НБА-гийн талбайд өнөөдөр гурван тоглолт боллоо. Энэ жил тааруухан амжилтай байгаа "Лос Анжелес Лейкэрс" талбай дээрээ "Клевлэнд Кавалерс" багтай тоглолоо.

Тоглолтын эхний хагаст Лейкэрс дөрвөн онооны зөрүүгээр буюу 57-61 харьцаагаар хожил авсан ч сүүлийн хагаст тааруухан тоглолт үзүүлснээр 109-102 харьцаагаар ялагдал хүлээлээ. Харин Клевлэнд зургаа дараалсан ялагдлаа зогсоосон бөгөөд 20 хожил 20 хожигдолтой Дорнод бүсийн зургаад бичигдэж байна.

Тус тоглолтод Леброн Жеймс 36 оноо, 5 самбараас бөмбөг авч, 5 оновчтой дамжуулалтыг өгч багаа тэргүүлсэн бол Кари Ирвинг 22 оноо, Кэвин Лов 17 оноогоор тусалжээ. Харин эсрэг багаас Жордан Хийл 20 оноог авсан бол тус багийн лидер Коби Брайнт 19 оноо, 17 оновчтой дамжуулалтыг гүйцэтгэжээ.

Бусад тоглолтууд

Нью-Иорк Никс 79-95 Милоуки Багс
Оклахома Сити Тандер 101-112 Хьюстон Рокетс
Клевлэнд Кавалерс 109-102 Лос Анжелес Лейкэрс

Ч.БОЛОР