Тэрслүү үг: СУРГУУЛЬ НУРААСАЙ | News.MN - Мэдээллийн эх сурвалж

Тэрслүү үг: СУРГУУЛЬ НУРААСАЙ

Тэрслүү үг: СУРГУУЛЬ НУРААСАЙ

“Нисванис”-ын дуунууд ерөнхийдөө этгээд сонин үгтэй л дээ. Бараг эсэргүү ч юм шиг. Урт үстэй Амгаа “сургууль нураасай” гэж дуулахаар хэнд ч таатай сонсогдох билээ. Гэвч, залуусын дунд энэ дуу нэг хэсэгтээ л  трэнд болж байсан.  Дууны үг бол  их тэрслүү. “Чарлаа хонх цочоон дуугарлаа, Царай муутай багш шүлсээ цацан донгосно” энэ тэр гээд. Гэхдээ Б.Энх-Амгалан  хэвлэлд ярилцлага өгөхдөө энэ тухайгаа “Сургууль нураасай” дууны хувьд тэр уран бүтээлээрээ сургууль нураасай гэж илэрхийлээгүй. Харин ч эсрэгээрээ. Тухайн үеийн оюутны амьдрал, боловсролын системийг шүүмжилж гаргасан дуу” гэж тайлбарлаж байв.

Бүх нийтээр бичиг үсэг тайлагдсан гэж дэлхийд  Монгол дээгүүрт бичигддэг гэнэ лээ. А, Б, В,Г-ээ ялгаад, арав тоолоод, аав ээжээ холбоод уншиж чадахгүй хүн цөөхөн л дөө, ер нь. Харин боловсролын чанар, стандартын хувьд  үйлдвэрлэлийн “гологдлууд”.  Дээд боловсролын дипломтой стандарт бусчууд.

Үүний үндсийг хөөвөл үйлдвэрлэлийн алдаа нь   нөгөө л багш нарын цалин, хангамж, их дээд сургуулиудын элсэлт, боловсролын салбарын менежмент, шинэчлэлтэй холбогддог.  Өнгөрсөн зуны элсэлтийн үеэр СЭЗИС  эрэлт ихтэй, эсрэгээрээ багш бэлтгэдэг цорын ганц улсын сургууль нь оюутныхаа төлөвлөгөөг гүйцээж чадахгүй сууж байгаагаа нэгэн багш нь ярьсан байдаг.

 Багш нарын цалин бага, сайнууд нь хувийн сургууль бараадаж, арай дөнгүүр нь улсын аль нэг нэртэй сургуульд багшлахыг хүсдэг.  Хотын төвийн сургууль, цэцэрлэгүүд эрэлт ихтэй, захирлууд нь авлигатай холбогдоод байгаа нь нөгөө л сургалтын чанар, сургуулийн нэр хүндтэй нь холбоотой шүү дээ.

Гэрийнхээ хажуугийн тав алхмын зайтай сургуульд хүүхдээ сургалгүй, хотын түгжрээд хол зөөдгийн шалтгаан ч энэ.  Хүн л юм хойно, үр хүүхдээ гайгүй сургуульд өгч, олигтойхон боловсрол эзэмшүүлэхийг хүснэ, ямар ч эцэг эх.  Дээр нь сургуулийн орчин нөхцөлийг бодолцоно.  Яагаад хувийн дээд сургууль төгссөнөө улстөрчид нуугаад улсын сургуулийн хуурамч диплом худалдаж авдаг вэ гэдэг чинь манай боловсролын салбарын томоос том асуудал болчхож байгаа юм.

Монголын боловсролын систем  дэх авлига, алдаа, асуудал болгоныг  яривал ёстой “Хүрээний булайг тоочвол далай” болно.  Гээд улсын сургууль, цэцэрлэгийн захирлуудыг АТГ толгой дараалан баривчлаад боловсролын салбарын авлига цэгцэрчих юм биш.

АТГ  гүйцэтгэх ажиллагаа явуулан барин авлигач захирлуудыг эхнээс барилаа, хорилоо.  Гэхдээ энэ нь улс төрөөс хамааралгүй цэвэр АТГ-ын ажил, авлига өгсөн хүмүүс өөрийгөө ч, өрөөлийг ч барьж өгөөд боловсролын салбарын булайг дэлгэж байна гэвэл гэнэн төсөөлөл болох биз. Монголд улс төр хутгалдаагүй үйл явдал, дуулиан гэж огтхон ч байхаа больсон, одоо “чамайг томилсон цаад эзэн чинь хэн бэ” гээд АТГ-ынхан асуугаад сууж байж мэднэ.

