Хятад болон Сербийн шигшээ багууд эхний хожлоо авлаа | News.MN

Хятад болон Сербийн шигшээ багууд эхний хожлоо авлаа

Хятад болон Сербийн шигшээ багууд эхний хожлоо авлаа

Хятад болон Сербийн шигшээ багууд эхний хожлоо авлаа

Арлын Япон улсад үргэлжилж буй волейболын эмэгтэйчүүдийн ДАШТ-ний зургаадугаар шатны тоглолтууд эхэллээ. Сугалаа ёсоор тэмцээний гуравдугаар шатны G хэсэгт тэмцээнийг зохион байгуулагч Япон, Риогийн олимпийн мөнгөн медальт Серби болон 2002 оны дэлхийн аварга Италийн шигшээ багууд багтсан. Хэсгийн эхний тоглолт Япон болон Сербийн шигшээ багуудын дунд болж 19:25, 18:28, 23:25 харьцаатай Сербийн ялалтаар өндөрлөжээ. Сербийн багаас Т.Бошкович, Б.Михайлович +10 оноо авсан бол Япон багаас ердөө ганцхан тоглогч +10 оноо авсан. Тоглолтын эхний хоёр сетэд Сербийн бүсгүйчүүд Японд 20 оноо авах боломж олголгүй буулгаж авсан. Харин шийдвэрлэх 3 дахь сетэд Япон бүсгүйчүүд бага зэрэг хүчтэй эсэргүүцэл үзүүлж байсан ч амжилтанд хүрч чадаагүй. Ингээд Сербийн шигшээ баг хагас шигшээд шалгарах нэг шат ахиад байгаа бол Японы бүсгүйчүүд хүнд байдалд орж байна.

Тэгвэл тэмцээн Н хэсэгт Хятад, АНУ болон Нидерландын багууд багтаж Хятадын бүсгүйчүүд АНУ-ын багийг мөн 5 сетэд буулгаж авчээ. Тоглолтын эхний сетийг Хятадууд авсан ч Нэгдсэн Улсын бүсгүйчүүд дараалж хоёр сетэд ялалт авсан ч төгсгөлөө сайн хийж чадсангүй. Ингээд Хятадын баг дөрөв дэх сетийг 25:23 харьцаатай хожсон бол шийдвэрлэх сетэд Хятадын баг эрчээ алдалгүй 15:9 харьцаатай хожиж хэсгийн эхний хожлоо авсан. Хоёр баг тус тоглолтонд 104:104 оноотой тэнцсэн ч сетийн харьцаагаар Хятадын бүсгүйчүүд 3:2 харьцаатай хожсон.

Өнөөдөр хэсгийн 2-р тойргийн тоглолтууд явагдана. Италийн шигшээ баг Японтой тоглох бол АНУ-ын баг Нидерландын шигшээ багтай тоглоно.

Б.БЯМБАБАЯР

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж