Дорнод, Африкийн бүсийн орнуудад худалдаанд гарах аж.

Т.БИЛГҮҮН