Энэ удаагийн АТГ-ын баривчилгаа сургууль, цэцэрлэгийн захирлуудад анхааруулга болж байна.   Махан тэжээлтнүүдээсээ доошлоод өвсөн тэжээлтнүүд рүүгээ орсон АТГ-ынхан долоо хоногийн дотор улсын гэх тодотголтой,  дээр нь эрэлт ихтэй хоёр ч сургуулийн захирлыг барьсан нь боловсролын салбарыг бүхэлд нь “айдас”-т оруулчихлаа.

Одоо ингээд авлига байхгүй болчихно, гоё доо гэж бодож байна уу. Харин ч авлига улам далд хэлбэрт орж, өгөх хэмжээ нь бүр илүү өснө гэсэн үг. Учир нь, авлига өгөх авах нөхцөлийг бүрдүүлж, хорт хавдар үүсгэх шалтгаан нь хэвээрээ л байгаа шүү дээ.

Мэдээж, авлига авсан захирлуудын түмэн буруу. Тэд авлига авсан хариуцлагаа хүлээх ч биз.  Гэхдээ цаана нь авлига өгөөд ч болтугай хүүхдээ олигтойхон сургуульд сургаж, цэцэрлэгт оруулах хүсэлтэй мянга түмэн аав ээж байгаа нөхцөлд  хоёр захирал барилаа гээд “хонхны дуугаар” боловсролын салбарыг сэрээж, шинэчилж чадах уу. Яах вэ, сэрэмжлүүлэг л болох байх.

Хот хөдөөгийн, төв, захын сургуулиудын орчин, нөхцөл өөрчлөгдөөгүй, өөрчлөөгүй тохиолдолд  авлига амь бөхтэй оршсоор байх болно. Ямар учраас эцэг эхчүүд нэгдүгээр сургуульд, кембрижийн хөтөлбөртэй сургуулиудад хүүхдээ өгөх гээд мөнгөө бариад очиж байна вэ гэсэн асуултаас АТГ хариугаа олох хэрэгтэй. Хариу нь хаана нуугдаж байгааг шүү.

Монголын хууль баталдаг, шийдвэр гаргадаг, төсөв захиран зарцуулдаг улстөрчид болоод бизнесменүүдийн хүүхдүүд бүгд хувийн өндөр үнэтэй сургуульд суралцдаг, дундаж хэд нь сайн гэсэн улсын сургуульд хүүхдээ өгөхөөр улайрдаг, авлига өгдөг. Тэгж ярих юм бол АТГ-ын байцаагчдын хүүхдүүдийн хэд нь яг харъяа дүүргийнхээ сургуульд сурдаг вэ гэвэл харин ч сонирхолтой хариулт сонсох байх.

Боловсролын салбарын чанар нойл, үүнийг гэрчлэх хамгийн наад захын баримт бол  МУИС-ийн оюутнуудын сургалтын төлбөр нэмлээ гэж эсэргүүцэхдээ барьж жагссан лоозон байна.  Ийм оюутнууд байх гэж халаглах мөртлөө эдгээр гологдлууд хаанаас, ямар сургуулиас, ямар багшаас их сургуульд орсныг хэн ч ярьдаггүй, асуудаггүй.  Үндсэндээ энэ мэт үйлдвэрлэлийн бааз нь бүхэлдээ доголдсон боловсролын салбарыг авлига хээл хахуулиас хол байлгая гэвэл улстөрчид өөрсдөө энэ салбарт гар хөлөө дүрэхээ л больчих.

Боловсролын салбар дахь авлигыг цэгцэлье гэвэл цалин хөлс, хангамж, цаашлаад зах, төвийн ялгаа, орчин нөхцөл, бодлого менежмент, заах арга, сургалтын чанар, томилгоо, томилолт бүгдийг нь үндсээр нь өөрчлөх хэрэгтэй. Үгүй бол Монголын боловсролын салбарынхан бүгдээрээ АТГ-ын хаалгыг авлигын хэргээр татаж мэдэх юм шүү.  Хүн олдвол хэрэг тохох амархан гэдэг шүү дээ.

"Болор дуран"-аар шалгав.
Энэ мэдээнд өгөх таны сэтгэгдэл?
3
ХөөрхөнХөөрхөн
2
ЗөвЗөв
2
ХахаХаха
2
ГайхмаарГайхмаар
1
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

22 сэтгэгдэл

News.mn сайтад сэтгэгдэл оруулахад анхаарах зүйлс

Gan 2018-10-12 66.181.178.90

Deeshee tenger hol dooshoo gazar hatiu gegcheer 20&30 sayiig uguud huviin surguulid surgaj chadahguigees hoish 2&3 sayiig neg udaa uguud gaigui surguulid uguhuus uur arga baival zaagaad ugchih hun bna uu? ATGbolon yam tamgiin gazar heltesiin darga nar huuhdee shuud zahiral erhlegch nariig daramtlaad ugchih ni shuu dee ard irgediin huuhed oligtoi surguulid surah bolomj alga bna

