Монгол улсын Замын хөдөлгөөний дүрмийн шинэчилсэн найруулга арваннэгдүгээр сарын 1-ний өдрөөс хэрэгжиж эхэлнэ. Үүнтэй холбоотойгоор Тээврийн цагдаагийн албанаас дүрмийг сурталчилж, таниулах чиглэлээр зохион байгуулж буй сургалтад Цагдаа, дотоодын цэргийн харьяа анги байгууллагуудын алба хаагчдын 90 орчим хувь нь хамруулаад байна.
Мөн бусад төрийн болон төрийн бус байгууллага, сургууль, цэцэрлэгийн багш, сурган хүмүүжүүлэгч, тээврийн хэрэгсэл ашиглан үйл ажиллагаа явуулдаг аж ахуй нэгж байгууллагын ажилтан зэрэг иргэдэд чиглэсэн сургалтыг зохион байгуулж байгаа тул иргэн таныг мөн Замын хөдөлгөөний дүрмийн шинэчилсэн найруулгыг уншиж судлахыг зөвлөж байна.
Э.БУРАМ