Ам.долларын ханш тогтворжжээ | News.MN

Ам.долларын ханш тогтворжжээ

Ам.долларын ханш тогтворжжээ

“Найман шарга” валют арилжааны төвд өчигдөр /2018.10.15/ ам.долларын ханш 2568 төгрөг гэж байлаа. Тус төвийн хамгийн захын валют арилжааны хэсэгт ороход 50 гаруй насны хоёр эрэгтэй ажилтан байсан бөгөөд нэг ч үйлчлүүлэгч байсангүй. Хоёр ажилтнаас ам.долларын ханшийн  талаар лавлахад “Жил бүрийн хичээл эхлэх үед ам.долларын ханш өсдөг. Энэ жилийн хувьд энэ жишгээр өссөн ч сүүлийн хэд хоног ам.долларын ханш харьцангүй тогтворжлоо. Үүнтэй холбоотойгоор ам.доллар арилжих хүн ховор байна. Иргэд ханш буурахыг хүлээж байгаа байх” гэсэн юм. Валют арилжааны бусад хэсгээр ороход иргэд ихэвчлэн төгрөгийг юань болгож байсан бөгөөд ам.доллар арилжиж буй нэг ч хүнтэй таарсангүй. Мөн зарим арилжааны хэсгүүд “Ам.долларын ханш тогтмол байгаа болоод ч тэр үү иргэд ам.доллар арилжахгүй байна. Тиймээс ам.долларыг бэлнээр байлгахгүй байгаа” гэлээ.

Харин арилжааны банкуудад тухайлбал, Голомт болон ХААН банканд ам.доллар нь 2571 төгрөг гэж байсан бол Хас банканд 2568 төгрөг гэж байлаа.

Ам.долларын ханш өнгөрсөн наймдугаар сард 2450 төгрөг байсан юм. Монголбанкны зүгээс төгрөгийн гадаад валюттай харьцах ханшийн огцом хэлбэлзлийг бууруулах зорилгоор валютын захад шаардлагатай үед оролцдог. Тус банк өнгөрсөн наймдугаар сард төгрөгийн ханшийн огцом хэлбэлзлийг бууруулах, богино хугацааны эрэлт, нийлүүлэлтийн зөрүүг багасгах зорилгоор валютын захад нийт 180.3 сая ам.долларыг нийлүүлсэн юм. Мөн гадаад валютын нөөцийг нэмэгдүүлэх үүднээс алт худалдан авалтаа нэмэгдүүлж, энэ жил 22.0 тонн алт худалдан авахаар төлөвлөжээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бичка 2018-10-16 202.131.242.132

валютын ханшийг хантал нь өсгөж түр азанчихаад түүнийгээ валют тогтворжлоо гээд хүүхэд хуурч байгаа юм шиг ярьж суртчилхаа болиочээ ядаж 2000 төг үрүү оруулчихаад тогтворжлоо гэж суртчилаач ичэх булчирхай гэж байхгүй болчихсон юмуу даа

Avatar

Зочин 2018-10-16 202.21.100.210

10 -р сар гараад 200 гаад сая доллар зах зээлд гаргаж байж ханшийг тогтоож байна. Мөнгөний бодлогын хүүг 12% доош буулгаж болохгүй байсан, Хадгаламжийн хүүнээс 10%- н татвар авдаг засгийн газрын бонд зарагдахгүй зэрэг ойрын шалтгаанаас болж төгрөгийн ханш унаж байна. Томоор зургаар бол мэдээж импорт хэт хурдан өсч байна.

Avatar

зочин 2018-10-16 202.21.100.210

Амбаарт байрласан хэдхэн ченж монголын валютын ханшийг шийддэг болчихоо юу? Ээ чааваас

Avatar

Zochin 2018-10-16 43.243.161.23

hahaha togtvorjloo genee. nemegdej bgaal togtchihdog hahaha yaana daa ene manai uher mongolchuudiig.

Avatar

Зочин 2018-10-16 103.212.118.124

Хэхэ, тогтворжлоо гэнэ үү, хээгүй нь сайхан юмдах

Avatar

Ченж 2018-10-16 202.9.43.153

2 хагасыг давчихсан бол 3 болох нь гарцаагүй л дээ ...

Avatar

Зочин 2018-10-16 202.21.117.34

sonhuuliin omno elbeg 3000.kkkk

NewsMN Гар утасны хувилбар Татах
NEWS.mn

Мэдээллийн эх сурвалж