Uvgun bagsh 2018-10-12 66.181.190.30

Gol asuudliig onoj hundjee. Neeree l surguuli , tseterleguudee hureltseetei barij, jigd hugjuulsen bol olon sain surguuli, zuv shudarga bagsh nariiin ner hund yund ingej unah ve ?

zochin 2018-10-12 103.212.116.110

NERNEESEE AVHUULAAD MUU ZORILGO TEESEN

unshigch 2018-10-12 66.181.178.16

temuujin orlog gedeg surguuliin zahiral E.Byambajav geech awilgachiig yaagaad barihgui baigaa ym be. ene jil 30 huuhed avna gej shalgalt avsan bolj jujig tavisan odoo 70 garui huuhedtei bolson baina, 40 huuhdees tus bur 3 saya awsan gej yarih ym bilee, manai huu shalgalt ogson bolovch orj chadaagui l dee. tegeed ch surgaltiin chanar muutai huuhdiin humuujliig evddeg ter surguulid iruulah hereggui ym gedgiig oilgoson mon tegej neg hulgaichid ogood baih iluudee garsan mongo ch baihgui,

Зочин 2018-10-12 202.21.96.134

Сайхан бичжээ. Улам сайн сэтгүүлч болоорой, тэгээд УИХ-ын гишүүн болоорой, сэтгүүлчид хүмүүсийн танил болох нь их амархан байдаг юм шиг байсан. Эмч, багш УИХ-ын гишүүн болно гэвэл их хэцүү шүү дээ. Танд амжилт хүсье,

Зочин 2018-10-12 202.21.96.134

Би анхааралтай уншлаа. Би барагтай зүйлийг уншдаггүй, гарчигийг нь уншина. Гүйлгэж харна. Дандаа л завгүй. Гэтэл эхнээс харсан таалагдаж байна аа. Үргэлжлүүлж уншсаар дуусгалаа. Таны нийтлэл таалагдлаа.

Gg 2018-10-12 66.181.161.73

Ereenees avchirsan baraagaa oroondoo delgeed bagsh nartaa zardag 44r surguuliin meneger myagmardulamaas ehlen 10s-20 sayiig ogch zahiral bologsdiig shalgaj zohih hariutslagiig tootsdog heregtei.

Зочин 2018-10-12 49.0.144.130

Нямсүрэнг би дандаа уншдаг сйан бичдэг шүү

ЗОЧИН 2018-10-12 150.129.140.67

БАГШ НАРЫН ЦАЛИНГ НЭМЭЭД НЭМЭРГҮЙ - ШҮҮГЧ НАРЫН ЦАЛИНГ НЭМЛЭЭ ГЭЭД ЯАВ , АВЛИГА УЛАМ Л НЭМЭГДСЭН .

Зочин 2018-10-12 49.0.212.155

MUIS-iin ter surgalt erkhelsen ded zahiral ochirhuagiig gee. Naanaa unen shudarga tsarailsan tsaanaa ikh surguuli dotor hor nairuulsan, hunii araas hutga shaadag, ohid huuhnuud ter tusmaa oyutan ohiduudai yavalddag hormoi sultai avilgaching shalgah heregtei. Ded zahiral huuhenteigee yavalddag tsever archaagui novsh bnaa

зочин 2018-10-12 202.72.244.219

Бїх сургуулийн сургалт ижил бол ийм явдал гархагїй шїї дээ. Хэнч їр хїїхдээ сайн сургалттай сургуульд єгєхийг бодно шїї дээ. Яалт ч їгїй энэ сургїїлийн сурагчид арай дээр сурч байна. Та нар захын сургуульд оруулах гээд їз дээ. Тэнд сурлага сахилга бїгд муу байна. Хувийн сургууль мэдээж сайн байна Тєлдєг мєнгє нь хїн бїрт алга байна шїї дээ. Гэтэл бидний хїїхдїїд сурах зїйлээсээ хоцролд байна шїї дээ. ийм л учраас авилга єгєєд ч гэсэн хїїхдээ тєлбєргїй сургуульд оруулах нь зєв шїї дээ.

Зочин 2018-10-12 64.119.22.188

Daraagiinx n 23,oros 3 iin zaxiraluud..buunuuruu shorond uulzaj ajlaa yrix n dee

Irgen 2018-10-12 103.26.195.65

Zass.shalgah l heregteishde.avliga gazar avlaa jijig geltgui shalga geed baidag murtluu shalgahaar n tom zagas bariach geh shig.estoi 1 teneg uher mongol yum doo.

