Шатрын тэмцээнд УИХ-ын Тамгын газар тэргүүн байр эзэллээ

Хуучирсан мэдээ: 2018.10.15-нд нийтлэгдсэн

Шатрын тэмцээнд УИХ-ын Тамгын газар тэргүүн байр эзэллээ

Шатрын тэмцээнд УИХ-ын Тамгын газар тэргүүн байр эзэллээ

Монгол Улсад нотариатын байгууллага үүсэж хөгжсөний 93 жилийн ой, мөн дэлхийн нотариатын өдрийг тохиолдуулан Монголын нотариатчдын танхимаас нотариатын байгууллагын үйл ажиллагааг олон нийтэд сурталчлах, хуулийн байгууллагуудын хамтын ажиллагааг бэхжүүлэх, харилцан туршлага солилцох, шатрын спортыг түгээн дэлгэрүүлэх зорилгоор хуулийн байгууллагуудын дунд шатрын тэмцээн зохион байгуулав.

Шатрын тэмцээн өнгөрсөн Бямба гарагт /2018.10.13/ Хууль зүйн үндэсний хүрээлэнд зохион байгуулагдсан юм. Тус тэмцээнд 3 эрэгтэй, 1 эмэгтэй тамирчны бүрэлдэхүүнтэй нийт 18 баг өрсөлдсөнөөс УИХ-ын Тамгын газрын баг 12 оноогоор тэргүүн байр эзэлж, шилжин явах цом, алтан медаль хүртлээ.

Улсын Их Хурлын Тамгын газрын баг УИХ-ын гишүүн Б.Саранчимэг, Мэдээлэл, хяналт шинжилгээ, үнэлгээний хэлтсийн референт ОУХМ Г.Алтан-Оч, ахмад ажилтан СМ Д.Ламжав, ахмад ажилтан СМ Г.Чулуун нарын бүрэлдэхүүнтэй амжилттай оролцлоо.

Тэмцээн швейцарь системээр 7 тойрог, талдаа 15 минутын цагийн хяналттай явагдаж, Өмгөөлөгчдийн холбоо, Дарханы хуульчдын баг тус тус 10 оноогоор хоёр, гуравдугаар байр эзлэв гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж