ОУВС-гийн уулзалт Индонез улсад өчигдөр /2018.10.12/ эхэллээ. Тус уулзалтаар эдийн засгийн өмнө тулгамдаад байгаа худалдааны маргаан,  дэлхийн болон бүс нутгийн эдийн засгийн төлөв байдлыг хөндөн ярилцаж байгаа юм.

Тухайлбал, ОУВС-гийн Мөнгө санхүүгийн хорооны хурлын үеэр дэлхийн эдийн засгийн өмнө тулгамдаад байгаа сорилтууд түүнийг хэрхэн  даван туулах талаар ярьжээ. Мөн ам.доллар дэлхийн  ихэнх мөнгөн тэмдэгтийн эсрэг чангарч байгааг хурлын үеэр тодотгосон байна.

ОУВС-гийн тус уулзалтад Монгол Улсаас Сангийн сайд Ч.Хүрэлбаатар, УИХ-ын гишүүн Ч.Улаан, Б.Жавхлан, Б.Баттөмөр болон бусад албаны хүмүүс оролцож байна.

Сонирхуулахад, дэлхийн эдийн засгийн өсөлтийн 60 хувь нь Азид бий болж байгаа аж.

Э.ЖОНОН