Зочин 2018-10-12 112.72.8.90

Иргэн миний бодоход боловсрол. эрүүл мэнд хууль хүчний байгууллага гэх мэт Төрийн механизм болсон салбарууд зах зээлийн системд ерөөс ороогүй. Учир нь тэдгээр нь аль ч нийгмийн үед ивээлдээ байлгах ёстой байсан салбарууд учраас л тэр. Жишээ нь боловсролын салбар гэхэд л хүүдүүдээ л үсэргээд байснаас багш нараа ерөөс үсэргээгүй. Тэнд сэтгэлгээ, арга барил чадвар бүгд хуучнаараа. Харин Улсын маань гол салбар болох хувийн хэвшил бүгд үсэргээнд орсон. Гэхдээ иргэдийн маань буруу юу байх вэ дээ.

Мээднээ 2018-10-12 202.179.24.140

Чи одоо юун үсэргээн яриад байгаа малчин бэ.

Зочин 2018-10-12 118.243.73.134

Aнги дэвшүүлэлт зэргийг л хэлээд байх шиг байна л даа.

зочин 2018-10-12 202.70.34.70

их мөнгөөр сургадаг бүх сургууль нураасай, нураасай

Хэний буруу вэ 2018-10-12 103.26.194.134

Ардын нам засагт заларсан хугацаа хамгийн урт бараг 100 жил. Энэ хугөцаанд сайн зшйл байсан нь бий л байх. Гэхдээ сүүлийн 20 хэдэн жилд ардын нам улс орныг хорлон сүйтгэгчид болсон нь ганц төгс үнэн. Хүмүүсийг хэн ийм авлигач болгосон буруутан нь ардын намын үe үeийн дарга нар . Махчин авлигачдаа яаж ч чадахгүй харин ч тэднийг долоож даога болдог бурууг бас л ардын нам үүрнэ. Цэцэрлэгийн эрхлэгч болох гэж 10 саяыг өгч байна

Хэний буруу вэ 2018-10-12 103.26.194.134

Ардын нам засагт заларсан хугацаа хамгийн урт бараг 100 жил. Энэ хугөцаанд сайн зшйл байсан нь бий л байх. Гэхдээ сүүлийн 20 хэдэн жилд ардын нам улс орныг хорлон сүйтгэгчид болсон нь ганц төгс үнэн. Хүмүүсийг хэн ийм авлигач болгосон буруутан нь ардын намын үe үeийн дарга нар . Махчин авлигачдаа яаж ч чадахгүй харин ч тэднийг долоож даога болдог бурууг бас л ардын нам үүрнэ. Цэцэрлэгийн эрхлэгч болох гэж 10 саяыг өгч байна

Хэний буруу вэ 2018-10-12 103.26.194.134

Ардын нам засагт заларсан хугацаа хамгийн урт бараг 100 жил. Энэ хугөцаанд сайн зшйл байсан нь бий л байх. Гэхдээ сүүлийн 20 хэдэн жилд ардын нам улс орныг хорлон сүйтгэгчид болсон нь ганц төгс үнэн. Хүмүүсийг хэн ийм авлигач болгосон буруутан нь ардын намын үe үeийн дарга нар . Махчин авлигачдаа яаж ч чадахгүй харин ч тэднийг долоож даога болдог бурууг бас л ардын нам үүрнэ. Цэцэрлэгийн эрхлэгч болох гэж 10 саяыг өгч байна

Зараа 2018-10-12 182.160.33.151

Яг үнэн. Улсын хэмжээнд бага ангийн багшийг бэлддэг гэх Багшийн коллеж гэж ёстой дампуурсан сургууль бий. Оюутнуудыг багшийн мэргэжил эзэмшүүлэхийн тулд ийм ч зарчмаар, тийм ч арга зүйгээр гээд учиргүй сүртэй үг өгүүлбэрээр хачирласан хөтөлбөртэй боловч цаасан дээр буусан эдгээр үгнүүдийн нийлбэр нь ирээдүйн багш нарын мэдлэгт нялзахгүй нь харамсалтай. Чанар үнэртэхгүй бүтээгдэхүүн нь амьдралд гараад монголын ирээдүйг баллаж байгааг бид бүгд ажигласаар. Багшийг бэлддэг багш нарыг хөгжүүлмээр...

Зочин 2018-10-12 202.180.220.81

үнэн шүү дээ Гээндээ ч бий гоондоо ч бий гэдэг л байхгүй юу Боловсролын системийг улс төрөөс ангид болгох хэрэгтэй. Чанаргүй олон хувийн их дээд сургуулиудыг /МҮИС, Газарчин, Сити гэх мэт/ л шалга тэнд суралцдаг оюутанууд 4 жил гадуур хэсэж байгаад л диплом авч байна. Ийм хүмүүсээр заалгаж байгаа шавь, хийлгэж байгаа ажил улам муудах нь тодорхой шүү дээ