Б.Баатархүү: Гэмтсэн цагдаа ухаан ороогүй байна | News.MN

Б.Баатархүү: Гэмтсэн цагдаа ухаан ороогүй байна

Хуучирсан мэдээ: 2018.10.16-нд нийтлэгдсэн

Б.Баатархүү: Гэмтсэн цагдаа ухаан ороогүй байна

Б.Баатархүү: Гэмтсэн цагдаа ухаан ороогүй байна

Албан үүргээ гүйцэтгэж явсан хэв журмын цагдааг дайрч хэргийн газраас зугтсан талаар өчигдөр /2018.10.15/ мэдээлсэн билээ. Хэрэг явдлыг тодруулбал, Сүхбаатар дүүргийн нутаг дэвсгэр, “Япон цогцолбор”-ын орчимд өчигдөр 11.30 цагийн үед хоёр этгээд цагдаагийн алба хаагч Б-ийн тавьсан шаардлагыг үл биелүүлж машинаараа дайрч зугтсан байдаг. Зугтаахын өмнө автомашинаараа цагдаагийн албан хаагчийг дайрч, чирсэн байдаг.

Уг хэрэгт  45 настай Б.Энхбаяр,  25 настай Т.Лундаа нарыг холбогдуулан эрэн сурвалжилж байсан бөгөөд цагдаагийнхан өнгөрсөн шөнө тэднийг баривчилжээ. Энэ талаар  Цагдаагийн ерөнхий газрын Хэвлэл мэдээллийн төвийн дарга, дэд хурандаа Б.Баатархүү  өнөөдөр /2018.10.16/ мэдээлэл хийлээ.

Тэрбээр  "2018 оны аравдугаар сарын 15-ны өдрийн 11.00 цагт Сүхбаатар дүүргийн 15 дугаар хорооны нутаг дэвсгэрт залилах гэмт хэрэгт холбогдон эрэн сурвалжлагдаж байсан Б.Энхбаяр, түүнтэй хамт явсан Т.Лундаа нар “Тоёота прадо” маркийн автомашинтай явж байгаад цагдаагийн алба хаагчид баригдах үедээ зугтаж, түүнийг чирч унаган биед нь хүнд гэмтэл учруулаад зугтсан хэрэг гарсан.  Цагдаагийн алба хаагчид өчигдөр 22.30 цагт Т.Лундааг Майхан толгой орчмын төв замаас, Б.Энхбаярыг 23.35 цагт Майхан толгойн зуслангийн төв замаас 200 орчим метрийн зайд байрлах айлын саравчинд бүгсэн байхыг нь олж, баривчилсан байна. Ажил үүргээ гүйцэтгэж яваад гэмт этгээдүүдийн халдлагад өртсөн цагдаагийн алба хаагч тархиндаа хүнд гэмтэл авч тэр даруй эмнэлэгт хүргэгдсэн боловч одоог хүртэл ухаан ороогүй ГССҮТ-ийн Сэхээн амьдруулах, эрчимт эмчилгээний тасагт эмчлүүлж байна. Өнөөдөр хагалгаанд орж байгаа" гэв.

Э.БУРАМ

 

Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Unshigch 2018-10-16 202.126.89.246

3 jiliin daraa olj bgaa yumuu? 3 jiliin daraa dairaad bgaa yumuu? Yu bicheed bnaa

Avatar

Зочин 2018-10-16 150.129.140.221

Irguuu alminichiiiii unshaaad ologdogggui yanhaaan beee

Avatar

Зочин 2018-10-16 64.119.21.251

eruul bolchood unsh sogtuu mini

NewsMN Гар утасны хувилбар Татах
NEWS.mn

Мэдээллийн эх сурвалж